Morgunblaðið - 17.09.2008, Page 17

daglegtlíf
Sólin er mikilvæg auðlind fyrir Spán-verja eins og fleiri þjóðir en hún dreg-ur að ferðamenn í milljónatali tillandsins og eyjanna sem tilheyra því.
Íslenskar fjölskyldur þyrpast til landsins, jafnt
yfir bjartar sumarnætur sem og í svartasta
skammdeginu og hitta þar fyrir enskar, þýsk-
ar og hollenskar sem eru þar í sama tilgangi,
að slappa af og njóta sólarinnar.
Oft er sá hængur þó á að ekki eru allir fjöl-
skyldumeðlimir jafnmiklir sólardýrkendur en
fá engu um förina ráðið. Sumir þola illa mikinn
hita, lætin á sundlaugarbökkunum eða að vaða
mishreinan eða hreint og beint skítugan
strandarsand. Aðrir eru komnir með óþol fyrir
ferðamannaþjónustunni, sem stundum er svo
yfirþyrmandi og yfirleitt nákvæmlega eins
sama hvar borið er niður á Spán. Maturinn
bragðast alls staðar eins, þokkalegur en
sjaldnast fjögurra eða fimm stjörnu, vöruúr-
valið í búðunum er einsleitt og hugmynda-
flugið hverfandi þegar kemur að minjagripum
þótt vissulega séu undantekningar sem sanna
regluna. Stóratburðum í mannkynssögunni
hefur heldur ekki beinlínis skolað á sólar-
strendur Spánar, svo yfirleitt er fátt um söfn
eða merka sögustaði á þeim slóðum.
Fjölbreytnin lykilatriði
Þessi, stundum kölluð merkikerti, sem
finnst fátt jafnleiðinlegt og pakkaferðir til sól-
arstranda þar sem þeim líður eins og sardínu í
dós, eygja þó sums staðar von til þess að finna
eitthvað við sitt hæfi og má þar t.d. nefna sól-
arperluna Mallorca. Aðdráttarafl hennar felst
í fjölbreytninni sem finna má á eyjunni, jafnt í
landslagi, sem minjum og menningu í litlum og
stórum bæjum og höfuðborginni Palma. Þeim
sem hafa áhuga á að finna annað líf en hinir
sólarsæknu ferðamenn ætti því ekki að verða
skotaskuld úr því þar. Fyrst ber þó að minnast
á strendurnar á eyjunni sem eru fjölmargar og
Íslendingum vel kunnar, eins og Playa de
Palma, Alcudia, Ćan Picafort, Palma Nova og
Cala Dor. Vitaskuld er sígilt fyrir sólarsadda
að grípa í bók eða hlusta á uppáhaldslögin í
spilastokknum en það dugir þeim yfirleitt
skammt. Hitinn og óþolið sjá til þess. Fyrir
tækjasjúka er tilvalið að leigja þotuskíði (e.
Jet-ski) og bruna á fagurbláum sjónum eða
hjóla út með krakkana í hjólabát þótt kraft-
urinn þar sé minni.
Sveigjanleiki og samvinna
Hinir fjölskyldumeðlimirnir verða líka að
sýna sveigjanleika og koma til móts við þann
sólarsadda. Mallorca tilheyrir Spáni og er
eyja, líkt og Ísland, nema svo miklu minni eða
aðeins um 3640 ferkílómetrar. Í stærstu borg-
inni Palma búa hins vegar fleiri en á Íslandi
eða um 375.000 manns og á eyjunni allri um
800 þúsund manns. Þá er ótalinn ferða-
mannastraumurinn sem er gífurlegur.
Landslagið er mjög fjölbreytt, fjöll og firn-
indi, sléttur og strandir. Hæsta fjallið heitir
Puig Major og er 1445 m á hæð en margir
ferðamenn koma einmitt til Majorka til þess að
stunda fjallaklifur og skoða náttúruna. Fyrir
náttúruunnendur er risastór S’Albufera þjóð-
garðurinn ókeypis gersemi með fjölbreytni í
fuglalífi og gróðri.
