Skinfaxi - 01.05.2007, Side 43

Préttir'jrá, vtarfi UMPÍ:
9 wíArlca,ffrrð
Lagt var af stað til Manchester á öðrum degi páska með vinnings-
hafa í getraunaleik UMFÍ og íslenskra getrauna en fimm aðilar
höfðu náð markmiðum sínum. Umsjónarmenn getraunastarfs í
viðkomandi félögum fóru einnig í þessa ferð.
Fyrst var farið á leik Manchester United - Roma á Old Trafford.
Skemmst er frá því að segja að leikurinn var ótrúlegur og stemm-
ingin mögnuð. Það eina sem skyggði á leikinn voru óeirðir fyrir
utan leikvanginn fyrir leik en við gengum þeint í gegnum mestu
lætin, greinilega öllu vön. Eins og allir ættu að vita þá endaði
leikurinn 7 - 1 fyrir Manchester United.
Seinni leikurinn var leikur Liverpool - PSV Eindhoven á
Anfield. Sá leikur var ekki eins góður eins og við mátti búast enda
Liverpool með gott veganesti úr fyrri viðureign og nánast forms-
atriði að klára leikinn. Lið PSV mætti til leiks svo til andlaust og
virtist svo að menn væru að forðast að lenda í meiðslum. Eins og
allir ættu að vita þá endaði leikurinn 1 - 0 fyrir Liverpool.
Stemmingin og umgjörðin var hreint ótrúleg og með ólíkindum
að hlusta á 44 þúsund manna kór syngja „We never walk alone"
fyrir leik. Þetta var ógleymanleg ferð í alla staði með frábærum
hópi!
Fyrir hönd Getraunanefndar UMFI' og Getrauna
Einar Haraldsson, UMFÍ
Vannýttir mögu-
leikar hjá íþrótta-
félögum
Hér segir frá samstarfi Ungmennaféiags íslands og
íslenskra getrauna um eflingu á getraunastarfi innan
ungmennafélaganna á nýliðnum vetri.
Settur var af stað leikur sem stóð yfir í 10 vikur, frá 13.
janúar til 17. mars. Sextán félög skráðu sig til leiks og fengu
úthlutað ákveðnu sölumarkmiði.
Veglegir vinningar voru í boði:
1. sæti, eitt hundrað þúsund krónur og ferð á leik fyrir einn.
2. sæti, sextíu þúsund krónur og ferð á leikfyrir einn.
3. sæti, fjörutíu þúsund krónur og ferð á leik fyrir einn.
4. sæti, ferð á leik fyrir einn.
5. sæti, ferð á leik fyrir einn.
6. sæti, ferð á leik fyrir einn.
Vinningshafar voru:
1. sæti Afturelding með 264 % umfram sölumarkmið.
2. sæti Höttur með 54% umfram sölumarkmið.
3. sæti Kjölur með 35 % umfram sölumarkmið.
4. sæti HSV með 22 % umfram sölumarkmið.
5. sæti Fjölnir með 6 % umfram sölumarkmið.
Sjötti vinningur féll niður þar sem fleiri félög náðu ekki
markmiðum sínum.