Sjómannablaðið Víkingur - 01.06.1974, Qupperneq 26

SÖLUSAMBAND
ÍSLENZKRA
FISKFRAMLEIÐENDA
stofnað í júlímánuði 1932,
með samtökum fiskframleið-
enda, til þess að ná eðlilegu
verði á útfluttan fisk
landsmanna.
Skrifstofa Sölusambandsins er
í Aðalstræti 6.
Símnefni; FISKSÖLUNEFNOIIM
Sfmi: 11480 (7 línur).
TRETORN
SJÓSTlGVÉLIN
Fullhá, álímd, lág og meö
lausum svampgúmmísóla
TRETORN
GÚMMÍVETLINGAR
Einkaumboösmenn:
JÓN BERGSSON HF.
Laugavegi 178, Reykjavlk
Slmi 35335.
Já, þeir drápu Snorra. Drápu Snorra og marga fleiri. Menn
gengu nefnilega hreint til verks á íslandi í þá oaga, drápu skáld,
sem skiptu sér af pólitík, en en létu ekki veslast upp og soðna
niður í kjötkötlunum.
Nú halda Islendingar 11 alda afmæli og þeir munu taka í nefið
dansa á malbiki. Þeir hafa fengið tilmæli um það að vera nú alls-
gáðir þennan dag, en síðast var þjóðin allsgáð á Þingvöllum árið
1944, svo það er ekki til svo mikils mælst, að manni finnst, ekki
síst þar sem líka á að minnast þess að lýðveldið er þrítugt um
þessar mundir.
Þetta er ekki hár aldur fyrir lýðveldi, eða ríkisform en satt að
segja finnst okkur, sem létum rigna á okkur í fremingarfötunum
þann dag 17. júní 1944 vera ótrúlega skammt síðan.
Þrjátíu ár er ekki hár aldur. Ekki fyrir þjóð, varla fyrir konu
heldur. Jafnvel fjallkonan ber þennan aldur vel, þótt okkur sé
ljóst, að hún er komin af léttasta skeiði og er byrjuð að grána í
vöngum. Hún hefur haft það gott, sérstaklega eftir stækkun land-
helginnar og hún hóf útgerð á 60 skuttogurum, og hún ber sig vel,
þótt kassinn sé oftast tómur, eins og gjarnan er hjá þeim sem eru
í útgerð, því þar er meira gert af því að kaupa en selja og landið
ilmar þekkilega þetta mikla milda vor ,sem birtist 1 enda mikillar
loðnuvertíðar.
Þegar minnst er 30 ára afmælis lýðveldisins, fyllist hjarta okkar
ljúfsárum trega við að hugsa til baka. Guð minn góður, hvað allt
hefur breyst í þessu makalausa landi, síðan lýðveldið var stofnað.
Á ég þar við borgina, bæina, bújarðirnar, bílana og alla skuttogar-
ana, þar sem öllu má stjórna úr brúnni, já og sjálfa þjóðarskútuna
þar sem engu er hægt að stjórna úr brúnni og allar skipanir koma
neðan af þilfari og neðan úr vél, en svo hefur ávallt verið á lýð-
veldisskútunni, sem velkist um þjóðahafið. Var það ekki Sókrates
sem sagði, að vandalaust væri að stjórna ríki, þar sem allir þegnarnir
væru heimspekingar. En þá var ísland ekki til. Landið, þar sem
allir vita upp á hár hvernig á að stjórna landinu, nema þeir sem hafa
völdin.
Við stóðum á Þingvöllum og regnið steyptist úr himninum í andlit
okkar og fermingarföt.
Það voru 2500 tjöld á Þingvöllum þennan morgun og alla nóttina
hafði fólkið orðið að halda sér dauðahaldi í nýju fósturjörðina
í storminum. Það fuku tjöld og sumsstaðar komu uppsprettur upp
undir tjöldunum og sótti þá vatn að tjöldunum bæði ofanfrá og
neðanfrá. Þá voru engir kamrar í Þingvöllum.
Það hélt áfram að rigna á laugardagsmorgun og drúngaleg
ský flöksuðust fyrir vindinum eins og blautar nautshúðir. Menn
létu það ekki á sig fá og bílarnir streymdu austur að Þingvöllum,
þar sem setja átti alþingi. Tvö mál voru á dagskrá, annað var
stjórnarskrá lýðveldisins og kjör nýs forseta.
Og það hélt áfram að rigna. Ég veit ekki nema þetta hafi verið
ósköp venjulegur rigningardagur, talið í millimetrum, og þó verður
hann okkur einhvern veginn minnisstæður. Þessi rigning var hams-
lausari, blautari og drúngalegri en nokkurt regn, sem til þessarar
jarðar hefur fallið og femingarfötin héngu dapurlega á veikum
herðunum, skórnir voru útvaðnir og við vorum öll blaut í fæturna.
Enginn var með vín, en við vorum samt öll ölvuð yfir því að vera
orðin lýðveldi. Glæsileg pólitísk mál snerta einhvern slökkvara í
sálinni og hjartanu og ef ,hlustandi góður, einhvern tímann hefur
verið snert á þessum rofa í þér, þá skilurðu betur hann Guðbrand
í áfenginu, Helga frá Brennu og alla rauðu varðliðana suður í Kína.
170
VlKINGUR