Skinfaxi - 01.08.2006, Blaðsíða 18

Ungmenna- og tómstundabúðir að Laugum í Dalasýslu:
Laugaferð nemenda í Brekkubæjarskóla
Dagana 20.-22. mars sl. fóru 9. bekkingar í
Brekkubæjarskóla i Ungmenna- og tómstun-
dabúðir Ungmennafélags (slands að Laugum
í Dalasýslu. Klara Árný Harðardóttir skrifaði
annál ferðarinnar, sem var svo sannarlega
skemmtileg og viðburðarík.
Rútan lagði af stað
frá Brekkubæjar-
skóla klukkan hálf
níu á mánudags-
morgninum og
fólk var náttúru-
lega í misgóðu
skapi, enda flestir
nývaknaðir. Ekið var að Eiríksstöðum í Hauka-
dal þar sem SH-bekkurinn borðaði brauð sem
þau bökuðu sjálf yfir eldi og RR-bekkurinn fór
og skoðaði dýrin á næsta bóndabæ. Svo var
skipt svo að allir fengju nú eins. Síðan var ekið
beinustu leið að Laugum í Sælingsdal (þó að
leiðin hafi nú ekki verið mjög bein ef út í það
er farið). Þá var loksins farið að borða, en sumir
voru orðnir mjög svangir. Þegar allir voru búnir
að borða súpu og brauð fengum við smátíma
til að koma okkur fyrir á herbergjunum og svo
voruallirteknir útíleiki.
Síðan var farið í fjallgöngu þar sem bundið
var fyrir augun á helmingnum af krökkunum
meðan hinir leiddu þau og svo var skipt, þetta
var mjög gaman. Eftir gönguna fóru stelpurnar
inn að læra um félög hjá Önnu Möggu þar sem
þeim var skipt upp í tvo hópa sem áttu að stofna
félag, kjósa formann, búa til auglýsingu og slag-
orð, hróp og mottó. Strákarnir fóru út í sveita-
fitness sem var þrautabraut þar sem mikið
byggðistá samvinnu. Strákarnireru náttúrulega
Skagamenn og þeir gerðu sér lítið fyrir og bættu
metið í brautinni um heilar fjórar mínútur SEM
ER EKKERT SMÁ!!! Eftir síðdegishressingu skiptu
hóparnir svo um hlutverk og stelpurnar stóðu
sig ekki síður vel í fitnessbrautinni, þó að ekki
næðu þær meti strákanna.
Brunaútkall í brunagaddi
Eftir kvöldmatinn, kjötfars í formi og kartöflur,
var frjáls tími þar sem sumir fóru í sund og Lilju
var hent út í laugina í öllum fötunum. Svo klukk-
an 8 var karókí þar sem sum lög voru sungin
meira en önnur. Kl. 9 var boðið upp á óvissuferð
fyrir þá sem vildu. Farið var með krakkana í smá-
labbitúr og sagðar draugasögur. Svo var farið
með þau niður í kjallara þar sem þau voru
hrædd allillilega. Síðan fóru allir og fengu sér
kvöldkaffi, eða réttara sagt kvölddjús, kvöld-
frónkex og kvöldepli. Stuttu síðar fóru allir inn
á herbergi og fljótlega var komin á ró í húsið.
En akkúrat þegar komin var ró fór brunabjallan
í gang og allir voru reknir út. Þarna stóðum við
svo á náttfötunum í brunagaddi, alveg að frjósa
úr kulda á meðan nafnalistinn var lesinn upp.
Svo um leið og síðasta nafnið hafði verið lesið
var okkur sagt að þetta hefði bara verið plat og
við mættum fara aftur upp að sofa. Eins og við
má búast voru ekki allir sáttir við þetta en fóru
samt að sofa, þótt það hafi ekki komist á ró lengi
á eftir.
Kl. hálf níu á þriðjudagsmorgninum var liðið
ræst og eftir morgunmat var herbergjaskoðun
sem kom bara vel út í flestum tilfellum. Stelp-
urnarfóru svo í„Kjarkurog þor"-námskeið, en
þar vorum við að læra um hvernig á að halda
ræður og þess háttar. Á meðan voru strákarnir
í leikfimi, en þar tókst Jóni Axel að sprengja
stóra, rauða boltann. Svo leið dagurinn þan-
nig að hóparnir skiptust á að vera í leikfimi,
skoða byggðasafnið og fara í ræðukeppni, þar
sem stelpurnar ræddu um samkynhneigð en
strákarnir um kynlíf unglinga. Seinni partinn var
svo„Sörvævor"-keppni í ýmsum þrautum, s.s.
sprengjuspili, fatalínu, hlutaleit, hitta í mark og
reiphangi. Svo kom kvöldmatur sem var kjúkl-
ingur og franskar, sem er nú alltaf gott.
Dragdrottningarog
ísköld laugin
Um kvöldið var farið að mála dragdrottningar
sem var mikið fjör og hver strákurinn af öðrum
breyttist í drottningu. Svo var farið upp í tóm-
stundaherbergi á kvöldvöku sem byrjaði á því
að Jón Valur og Jörgen sungu fyrir okkur lag
sem að þeir sömdu um dvölina okkar hér (það
erum sko bara við sem fáum lag af því að við
erum svo sérstök og skemmtileg, hehe). Svo
þegar lagið var búið komu skemmtiatriði frá
félögunum sem tókust misvel. Síðan var verð-
launaafhending fyrir sörvævor-keppnina, en
hana tók stúlknafélagið Bájakabi með trompii!
Hápunktur kvöldvökunnar var síðan drag-
keppnin, en þá komu drottningarnar fram ein af
annarri, fóru í drottningarviðtal hjá Jóni Val og
stilltu sér síðan glæsilega upp á sviðinu. Sýndu
strákarnir alveg ótrúlega fallega og kvenlega
takta í framkomu og hreyfingum svo að unun
var á að horfa. Eftir kvöldvökuna var sundlaug-
arpartý, en þar sem laugin var kaldari en allt,
þá tróðu allir sér í heita pottinn, sem var mjög
gaman. Svo fóru allir inn með gaddfrosið hár og
I sturtu og fljótlega voru allir komnir í„ró" inni á
herbergjum.
Á miðvikudagsmorgninum voru allir vaktir
kl. hálf níu og fólk mætti mjög myglað í morg-
unmat eftir svefnlitla nóttina. Síðan fóru allir
upp að pakka og þrífa og sumir fóru út að siga
með Jóni Val á meðan aðrir mygluðu eitthvað á
meðan. Þegar þetta er skrifað erum við nýbúin
að borða hádegismat og kominn er tími til að
fara. Við viljum þakka öllum fyrir frábæra dvöl
að Laugum, Lillu og Gunnu fyrir að elda ofan I
okkur, Jörgen, Jóni Val og Jóhönnu þökkum við
fyrir skemmtilega tíma og góða fræðslu og þök-
kum Önnu Möggu fyrir að sitja á skrifstofunni.
Þetta var mjög gaman og við tökum með okkur
góðar minningar frá Laugum. Takk æðislega!

18 SKINFAXI - tímarit Ungmannafélags íslands