Skinfaxi - 01.05.2007, Qupperneq 11

símæUiA
IakcU
Gunnar Birgisson, bæjar-
stjóri í Kópavogi og for-
maður landsmótsnefndar,
segist hlakka mikið til
Landsmótsins í Kópavogi.
Hann segir undirbúning
hafa gengið vel enda
hafi frábærir starfsmenn
komið að verkinu og að
það hafi skipt mikiu máli
í öllu þessu ferli.
„Við hófumst strax handa þegar ákveðið var að halda þetta
stóra mót í bænum okkar. Nefnd var sett á laggirnar og vinnan
hófst af fullum krafti. Landsmótsnefnd er búin að halda rösklega
30 fundi og það segir sitt um umfangið og framkvæmdina. Það
sem hefur skipt sköpum í þessu ferli öllu er gott starfsfólk, hvert
á sínu sviði. Ég verð að viðurkenna að þetta er meiri framkvæmd
en ég gerði mér grein fyrir í upphafi en við getum sagt að þetta
hafi undið upp á sig. Við ætlum að gera þetta að stórkostlegri fjöl-
skylduhátíð sem fólk á eftir að minnast lengi. Það verður enginn
svikinn af að koma á Landsmót. Allir eiga eftir að finna eitthvað
við sitt hæfi enda dagskráin ansi fjölbreytt.
Við ákváðum að flétta menningarhátíðina inn í dagskrá Lands-
mótsins og ég er viss um að það á eftir að koma vel út. Við viljum
með þessu nýta þau húsakynni sem eru nú þegartil staðar. Það
verður allt klárt þegar flautað verður til leiks. Við ráðum ekki veðr-
inu en við bókum bara gott veður þá daga sem mótið stendur
yfir," sagði Gunnar Birgisson.
Gunnar sagði það hafa legið fyrir að fara í framkvæmdir við
byggingu á nýrri stúku, bílastæðum og aðra viðhaldsvinnu en
Landsmótið hefði flýtt þeim framkvæmdum. Hann sagði aðstöð-
una frábæra og sem dæmi um skemmtilegt atriði nefndi hann
pönnukökubakstur sem færi fram í Smáralindinni.
„Aðstaðan er fyrir hendi hvert sem litið er," sagði Gunnar.
- Hefurþú sjálfur keppt einhvern tíma á Landsmóti?
„Ég tók nokkrum sinnum þátt í undankeppni fyrir Landsmótin
í skák undir merkjum HSK. Ég komst aldrei lengra og keppti því
aldrei á Landsmóti. Maður var lika alltaf í sumarvinnu á þessum
tíma og hafði því kannski aldrei tíma til að fara. Maður lét auð-
vitað vinnuna ganga fyrir. Ég er að miklu leyti uppalinn í sveit og
þekki því ágætlega ungmennafélagsandann. Það voru alltaf mót
á 17. júní, svokölluð Þjórsármót, en þar kepptu sveitirnar inn-
byrðis. Þetta var bráðskemmtilegt og situr í minningunni," segir
Gunnar.
- Hvaða augum líturþú Landsmótin?
„Landsmótin sameina æsku þessa lands á einum stað. Þau efla
samheldnina og hafa mikið forvarnagildi fyrir æskuna og ég met
það mikils."
Gunnar segist hlakka mikið til mótsins og að það verði aldrei
að vita nema heimsmet verði slegið.
„Við fáum hingað til lands á mótið heimsþekkta kringlukast-
ara og Þórey Edda mætir með stangarstökkvara í fremstu röð. Það
er aldrei að vita nema að stórir hlutir eigi eftir að gerast á mótinu.
Það er síðan vonandi að okkur takist að hefna ófaranna gegn
Svíum á dögunum og leggja þá að velli í nördalandsleiknum."
- Efvel tekst til, gæti Landsmótið orðið Kópavogsbæ til fram-
dráttar f framtíðinni?
„Ekki nokkur spurning. Landsmótin eru hvatning til unga
fólksins til að stunda íþróttir og lifa heilbrigðu lífi. Landsmótin
eru auðvitað vettvangur fyrir unga sem eldri og það verður stór
hópur eldri borgara sem ætlar að spreyta sig. Það gerir mótið
enn áhugaverðara og skemmtilegra. Það er hugur í okkur og við
hlökkum mikið til að taka á móti fólki," sagði Gunnar Birgisson,
bæjarstjóri (Kópavogi, í spjallinu við Skinfaxa.