Morgunblaðið - 27.10.2007, Síða 30

tíska
30 LAUGARDAGUR 27. OKTÓBER 2007 MORGUNBLAÐIÐ
Eftir Önnu Sigríði Einarsdóttur
annaei@mbl.is
Það ber alla jafna ekki mikið á grænlenskri fata-hönnun hér á landi og selskinnsjakkar og-töskur, sem ferðamenn gjarnan taka með séreftir dvölina, eru líklega það fyrsta sem kemur
upp í hugann. Því fer hins vegar fjarri að Isaksen//
design, hönnun mæðgnanna Ritu og Nickie Isaksen,
minni á þessi þjóðlegu klæði þótt vissulega séu þær báð-
ar grænlenskar og fatalína þeirra undir grænlenskum
áhrifum. Áhrif frá asískri hönnun og skandinavískri
naumhyggju í arkitektúr eru hér nefnilega vel sýnileg,
að sjálfsögðu í bland við grænlensku náttúruna.
„Innblásturinn er að stórum hluta grænlensk nátt-
úra,“ segir Nickie er ég hitti á hana í versluninni Rauða
eplinu í Ingólfsstræti, en verslunin, sem opnuð var í
gær, mun selja hönnun þeirra mæðgna. „Landslagið og
litirnir, bæði það hrjóstruga og grófa í náttúrunni og svo
líka viðkvæmnin, kvenleikinn og hið ofurfína. Kalt lofts-
lag endurspeglar líka að miklu leyti viðhorf Grænlend-
inga til fatnaðar og það skilar sér í hönnun okkar. Við
viljum að fötin henti við ýmsar aðstæður – bæði hvers-
dags og við fínni tilefni. Náttúruleg efni, ull, silki, bóm-
ull og hör, leika þar líka stórt hlutverk sem og lykilorðin
notagildi, þægindi og hrein efni.“
Þær Rita og Nickie eru báðar fæddar í Nuuk á Græn-
landi, þó að Nickie hafi að mestu alist upp í Danmörku.
Rita starfaði lengi sem skraddari og eftir að Nickie
hafði lokið klæðskera- og hönnunarnámi stofnuðu þær
fyrirtækið Isaksen/Design árið 2002. „Ég lærði fata-
hönnun í London og sérhæfði mig þar í karlmannsfötum
því mér fannst heillandi allt það handverk sem í þeim
felst. Svo hélt ég heim til Kaupmannahafnar á ný, enda
var ég staðráðin í að hanna mína eigin línu í stað þess að
vinna fyrir aðra.“
Eftir nokkrar vangaveltur var hún komin með heild-
arsýn og húsnæði og tilbúin að stofna fyrirtæki í sam-
vinnu við vinkonu sína. Sú hætti hins vegar við og þá
kviknaði hugmyndin að mæðgnasamstarfinu. „Það tók
okkur smátíma að læra hvor inn á aðra sem hönnuði,
hver styrkur hinnar væri og veikleikar, en það hefur
tekist vel og þar sem við erum á svo ólíkum aldri þá
fylgir því að hönnun okkar höfðar til breiðari ald-
urshóps. Yfirleitt hanna fatahönnuðir fyrir ein-
hverja ákveðna týpu eða aldur, en þar sem við
erum tvær í þessu verðum við að vera opnari fyr-
ir hugmyndum hvor annarrar.“
Lína þeirra Ritu og Nickie hefur yfir sér
sterkan heildarsvip – einfaldleiki og naum-
hyggja eru þar samofin kvenlegum línum
og þrír litir eru ráðandi í hönnuninni –
rauður, svartur og hvítur.
„Auðvitað notum við aðra liti líka með,
en þessir þrír eru ráðandi. Þeir setja líka
sterkan svip á grænlenska þjóðbúninginn
og hafa mikla þýðingu í grænlenska anda-
heiminum,“ segir Nickie. „Svart stendur fyr- ir
andaheiminn, hvítt fyrir bein forfeðranna og
rautt er lífsins blóð.“
Kaupmaðurinn blundaði ekki í mér
Kristín E. Guðjónsdóttir, sem rekur
Rauða eplið ásamt syni sínum Guðjóni
Hafstein, kynntist vörunum fyrir tilviljun
úti í Damörku. „Ég dvaldi í tæpa tvo mán-
uði í Kaupmannahöfn síðasta haust og einn daginn
gekk ég fram á litla, látlausa verslun í kjallara og sá
þar hönnun sem mér fannst mjög falleg. Nokkru síðar
voru svo vinkonur mínar, sem hafa verið með mér í les-
hring í ein fimmtán ár, í heimsókn úti og þá fór ég með
þær í verslunina. Og það skipti engum togum; þær
misstu sig alveg.“ Á meðan vinkonurnar mátuðu fór
Kristín að spjalla við hönnuðina sem reyndust hafa tölu-
verðan áhuga á Íslandi. „Ég stakk því upp á að þær opn-
uðu verslun hér og bauðst til að vera milligöngumaður,
enda blundaði enginn kaupmaður í mér,“ segir Kristín
sem til þessa hefur starfað við ferðaþjónustu og skriftir.
Ekkert varð þó úr því að koma merkinu á markað hér á
landi þar til núna í lok sumars. „Mér varð svo sterkt
hugsað til þeirra núna í ágúst að ég ákvað að senda út
línu og kanna hvort málið væri dautt. Ég fékk strax svar
til baka: „Við erum enn að hugsa um Ísland, en það
verður bara meira og meira að gera.“ Þess má geta að
18. verslunin með hönnun Isaksen-mæðgnanna var opn-
uð á 5th Avenue í New York fyrir skemmstu.
Það vantaði því ekki umboðsmann á Íslandi heldur
einhvern sem væri til í að selja vöruna. „Ég hugsaði mig
um í hálftíma og sló svo til,“ segir Kristín og hlær.
Tveimur dögum síðar var hún flogin út til fundar við
þær Ritu og Nickie, hugsaði síðan upp nafnið og
merki verslunarinnar í fluginu heim og
kynnti áformin fyrir fjölskyldunni við
matarborðið um kvöldið.
„Ég varð bara svo hrifin að ég
get ekki annað en haft fulla trú á
þessum vörum,“ segir Kristín, sem
einnig er komin í samband við
danska konu, búsetta á Balí,
varðandi samstarf um
skartgripahönnun. Og það
er aldrei að vita nema
fleiri merki eigi eftir að
bætast við. „Við sjáum
bara hvað húsnæðið leyf-
ir.“
Morgunblaðið/ G. Rúnar
Hönnuður og eigendur Rita Isaksen ásamt þeim Guðjóni Hafstein og Kristínu E. Guðjónsdóttur.
Svart Spari-
legur kjólĺ í
veisluna.
Hvítt Ullarvesti
sem hentar vel í
hversdaginn.
Innblástur úr græn-
lenskri náttúru
Rautt Hlýleg
kápa fyrir
haustdaga.
- kemur þér við
Tinna Hrafnsdóttir
opnar myndaalbúmið
Sátt kirkjunnar gegn
jafnræði í stjórnarskrá?
Vigdís Grímsdóttir vildi
verða steypubílstjóri
Þúsundkall getur
þurrkað út bæturnar
Alfræðikrossgáta og
fréttagáta að glíma við
Ása Ottesen er
tískufrík dagsins
Hvað ætlar þú
að lesa í dag?