Skinfaxi - 01.02.1979, Blaðsíða 16

Glcesilegt
Rit þetta er m.a. til sölu
UMFÍ og kostar kr. 4000.
afmælisrit
Árið 1977 átti ungmennafélagið Hrafn-
kell Freysgoði 40 ára afmæli. í tilefni þess-
ara tímamóta í sögu félagsins réðst stjórn
þess í útgáfu ritverks þar sem dregnir eru
fram í máli og myndum helstu þættir 40
ára starfs.
Fundagerðarbókum er flett og með
þeirra aðstoð rifjuð upp áhugamál og við-
horf ungmennafélaganna gegnum árin.
í ávarpi formanns, Baldurs Björgvinsson-
ar segir m.a.: „Við viljum í þessu riti gefa
sem flestum kost á að líta yfir farinn veg og
sjá hvernig til hefur tekist gegnum árin.
Hér sýnum við hvernig tímarnir hafa
breyst, og hvernig ungmennafélagið hefur
lagað sig að breyttum aðstæðum hverju'
sinni. Það mun því margur verða margs vís-
ari við lestur þessa rits, þá ekki aðeins fé-
lagsmenn heldur líka allir þeir sem á einn
eða annan hátt leggja starfi unga fólksins
Uð.”
Undir þessar línur formanns get ég
heilshugar tekið en það er jafnframt
skoðun mín að ritstjóranum Guðjóni
Sveinssyni hafi tekist sérlega vel að ná fram
heildaryfirsýn yfir þróun félagsins, að svo
miklu leyti sem það er unnt i ekki stærra
ritverki, en það er 91 blaðsíða í brotinu
A4. Ritið ber með sér að til þess hefur ekki
verið kastað höndunum, uppsetning öll og
frágangur er til fyrirmyndar og gerir allt les-
mál því aðgengilegra en ella.
Með útgáfu þessari hafa ungmennafélag-
ar í Breiðdal sýnt stórhug og áræðni með
því að leggja út í jafn kostnaðarsama fram-
kvæmd en slíkur stórhugur er einmitt
aðalsmerki góðra ungmennafélaga og helst
til þess líklegur að halda nafni félagsskapar-
ins á lofti um ókomna framtíð. G.K.
Ungmennafélagar — sameinumst!
Ryðjum reyknum burt úr samtokunum.
Látið aðra virða rétt reyklausra. skinfaxi
16
SKINFAXI