Skinfaxi - 01.02.1979, Page 6

Frá Umf Bjarma
Sigríðarstöðum
24/111978
Ég ætla að segja smávegis frá starfi Umf.
Bjarma í Fnjóskadal S-Þing. Ungmenna-
félagið varð 70 ára á þessu ári. í tilefni af
því var haldin afmælishátíð á íþróttasvæði
Bjarma 20. ágúst í sumar. Þar er ekki neitt
hús þannig að undirbúningur var mjög
mikill. Smíðaðir voru 2 pallar, ræðupallur
og danspallur og fengin voru að láni 2 stór
tjöld, kaffiveitingar voru í öðru en ýmislegt
i hinu. Kaffi var ekki selt og ekki var selt
inn á svæðið. Sælgæti og gos var selt í skúr
og svo voru settir upp leikbásar sem selt var
inn á. Happdrætti var og pottur fyrir frjáls
framlög. Smávegis varð eftir af peningum
í Fnjóskadal
í kassanum þegar búið var að gera allt upp í
sambandi við þessa hátíð. Skemmtikraftar
voru fengnir víða að. Hljómsveitin Hver
lék fyrir dansi, en dansleikinn varð að færa
inn í annað tjaldið vegna mikilla rigningar-
skúra. Farið var í leiki, reiptog, eggjaboð-
hlaup og fleira. Að síðustu var kveikt í bál-
kesti og skotið á loft flugeldum. Dagskráin
stóðfrákl. 14 til 22.
Afmælishátíðarnefnd var þannig skipuð:
framkvæmdastjóri séra Pétur Þórarinsson,
Hermann Herbertsson, Elín Eydal, Ingi-
björg Siglaugsdóttir, Áslaug Stefánsdóttir
og Tryggvi Stefánsson.
Læt ég þetta duga núna en sendi bestu
félagskveðjur til Ungmennafélags íslands.
Hermann Herbertsson.
Frá hátíð Umf. Bjarma.
6
SKINFAXI