Morgunblaðið - 17.09.2008, Page 2

2 MIÐVIKUDAGUR 17. SEPTEMBER 2008 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is Daglegt líf Anna Sigríður Einarsdóttir,
annaei@mbl.is, Bergþóra Njála Guðmundsdóttir, ben@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson,
Arnór Ragnarsson Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Ylfu Kristínu K. Árnadóttur og Steinþór Guðbjartsson
ylfa@mbl.is, steinthor@mbl.is
SAMNINGANEFND ljósmæðra kynnti miðlunar-
tillögu ríkissáttasemjara á fjölmennum fundi í Rúg-
brauðsgerðinni í gærkvöldi og talaði fyrir henni, en Guð-
laug Einarsdóttir, formaður Ljósmæðrafélags Íslands,
segir ómögulegt að segja til um hvernig atkvæða-
greiðslan um hana fari. „Það verður að koma í ljós hvort
þær eru sammála okkar mati eða ekki,“ segir hún.
Eftir fjölda árangurslausra samningafunda milli
samninganefnda ljósmæðra og ríkisins sá Ásmundur
Stefánsson ríkissáttasemjari engan annan kost í stöð-
unni en leggja fram miðlunartillögu.
Félagsmenn í Ljósmæðrafélagi Íslands (LMFÍ) munu
frá og með hádegi í dag geta kosið um tillöguna með raf-
rænum hætti en kosningu lýkur kl. 12 á föstudag, á
sama tíma og fjármálaráðherra á að skila sínu atkvæði
til ríkissáttasemjara. Niðurstöður úr kosningu ljós-
mæðra munu liggja fyrir kl. 14 samdægurs.
Slegið af kröfum
Lögum samkvæmt má ekki birta miðlunartillöguna
öðrum en þeim sem hlut eiga að máli fyrr en atkvæði
hafa verið greidd um hana. Miklar umræður voru um
hana á fundinum og segir Guðlaug að erfitt sé að ráða í
almennan hug ljósmæðra. „Þetta er náttúrlega engan
veginn það sem við höfum farið fram á og þurfum að fá
til þess að leiðrétta okkar mun á við aðrar sambærilegar
stéttir,“ segir hún. „Þetta er náttúrlega bara miðl-
unartillaga en alls ekki neinn samningur,“ bætir Guð-
laug við. Hún áréttar að samninganefndin hafi samt lagt
að félagsmönnum að samþykkja hana, því erfitt sé að
fara lengra. Tillagan sé neyðarúrræði ríkissáttasemjara
úr miklum hnút sem staðið hafi lengi og hafi ekkert
haggast. „Við sáum ekki fram á að hann myndi haggast
og þess vegna mælum við með henni.“
LMFÍ ákvað í gær að aflýsa þriggja sólarhringa verk-
falli sem átti að hefjast á miðnætti og að fresta meðferð
félagsdómsmáls um lögmæti uppsagna ljósmæðra.
Verði miðlunartillagan samþykkt verður hætt við öll
boðuð verkföll auk þess sem félagsdómsmálið mun falla
niður. Felli ljósmæður hins vegar tillöguna mun fjög-
urra sólarhringa verkfall frá og með næsta mánudegi
ganga fram.
Morgunblaðið/Frikki
Húsfyllir Ljósmæður fjölmenntu á fundinn um miðlunartillöguna í Rúgbrauðsgerðinni í gærkvöldi og höfðu ýmislegt um hana að segja.
Lausn í ljósmæðradeilu?
Samninganefnd ljósmæðra mælir með að félagsmenn samþykki miðlunar-
tillögu ríkissáttasemjara þó hún gangi ekki nógu langt að þeirra mati
Eftir Andra Karl
andri@mbl.is
JAPANSKUR karlmaður á fer-
tugsaldri fórst þegar fólksbifreið
hans fór út af þjóðveginum norðan
við Hofsós í Skagafirði á ellefta
tímanum í gærmorgun. Maðurinn,
sem var einn í bíl sínum, var látinn
þegar björgunarsveitir bar að.
