Náttúrufræðingurinn - 2007, Qupperneq 39

Tímarit Hins íslenska náttúrufræðifélags
8. mynd. Löngufjörur á Mýrum. Ljósm. Þóröur Örn Kristjánsson.
Lokaorð
Af niðurstöðum þeirra rannsókna
sem þegar hafa farið fram á magni
og útbreiðslu sandskeljar við Island
má álykta að nýting þessarar teg-
undar verði tæpast umfangsmikil
hérlendis. Takmarkað magn skelja
og hnappdreifing gerir það að verk-
um að skeljarnar verða varla nýttar
nema með því að ganga fjörur og
stinga upp sandskel til einkaneyslu
fremur en sölu. Skaðleg áhrif á
botnlíf vegna sandskeljaveiða með
plógum gætu orðið veruleg en áhrif
þess að stinga upp skeljar með
göfflum eru lítil eða engin.
Leit og tínsla sandskelja krefst
nokkurrar æfingar þar sem skelin
grefur sig í setið og aðeins örlítill
hluti hennar er sýnilegur. Eins og
áður kom fram er sandskel mjög
viðkvæm, þar sem skelin er þunn og
brotnar auðveldlega við alla með-
höndlun, og því er mikilvægt að
standa rétt að uppgreftrinum og
koma í veg fyrir að skeljarnar brotni.
Ekki er hægt að fullyrða hvort
sandskel sé enn að breiðast út við
landið eða hvort auknar rannsóknir
síðari ára hafi leitt í ljós stærra út-
breiðslusvæði tegundarinnar. Talið
er að þessi tegund sé enn að breið-
ast út víða við strendur Evrópu og
líklegt er að það eigi einnig við hér.
l’AKKI It
Könnunin á útbreiðslu og magni nýtanlegra sandskelja til manneldis var
studd af AVS Rannsóknarsjóðnum og er honum þakkaður veittur stuðn-
ingur. Sigmar A. Steingrímsson las handritið yfir og Björgvin Vídalín kom
með ábendingar varðandi fundarstaði sandskelja og eru þeim færðar
bestu þakkir.
HEIMILDIR
1. Kamermans, P. 1994. Similarity in food source and timing of feeding
in deposit and suspension feeding bivalves. Mar. Ecol. Pro. Ser. 104.
63-75.
2. Brousseau, D.J. 1979. Analysis of growth rate in Mya arenaria using
the Von Bertalanffy equation. Marine Biology 51. 221-227.
3. MacDonald, B.A. & Thomas, M.L.H. 1980. Age determination of the
soft-shell clam Mya arenaria using shell internal growth lines.
Marine Biology 58. 105-109.
39