Skinfaxi - 01.05.2007, Qupperneq 30

fréttLr úr krej/fuujiuuu:
Stjarna fimleikafólks skín skært
íslenskt fimleikafólk sló í gegn á Norðurlanda-
mótum í fimleikum sem haldin voru í Dan-
mörku og í Svíþjóð dagana 14.-15. apríl sl.
Fríða Rún Einarsdóttir úr Gerplu stal heldur bet-
ur senunni á Norðurlandamóti unglinga í Kaup-
mannahöfn þegar hún varð Norðurlanda-
meistari í fjölþraut fyrri daginn. Hún hlaut
53,35 stig og sigraði með nokkrum yfirburðum.
Síðari daginn var keppt á einstökum áhöld-
um og hélt Fríða Rún uppteknum hætti og sigr-
aði á öllum áhöldunum. Þá vann íslenska
kvennaliðið liðakeppnina en þar kepptu fimm
stúlkur í liði.
í Stokkhólmi kepptu tvær sveitir frá íslandi
á Norðurlandamótinu í hópfimleikum. Sveit
Gerplu vann þar einkar glæsilegan sigur og
sveit frá Gróttu-Ármanni varð í öðru sæti. Það
má því með sanni segja að helgin hafi verið
stórkostleg fyrir fimleikafólk og sýnir svo ekki
verður um villst þá miklu uppsveiflu sem fim-
leikar eru í hér á landi um þessar mundir. Sif
Pálsdóttir gaf tóninn í fyrra þegar hún varð
Norðurlandameistari kvenna á móti því sem
haldið var í Gerpluhúsinu í Kópavogi.
Fríða Rún Einarsdóttir, fimleikakona úr Gerplu.
Skrifstofa UÍA flytur í nýtt húsnæði
Skrifstofa UÍA, sem hefur verið til húsa í Kaupvangi á Egilsstöð-
um um alllanga hrfð, er þessa dagana að flytja í nýtt húsnæði.
Skrifstofur héraðssambandsins verða á Vilhjálmsvelli við
íþróttaleikvanginn á Egilsstöðum. Aðstaðan þar er öll til fyrir-
myndar og eru Austfirðingar hvattir til að nýta sér þjónustuna
sem þar verður veitt.
Starfsmenn á skrifstofunni í sumar verða þau Soffía Sveins-
dóttir og Einar Jónsson. Þau voru bæði að útskrifast frá íþrótta
kennaraháskólanum og verða við kennslu á Egilsstöðum
næsta vetur.
Sérhœfum okkur
í sölu á ibúðar' og
atvinnuhúsnœði
og eignum erlendis♦
- heilshugar um þinn hag -
Sími 513 4300
30 SKINFAXI - tímarit Ungmannafélags íslands