Sjómannablaðið Víkingur - 01.06.1974, Qupperneq 29

Strax þennan morgun fór andblær nýrra vona um sál þína og
hjarta og kvöldið leið.
Við lögðum leið okkar í Melaskólann. Prúðbúið fólk streymdi
um svæðið. Það dansaði kannski ekki mikið saman, en það var
nákomið í andanum. Það voru fáir neftóbaksmenn við Melaskólann
þetta kvöld, fáar sjálfstæðishetjur frá Þingvöllum.
Nýborin æska var í meirihluta, há til hnésins og hún minnti
okkur á guði. Þama var enginn fullur, engin lögreglumál, heldur
hljóður friður og eftirvænting og þér var ljóst, að kominn var nýr
taktur í þessa undarlegu þjóð, Islendingana. Þarna var Jón Ás-
greisson tónskáid, höfundur Þrymskviðu.
Ef til vill stjórnar hann hinum volduga kór í sumar, kórnum
sem ekki hefur sungið síðan doktor Páll lét sprotann síga eftir
að hafa stöðvað regnið með söng.
Þrjátíu ár er langur tími í ævi manns. Þeir sem fóru með völd
á lýðveldisdaginn eru margir horfnir til feðra sinna og þeim sem
viðstaddir voru á Þingvöllum fer fækkandi. Þeir se meftir standa
hafa gildnað um miðjuna og eru orðnir gráir í vöngum. Það stytti
upp, þegar búið var að hringja lýðveldið inn og kórinn mikli hafði
lokið söng sínum. Sólin laugaði nýborið landið, sem vaggaði blíðlega
á bláu hafinu. að Það er dýrt að vera Islendingur, sagði nóbels-
skáldið. Já, ef það er einhver lúxus fólginn í því að vera af ákveðnu
þjóðerni, þá er það að vera af vorri þjóð.
ísland er land hinna miklu andstæðna, þverhnípt og ókleyf rís
hver staðreyndin gegn annarri, eldur og ís.
I svona landi verður enginn sammála til lengdar, það liggur í
hlutarins eðli. Þó erum við ein þjóð, ein þjóð til hins síðasta manns.
Það sáum við í Vestmannae.vjagosinu, í landhelgismálinu og þegar
við keyptum geirfuglinn forðum, og sagan hefur þegar sýnt. að við
kunnum fótum okkar forráð sem þjóð.
— Það er mikið á einn mann lagt, að stofna lýðveldi, sagði þing-
maðurinn. Það er mikið á einn mann lagt, að halda þjóðhátíð
á hverju ári segjum við.
Það tók íslendinga sjö hundruð ár að stofna lýðveldi, eða endur-
reisa í landi sínu og það tók þrjátíu ár að finna hinn rétta aftur.
Við höfum séð það að skelfingin mikla er horfin úr andlitum
vorum og hjörtum, þegar minnst er á þjóðhátíðina á Þingvöllum,
ellefu alda afmæli Islandsbyggðar.
Ég vona að hann rigni nú duglega á Þingvöllum í sumar á tjöldin
og ég vona að uppsprettur komi upp undir þeim og ég vona að
sögn lögreglunnar á Selfossi og að sögn lögreglunnar í Reykjavík,
þá hafi þjóðhátíðin farið hið besta fram og verið landi og þjóð
til mikils sóma.
Jónas Guðmimdsson.
Leiðrétting
I grein eftir mig er birtist í 5.
tbl. Sjómannablaðsins, „Ræða
flutt á Sjómannadaginn“ hafa
orðið tvær ritvillur er ég bið þig
vinsamlegast að leiðrétta. En
þær eru: „festu sér búsetu árið
974“, sem á að vera „874“ og hin
síðari „sem síðar var lögtekin hér
á landi aðeins 26 árum síðar“ á
að standa „126 árum síðar“.
G. K.
VERZLUN
O. EL.LINGSEN
Elzta og stærsta veiðarfæra-
verzlun^ landsins.
Elzta og stærsta skipaviðgerð-
arstöð á íslandi.
Tökum á land skip allt að 2500
smálesta þung.
Fljót og góð vinna.
SLIPPFÉLAGIÐ
í REYKJAVÍK
Sfmi: 10123 (6 llnur)-Símnefni: Slippen
EINKASALAR
HÉR Á LANDI
FYRIR HIN HEIMSÞEKKTU
„LION" vélþétti.
Framleiðendur:
JAMES WALKER & Co. Ltd.
Woking, England.
VÍKINGUB
173