Morgunblaðið - 23.09.2008, Blaðsíða 6

6 ÞRIÐJUDAGUR 23. SEPTEMBER 2008 MORGUNBLAÐIÐ
FRÉTTIR
„ÍSLENSKIR atvinnuflugmenn sjá
nú fram á einhverja hörðustu tíma í
íslenskri flugsögu. Aldrei hefur jafn-
mörgum flug-
mönnum verið
sagt upp störfum
í einu vetfangi líkt
og átt hefur sér
stað að undan-
förnu hjá Ice-
landair,“ segir
Elmar Gíslason
ritstjóri Frétta-
bréfs FÍA, í ritstjórnargrein í nýút-
komnu fréttabréfi.
Fram kemur, að Fréttabréfinu
teljist til að 112 flugmenn horfi fram
á atvinnumissi til lengri eða skemmri
tíma, en það séu rúm 35% af flug-
mönnum á starfsaldurslista félags-
ins. Fyrstu uppsagnirnar tóku gildi
strax í byrjun september og halda
áfram fram eftir vetri.
Þá segir ennfremur, að segja megi
að alls séu 169 stöðugildi í uppsögn,
þar sem 57 flugstjórar hjá Icelandair
muni lækka í tign í vetur og taka við
störfum flugmanna.
Horfur eru ekki góðar
Samkvæmt upplýsingum frá Fé-
lagi íslenskra atvinnuflugmanna eru
ekki góðar horfur á því að ástandið
batni og uppsagnir verði dregnar til
baka. Gangi verstu spár eftir séu
jafnframt litlar líkur á því að þeir
flugmenn sem eiga sæti neðst á
starfsaldurslista félagsins verði kall-
aðir til starfa á ný hjá Icelandair
næsta sumar. sisi@mbl.is
Erfiðir
tímar í
fluginu
Uppsagnir ná til 112
flugmanna í FÍA
Eftir Skapta Hallgrímsson
skapti@mbl.is
BÆJARYFIRVÖLD á Akureyri
eru ekki hrifin af hugmyndum
Landsnets um að 220 kílóvatta há-
spennulína verði lögð um Eyrar-
landsháls ofan Kjarnaskógar en þar
er fyrirhugað útivistarsvæði.
Landsnet hf. vinnur að undirbún-
ingi lagningar 220 kV háspennulínu
frá Blöndu til Akureyrar; Blöndulínu
3, en það er fyrsti áfangi styrkingar
byggðalínuhringsins. Línan mun
liggja um Húnavatnshrepp, Sveitar-
félagið Skagafjörð, Akrahrepp,
Hörgárbyggð og Akureyrarkaup-
stað, að Rangárvöllum, alls um 110
km leið.
Í næsta áfanga þar á eftir verður
línan svo lögð áfram austur yfir
Vaðlaheiði og þá kemur í ljós hvar
hún verður lögð í landi Akureyrar og
sú vinna er nú í skipulagsferli. „Við
erum ekki sátt við það að fara með
línuna upp í Fálkafell og þar áfram
Eyrarlandshálsinn því þarna er gert
ráð fyrir útivistarsvæði í framtíðinni.
En við erum í góðri samvinnu við
Landsnet um að finna góða lausn,“
sagði Sigrún Björk Jakobsdóttir,
bæjarstjóri á Akureyri. Enn er að-
eins um hugmyndir að ræða og Sig-
rún Björk segir eitt af því sem kast-
að hafi verið fram að línan verði lögð
ofar, t.d. yfir Súlumýrarnar.
Raflínur liggja nú í gegnum úti-
vistarsvæðið í Naustaborgum og
Kjarnaskógi en Sigrún segir Akur-
eyrarbæ vilja að þær – Kröflulína 1
og Laxárlína 1 – verði í framtíðinni
lagðar í jörðu. Árni Jón Elíasson,
verkefnisstjóri hjá Landsneti, segir
það hugsanlegt en ekki sé raunhæft
að leggja þá nýju í jörðu. Hann segir
ýmsar ástæður fyrir því, bæði tækni-
legar og með tilliti til öryggis vegna
afhendingar raforkunnar, auk þess
sem loftlína endist mun lengur en
jarðstrengur. Kostnaður er líka
miklu meiri; stofnkostnaður jarð-
strengs um það bil fimmfaldur miðað
við loftlínu, segir Árni Jón.
Bæjarráð Akureyrar fagnar
styrkingu raforkuflutningskerfisins,
því það sé ein af forsendum vaxtar
og fjölbreytts atvinnulífs á svæðinu,
en bæjarráð leggur áherslu á að
sjónræn áhrif af framkvæmdinni
verði sem minnst.
Vilja ekki háspennu á útivistarsvæði
Í HNOTSKURN
»Möstrin sem bera munubera stækkaða byggða-
línu, Blöndulínu 3, verða gerð
fyrir 220 kílóvatta línur en nú-
verandi möstur gera ráð fyrir
132 kV.
»Nýju möstrin verða all-miklu stærri en þau, sem
nú standa; núverandi möstur
eru 14 til 18 metrar á hæð en
hin nýju 16-24 metrar sam-
kvæmt upplýsingum Lands-
nets. Það eru álíka stór möst-
ur og bera Búrfellslínu 2 á
Suðurlandi.

