Sjómannablaðið Víkingur - 01.06.1974, Síða 27

Við flögruðum um hátíðarsvæðið eins og hrafnahópur í stormi, og
föt okkar sviptust fyrir rokinu eins og skonnortusegl og regnið
lamdi okkur í andlitin, sem ávallt litu til himins. Við lokuðum ekki
einusinni augunum. Við elskuðum þetta land, og við beygðum ekki
höfuðið fyrir neinu, hvorki fyrir vindinum né regninu, sem við
létum falla á frjálsborin andlt okkar. Við elskuðum allt, sem þetta
land gaf, líka regnið og storminn.
Alþingi kom saman undir berum himni og afgreiddi stjórnar-
skrármálin og kaus forseta lýðveldisins. Aldrei hafði annað eins
verið afgreitt á alþingi á eins skömmum tíma, nema ef vera skyldi
í gamla daga á fyrstu árum alþingis. Þá stóð þinghald aðeins 3—4
daga og var haldið undir berum himni, en á sextándu öld var þing-
tíminn lengdur upp í átta daga, þar eð menn voru kvekktir á, að
þingmál vildu daga uppi.
Nú hinsvegar duga þinginu ekki margir mánuðir og störf milli
þinga til að ná endunum saman. Öll góð mál daga nú uppi á
alþingi finnst okkur stundum og væri því rétt fyrir þessa afkasta-
miklu þjóð, að taka upp forna háttu og halda þingið á Lögbergi
framvegis, ef það mætti hafa áhrif á allan seinaganginn og skera
niður málalengingar. Kannski hefði stórbrotið og tignarlegt lands-
lag líka sín áhrif á störf þingsins, en útsýni yfir landið stækkar
manninn og færir hann nær uppruna sínum og tilgangi.
Það hélt áfram að rigna, fyrst á danska Island og svo á lýðveldið
unga. Það var næstum eins og máttarvöldin vildu gera sérstaka
hreingerningu þennan dag, þvo fjöllunum rækilega í framan, og þá
sérstaklega þingstaðinn og hin helgu vé, þvo danska svipinn úr
hverju andliti, þvo fermingarfötin og það var ekki fyrr en þjóðkór-
inn undir stjórn doktors Páls ísólfssonar byrjaði að syngja, að
himninum fataðist regnið.
20.000 nýþvegnir og niður rigndir Islendingar tóku undir sönginn
sjá doktor Páli og voldugri kór hefur aldrei sungið fyrr né síðar
og sá sem heyrði þann söng verður aldrei samur. Þegar þjóðin
minnist ellefu alda afmælis í sumar, þá bið ég um að hin hulda
hönd fari fingrum um slökkvarann í mér og þér, því það er komið
mál til að þvo landinu og sálinni rækilega í framan, og í eldskini
hnígandi sólar fæðist ný þjóð með unga drauma.
Þrjátíu ár er langur tími í ævi manns, þó aðeins brotabrot af
sögu mannsandans. Það voru 20.000 manns, sem fóru með hlutverk
í regnóperunni miklu á Þingvöllum árið 1944 og nú eru flestir
þeirra dánir eða hrumir af elli sem fóru með völd. Þá voru Islend-
ingar 125.000 talsins og forseti íslands hefur upplýst, að nú búi ná-
lega jafnmargir íslendingar, sem fæddir eru eftir regnið mikla
og hinn volduga saung í björgunum og þeir sem lifðu þá. Þetta
fólk skortir gjörsamlega reynslu og þann eina sanna mun, sem er
á þjóðhátíð og verslunarmannahelgi. Nú eru íslendingar næstum
helmingi fleiri en þeir voru 1944, en ég er þess samt fullviss
að þá hefði verið nóg regn fyrr okkur alla.
Þrjátíu ár eru liðin. Þrjátíu ár eru töluverður tími og eins og
smám saman rennur af þeim er til flöskunnar seilast, dofnar hljóm-
urinn frá klukkunni á Þingvöllum, sem hringdi lýðveldið inn. For-
setabjallan, sem hafði hinn eina sanna tón. Smám saman gleymdu
menn þessu nýþvegna landi og menn urðu stundum svolítið þreyttir
á þessu lýðveldi, þar sem alltaf var verið að fella gengið og alltaf
var verið að hækka vextina og smám saman fór árferði og heims-
markaðsverð, síldin og loðnan að skipta meira máli en sjálft lýð-
veldið. Menn hættu að hata Dani og fóru í þess stað að hata ríkis-
stjórnina og Seðlabankann, hættu að syngja í þjóðkórnum, sem
VÍKINGUR
Ms. Laxá
Ms. Rangá
Ms. Selá
Ms. Langá
HAFSKIP HF.
Skrifstofa Hafnarhúsinu Sími 21160
Simnefni: Hafskip.
HAPPDRÆTTI DAS
60% af ágóða varið til bygg-
ingar Dvalarheimilisins.
SKRIFSTOFA AÐALSTRÆTI 6
Aðalumboð Vesturver.
Símar: 17117 og 17757
Önnumst viðgerðir á rafvélum
og raflögnum fyrir skip og í
landi.
Góðir fagmenn. Vönduð vinna.
Rafvélaverkstæðiö
VOLTI
Norðurstlg 3, slmar 16458 og 16388
171