Á Mallorca eru fjölmargir áhugaverðir bæir
og það væri synd að taka ekki bílaleigubíl í
a.m.k. 1-2 daga og skoða sig um. Það er miklu
skemmtilegra að ferðast á eigin vegum og því
fylgja aukatöfrar að keyra um á blæjubíl en oft
eru þeir ekki miklu dýrari. Leigið annars bíl
með góðri loftkælingu. Höfuðborgin Palma er
vitaskuld efst á blaði hvað áfangastaði varðar,
bæði sem verslunarborg en einnig fyrir
þröngu gömlu göturnar, við hverjar standa fal-
leg gömul hús og verslanir með framleiðslu
eyjaskeggja. Þar eru einnig margar af falleg-
ustu og stærstu byggingum eyjarinnar.
Vinalegu en jafnframt ólíku bæirnir úti á
landi bræða líka margt hjartað. Það á t.d. við
bæinn Valldemosa, þar sem margir heims-
frægir listamenn og fyrirsætur eiga hús á
Mallorca eins og Michael Douglas og Claudia
Schiffer. Þá eru Alcudia, Deià, Inca, Sóller og
Manacor þar sem Mallorca-perlurnar eru
framleiddar allir þess virði að sækja heim þótt
ólíkir séu.
Verslunarvirki Bak við þennan virkisvegg í Alcudia er skemmtileg verslunargata.
en.wikipedia.org/wiki/Majorca
www.mallorcaweb.com
Hvað á sá fjölskyldumeðlimur sem þolir ekki iðnvæddar sólar-
strandaferðir af sér að gera, á meðan hann þarf að liggja í sólar-
steiktum pottinum, nöldrandi eins og leiðindapúki og vitaskuld
gleðispillir hinna í fjölskyldunni í slíkum ferðum? Unnur H. Jó-
hannsdóttir velti fyrir sér hvernig hægt væri að koma til móts við
sem flesta fjölskyldumeðlimi á Mallorca.
Sullar Hafið og sandurinn heillar.
Merkikerti á Mallorca
Morgunblaðið/Unnur H. Jóhannsdóttir
Eftir Bergþóru Jónsdóttur í Noregi
begga@mbl.is
OLÍUBORGIN Stafangur er önnur
tveggja menningarborga Evrópu í
ár, ásamt Liverpool. Eitt vinsæl-
asta verkefni í menningarborginni
Stafangri er leikvöllur barna og
unglinga sem heitir Geoparken.
Olíusafnið í Stafangri stóð að
gerð garðsins og fékk til liðs við
sig við hönnun hans arkitektastof-
una Helen & Hard, auk fulltrúa
ungdómsins í bænum, en þeir voru
með í ráðum frá upphafi.
Leikvöllurinn er staðsettur við
höfnina, við hlið Olíusafnsins, þar
sem áður var gríðarstórt og
óspennandi bílastæði. Það sem
gerir hann sérstakan er að allt
efni sem notað var til að skapa
hann kemur úr olíuvinnslunni,
nánar tiltekið af olíuborpallinum
Troll. Útkoman er litskrúðugur
garður, sneisafullur af öðruvísi
leikmöguleikum, þar sem hugar-
flug arkitektanna hefur sann-
arlega náð flugi.
Þar er hægt að leika sér á
hjólabrettum, hjólaskautum,
klifra, hjóla, leika sér í sandblaki,
hoppa og velta sér í gúmmíbauj-
um, skríða í gegnum risastórar ol-
íupípur og sýna kúnstir sínar í
graffiti. Þar er hægt að dansa, og
þar eru haldnir tónleikar fyrir
unga fólkið. Gert er ráð fyrir að
hægt sé að halda sýningar og há-
tíðir í garðinum, og Olíusafnið
sinnir þar upplýsingaskyldum sín-
um með námskeiðum fyrir
krakka.
Það kostar ekkert að leika sér í
Geoparken og garðurinn er fullur
af krökkum frá morgni til kvölds. Leikvöllur Hopp og hí í gömlu og glaðlegu olíudóti frá Trölla.
Leikvöllur sprottinn úr olíuvinnslu
|miðvikudagur|17. 9. 2008| mbl.is