Tildrög slyssins eru til rannsókn-
ar en svo virðist sem maðurinn hafi
misst stjórn á bifreiðinni í hægri
beygju. Bíllinn lenti fyrst úti í
hægri vegkanti og þegar maðurinn
reyndi að koma honum aftur upp á
veg tókst það ekki betur en svo að
bíllinn fór yfir veginn og út af
vinstra megin. Þar valt bifreiðin,
áður en hún fór fram af 11 metra
háu bjargi, ofan í klettabelti og
hafnaði að lokum á hjólunum úti í
sjó. Þar maraði bifreiðin í hálfu
kafi þegar komið var á vettvang.
Maðurinn var í bílbelti.
Tíunda banaslysið í ár
Björgunarsveitir frá Hofsósi og
Sauðárkróki voru kallaðar út ásamt
lögreglu. Einnig var þyrla Land-
helgisgæslu Íslands send af stað.
Áður en þyrlan komst á vettvang
var búið að ná manninum úr flaki
bílsins og ljóst að hann lifði slysið
ekki af. Ekki er unnt að greina frá
nafni hins látna að svo stöddu.
Rannsóknarnefnd umferðarslysa
rannsakaði vettvang í gærdag og
var bifreiðin dregin upp úr sjónum
í kjölfarið. Ásamt nefndinni fara
með rannsókn málsins lögreglan á
Akureyri og lögreglan á Sauðár-
króki.
Þetta var tíunda banaslysið í um-
ferðinni það sem af er ári.
Morgunblaðið/Júlíus
Í fjörunni Bifreiðin valt niður kletta og hafnaði á hjólunum í sjónum.
Lést er bíll fór fram af
11 metra háu bjargi
JÓHANNA Sigurðardóttir, félags- og trygginga-
málaráðherra, undirritaði í gær reglugerð sem
tryggir lífeyrisþegum ákveðnar lágmarkstekjur.
Eftir breytinguna hafa lágmarkstekjur lífeyris-
þega ekki verið hærri í 13 ár en tryggingin er veitt
með greiðslu sérstakrar uppbótar frá Trygginga-
stofnun ríkisins sem tengd er neysluvísitölu.
Skref í rétta átt
Hjá Félagi eldri borgara í Reykjavík (FEB) og
Öryrkjabandalagi Íslands (ÖBÍ) fengust þau svör
að um væri að ræða skref í rétta átt og öllum hækk-
unum á lífeyri bæri að fagna en ekki væri nóg að
gert. Að sögn Sigurðar Einarssonar, fram-
kvæmdastjóra FEB, hefur félagið gert þá kröfu að
lágmarksframfærslukostnaður miðist við neyslu-
könnun sem Hagstofa Íslands gerði á síðasta ári.
Þar kom fram að heildarútgjöld einhleypings í
desembermánuði sl. væru tæplega 210 þúsund kr.
og í dag næmi sú upphæð eflaust um 220 þúsund
kr. Sigurður segir reglugerðina breyta mestu fyrir
þá ellilífeyrisþega sem hafa lægstu tekjurnar en á
móti kæmi að tiltölulega fáir fengju að njóta henn-
ar.
Hægt að lifa á 130 þús. kr.?
Halldór Sævar Guðbergsson, formaður ÖBÍ,
segir félagið vilja ganga mun lengra. „Skv. reglu-
gerðinni er það svo að einstaklingur sem fer upp í
150 þús. kr. hefur til ráðstöfunar 130 þús. kr. eftir
skatta. Menn geta spurt sig að því hvort hægt sé að
lifa á 130 þús. kr. á mánuði í íslensku samfélagi.
Enn verra dæmi er hjón sem eru bæði öryrkjar og
hafa engar aðrar tekjur. Ráðstöfunartekjur þeirra
eru 116 þús. kr. eftir skatta hvors í sínu lagi því þau
fá ekki heimilisuppbót því þau búa saman. Ég dreg
í efa að það sé hægt að framfleyta sér á því á Ís-
landi í dag m.v. mikla verðbólgu og verðhækkanir,“
segir Halldór.
