Skinfaxi - 01.05.2007, Qupperneq 23
í nágrenni Hornafjarðar:
1D.UNGLINGA
LANDBMÚT
UMFl
handlaug auk þess sem er svefnpokapláss í sal fyrir 40 manns. Á hótelinu
er veitingastaður þar sem boðið er upp á matseðil í hádeginu og vinsælt
sjávarréttahlaðborð á kvöldin. Veitingastaðurinn tekur 70 manns en einnig
erfundarherbergi á hótelinu.
Hótel Höfn
Hótel Höfn er þriggja stjörnu hótel með 68 vel búnum herbergjum en
gistiaðstaða er fyrir 68 manns. Öll herbergin eru búin helstu nútíma-
þægindum, svo sem sjónvarpi, útvarpi, síma, tölvutengingu og sérbaði.
Hótelið er vel staðsett í miðju bæjarins og þaðan er glæsilegt útsýni til
allra átta. Góður veitinga- og fundasalur með bar er á efri hæð hótelsins
og rúmar hann 140 manns. Á neðri hæðinni er veitingastaðurinn Ósinn
sem rúmar 60 manns. Þar er boðið upp á heimilismat, pizzur og aðra létta
rétti.
Hótel Skaftafell
Hótel Skaftafell er í Freysnesi í Öræfasveit. Það er við hringveginn, um fjóra
km frá þjóðgarðinum í Skaftafelli og er því vel staðsett fyrir ferðamenn. f
Öræfum er stórbrotin náttúra og stendur hótelið við rætur Svínafellsjökuls.
Hótel Skaftafell er með 63 herbergi með baði. Fallegur veitingastaður með
bar er á hótelinu. Á efri hæð hótelsins er góður funda- og ráðstefnusalur
auk koníaksstofu. Skammt frá er bensínsala og tjaldstæði.
Humarhöfnin
Nafnið HUMAR HÖFNIN er lýsandi bæði fyrir það að aðaláhersla á matseðli
verður á humri svo og staðsetningu veitingastaðarins sem er á Hafnar-
braut 4, við höfnina á Höfn. Sjálft húsnæðið var áður í eigu Kaupfélags
Austur-Skaftfellinga og hýsti skrifstofurfélagsins þartil nýlega. HUMAR
HÖFNIN býður bæði einstaklingum og hópum þjónustu. Hægt er að
panta minni herbergi, s.s. stjórnarherbergið, fundastofuna eða kaupfélag-
stjóraskrifstofuna fyrir smærri hópa á efri hæð en salur á neðri hæð tekur
u.þ.b. 60 manns í sæti.
Kaffi Hornið
Veitingastaðurinn er í fallegu bjálkahúsi við aðalgötuna á Hornafirði. Þar
er boðið upp á fjölbreyttan og girnilegan matseðil allt árið um kring. Þar
finnur þú meðal annars súpur, samlokur, pasta, fiskrétti og kjötrétti.
Ósinn
Á neðri hæð Hótels Hafnar er Veitingastaðurinn Ósinn en þar er hægt að
kaupa fjölbreyttan skyndibitamat svo sem samlokur, pizzur, rétti dagsins
og hinn heimsfræga Ósborgara.
Smyrlabjörg í Suðursveit
Á Smyrlabjörgum er boðið upp á gistingu í 48 herbergjum sem öll eru
með baði. í veitingasal er boðið upp á hlaðborð öll kvöld frá l.júní til 31.
ágúst en hádegismatur er eftir matseðli. Aðra daga er boðið upp á kvöld-
verð eftir pöntunum. Boðið er upp á góða fundaaðstöðu og einnig er tekið
á móti hópum í stærri gleðskap svo sem árshátíðir og þorrablót. Smyrla-
björg eru vel í sveit sett fyrir þá sem vilja njóta afþreyingar á Vatnajökli og
eru í boði ferðir þaðan upp á Vatnajökul öll kvöld yfir sumartímann. Panta
verður fyrirfram. I nágrenninu eru góðar merktar gönguleiðir. Á bænum er
einnig stundaður sauðfjárbúskapur sem gaman er að fylgjast með á vorin.
Víkin
Á Víkinni er hægt að kaupa eftir matseðli og ætti enginn að sleppa því að
kaupa humarsúpuna sem er algert góðgæti. Koma menn langar leiðir að
til að njóta hennar. Veitingastaðurinn bíður einnig upp á vínveitingar. Um
helgar eru ýmist dansleikir eða diskótek.
SKINFAXI - tímarit Ungmannafélags (slands 23