Skinfaxi - 01.12.1973, Side 19

HINiR GÖMLU, TRAUSTU
SVEINN SVEINSSON
Keppti á héraðsmóti HSK í 25. sinn í sumar
Sveinn Sveinsson lögfræðingur á Selfossi
og félagi í Umf. Selfoss á næsta einstæðan
íþróttaferil að baki, hefur verið virkur þátt-
takandi í frjálsum íþróttum sl. 25 ár.
Sveinn stendur nú á fertugu, en á sl.
sumri vann hann það einstæða afrek á
frjálsíþróttaleikvanginum, að vinna kringlu-
kastið á Héraðsmóti Skarphéðins í 19. sinn,
og keppti þá á héraðsmóti í 25. skiptið í röð.
s Frjálsiþróttaáhugi Sveins mun hafa
vaknað á árunum 1945 til 1946, en þá
voru frjálsar íþróttir í uppsiglingu, og þá
voiu í hans heimabyggð á Selfossi kappar
eins og Sigfús Sigurðsson og Kolbeinn
Kristinsson. Það var svo á héraðsmóti Skarp-
héðins 1949 sem Sveinn keppti fyrst á opin-
beru móti, og þá á gamla íþróttavellinum,
og síðan hefur Sveinn alltaf verið með.
Sveinn Sveinsson hefur verið keppandi á
6 landsmótum UMFÍ sem fulltrúi HSK.
Tvisvar hefur Sveinn farið sem áhorfandi á
Olympíuleika, til Mexíkó 1968 og til Mún-
chen 1972, þá fór Sveinn einnig sem áhorf-
andi á Evrópumeistaramótið í frjálsum
íþróttum 1966. Lýsir þetta best hinum mikla
s íþróttaáhuga Sveins.
Besti árangur Sveins í kringlukastinu er
42,95 m., en hann hefur lagt stund á eða
heppt í fieiri greinum, kastaði kúlu 12,75
ol. stokkið 6,21 m. i langstökki, og i 7 ár
var Sveinn jafnan í úrslitum í þrístökki á
Héraðsmóti HSK, þótt aldrei tækist honum
að sigra. Hann stökk lengst 12,94 m.
Þá má geta þess að auk frjálsra iþrótta
hefur Sveinn verið fastur þátttakandi í
skákíþróttinni í sínu héraði sl. 15 til 20 ár.
Á skólaárunum á Laugarvatni var Sveinn
og talinn liðtækur sundmaður, og keppti þá
á héraðsmóti í þeirri grein.
Nú er Sveinn tekinn til við golfiþróttina,
og er hann einn þeirra áhugasömustu í
þeirri íþróttagrein, sem á vaxandi fylgi að
fagna á Selfossi um þessar mundir.
Sveinn Sveinsson
tekur við verðlaun
um á héraðsmóti
HSK í sumar.
SKINFAXI
19