Lágmarks-
tekjur
hækkaðar
Skref í rétta átt en
ekki nóg að gert, segja
eldri borgarar
Eftir Ylfu Kristínu K. Árnadóttur
ylfa@mbl.is
LÖGREGLAN handtók síðdegis í gær þrjá menn
sem rændu verslunina Skólavörubúðina á Smiðju-
vegi í Kópavogi tveimur tímum áður. Að sögn lög-
reglu voru mennirnir handteknir í heimahúsi í
Breiðholti.
Mennirnir ógnuðu starfsfólki með dúkahníf sem
var í versluninni, engan sakaði hins vegar. Menn-
irnir, sem eru um tvítugt, hafa allir komið við sögu
lögreglunnar áður. Þeir höfðu tölvu á brott með sér
og telur lögregla að þeir hafi ætlað að nota þýfið í
skiptum fyrir fíkniefni. Lögreglan fékk greinar-
góða lýsingu á mönnunum sem leiddi til handtöku
þeirra á fimmta tímanum.
Ógnuðu starfsfólki
með dúkahníf
BIRNA Jónsdóttir, formaður Læknafélags Íslands, segir
að læknar ætli að bíða og sjá hvað miðlunartillaga ríkis-
sáttasemjara í deilu ljósmæðra við ríkið felur í sér áður en
þeir ákveða næstu skref í kjaradeilu sinni.
Ríkissáttasemjari hefur boðað samninganefnd lækna og
samninganefnd ríkisins á fund á föstudag eftir að niður-
stöður um miðlunartillögu liggja fyrir. „Það er alveg ljóst,
eins og formaður samninganefndar okkar sagði, að
læknar sem útskrifast eftir sex til sjö ára háskólanám
sætta sig ekki við lægri byrjunarlaun en ljósmæður,“ segir
Birna Jónsdóttir. „Þannig að við semjum ekki fyrr en það
liggur fyrir hvaða tillögu ljósmæður voru að kjósa um.“
Aðalfundur Læknafélagsins verður um aðra helgi og verða kjaramál aðal-
málið fyrri daginn.
Birna segir að hver sem niðurstaðan verði í því skammtímaumhverfi sem
ríkið bjóði læknum sé ljóst að launþegar séu að taka á sig mikla kjaraskerð-
ingu og kaupmáttarrýrnun og læknar séu að búa sig undir framhaldið. Hún
bendir á að ríkið hafi möguleika á að fella miðlunartillöguna, en pólitískur
meirihlutavilji opinberist fyrir hádegi á föstudag. steinthor@mbl.is
Læknar sætta sig ekki við
lægri laun en ljósmæður
Birna
Jónsdóttir
„MIÐLUNARTILLAGA er sú úrlausn sem ríkissáttasemj-
ari hefur þegar málin eru komin í þrot og ekki er fyrirséð
að lausn fáist með áframhaldandi viðræðum aðila,“ segir
Ásmundur Stefánsson ríkissáttasemjari.
Hann segir að í sínum huga sé miðlunartillaga algert
neyðarúrræði og er þetta aðeins í annað skipti á ferlinum
sem Ásmundur beitir því. „Það var ljóst að aðilar voru
ekki tilbúnir að skrifa undir samninga,“ segir hann.
Fyrsta skiptið sem Ásmundur þurfti að leggja fram
miðlunartillögu var í kjaradeilu grunnskólakennara árið
2004. Sú tillaga var felld.
Ásmundur segir alla forvera sína hafa þurft að beita
þessu úrræði einhvern tímann á sínum ferli, þó mismunandi oft. „Ég hef ekk-
ert heildaryfirlit en þeir hafa allir orðið að grípa til þessa ráðs á einhverju
stigi.“
Algert neyðarúrræði
Ásmundur
Stefánsson