 


 

 

 



 
 




 



 






 
  

   


FJÖGUR fíkniefnamál komu upp á
Akureyri um helgina. Lögreglan á
Akureyri fór í þrjár húsleitir á föstu-
dagskvöld og lagði hald á neyslu-
skammta af kannabisefnum, kókaíni
og amfetamíni. Hún lagði einnig hald
á neyslutól.
Á laugardagskvöld var ráðist í
eina húsleit og svonefnt „fíkniefna-
samkvæmi“ leyst upp. Greinilegt var
á aðstæðum, að neysla fíkniefna
hafði farið þar fram og lagði lögregla
hald á neysluskammta af efnum.
Að auki var akstur tveggja öku-
manna stöðvaður en þeir óku undir
áhrifum fíkniefna. andri@mbl.is
Leystu upp
„fíkniefna-
samkvæmi“
EKKERT lát hefur verið á roki og rigningu að undanförnu og eru ýmsir
orðnir þreyttir á veðrinu. Þykir fólki vætutíðin minna óþyrmilega á veðrið
í fyrrahaust. Og þegar veðurspáin er skoðuð er ekki annað að sjá en að
vætutíð ríki áfram út vikuna. En það er bót í máli að hlýindum er spáð.
Morgunblaðið/Árni Sæberg
Vætutíð í kortunum
Eftir Ylfu Kristínu K. Árnadóttur
ylfa@mbl.is
NAUÐSYNLEGT er að Íslendingar
láti á það reyna með aðildarviðræð-
um hverjir yrðu kostir þess og gallar
fyrir þjóðina að ganga í Evrópusam-
bandið (ESB). Þetta sagði Jóhannes
Gunnarsson, formaður Neytenda-
samtakanna, á þingi samtakanna
sem fram fór um helgina. Hugsanleg
aðild að ESB myndi ráða mestu um
rekstrarumhverfi heimilanna á
næstu árum og áratugum.
Skerpir samkeppnina
Jóhannes segir helstu rökin fyrir
inngöngu í ESB vera lækkun á vöru-
verði, sérstaklega landbúnaðarvör-
um. Upptaka evru þýddi að fyrirtæki
í Evrópu sæju frekar kosti þess að
opna útibú hér á landi og þar með
skerpa á samkeppninni. Innkaup á
netinu yrðu ódýrari og veittu inn-
lendri verslun mikið aðhald. Þá
myndu vextir lækka.
Jóhannes segir hagsmuni heimil-
anna afar ríka í þessu máli. „Það sem
við erum að hvetja til er að það verði
teknar upp aðild-
arviðræður til að
meta kosti og
galla í öllum
málaflokkum því
það liggur alveg
ljóst fyrir, saman-
ber skýrslu sem
var unnin fyrir
Neytendasam-
tökin, að heimilin
hafa mikla hags-
muni af þessu en þá þarf að koma
fram hverju við náum fram í land-
búnaðar- og sjávarútvegsmálum,
segir Jóhannes.“
Þjóðin á síðasta orðið
Jóhannes segir að hægt sé að
þrátta fram og til baka í þessu máli
en niðurstöður fáist ekki meðan eng-
inn samningur liggi á borðinu. Það sé
undir þjóðinni komið að gera afstöðu
sína greinilega með þjóðaratkvæða-
greiðslu. „Við erum ekki að segja að
Ísland eigi að ganga í Evrópusam-
bandið heldur eingöngu að segja að
það eigi að láta reyna á kosti og galla
og þjóðin á síðasta orðið.“
Kostir yrðu
kannaðir
Telur aðild að ESB ráða mestu um
rekstrarumhverfi heimila næstu árin
Jóhannes
Gunnarsson
LANDHELGISGÆSLAN þarf
að draga úr siglingum varð-
skipa sinna um 50% að minnsta
kosti fram að áramótum til að
spara olíu. Þetta þýðir að skipin
verða aldrei bæði á sjó samtímis
að sögn Georgs Kr. Lárussonar
forstjóra Gæslunnar. Hann telur
að þrátt fyrir þetta geti Gæslan
sinnt eftirliti þokkalega. „En
auðvitað væri betra að geta
gert betur,“ segir hann. Bæði
varðskipin hafa verið í höfn
undanfarna 2 daga, í hefðbund-
inni helgarinniveru. Georg segir
að þrátt fyrir meiri inniveru
skipanna sé alltaf höfð áhöfn á
vakt í legunni og farið verði í
aðkallandi verkefni, þótt stefn-
an hafi verið tekin á að nota
þau minna. Um flugflota Gæslunnar gildir einnig að tækin verða notuð
sem allra minnst. Engu tæki hefur verið lagt, hvorki í flugflota né skip-
um. „En við reynum að fljúga minna og sigla minna,“ segir Georg. Mið-
að við óbreytt olíuverð til áramóta stefnir í 120 milljóna kr. kostnað hjá
Gæslunni vegna olíuverðshækkana. „Við hefðum lent í rekstrarerf-
iðleikum ef við hefðum ekki gripið til þessara aðhaldsaðgerða á miðju
sumri,“ segir hann.
Geta ekki haft bæði
varðskipin úti samtímis
Morgunblaðið/G.Rúnar
Aðhald Ljóst er að Ægir og Týr verða
ekki samtímis á sjó á næstunni.