Náttúrufræðingurinn - 1953, Side 44

38
NÁTTÚRUFRÆÐINGURINN
Breta og Japana til að koma í veg fyrir frekari útrýmingu Pribyloff-
selsins. Var þá samþykkt að hætta öllu seladrápi á hafi úti (pelagísk-
um veiðum), en í stað þess skyldi veiðinni á eyjunum skipt milli hlut-
aðeigandi þjóða eftir ákveðnum hlutföllum. Sem stendur eru Banda-
ríkjamenn og Kanadamenn einir um veiðina, og fá Kanadamenn 20%
hennar, en Bandaríkjamenn standast kostnaðinn af rannsóknum á
lifnaðarháttum selsins, skipulagningu veiðanna samkvæmt niðurstöð-
um vísindarannsóknanna og eftirliti með þeim.
Eins og áður var getið, er skinn Pribyloffselsins mjög verðmætt,
einkum skinn af kópum og ungsel. Fullverkað skinn af ungsel er nú
1000 króna virði. Það er því mikið í húfi, að selastofninn sé skynsam-
lega nýttur, og það virðist Bandaríkjamönnum hafa tekizt, af árangr-
inum að dæma.
Pribyloffselurinn lifir í miklu fjölkvæni. Einn brimill getur annað
allt að 200 urtum. Þar sem fæðist jafnt beggja kynja, er auðsætt, að
drepa má mikið af ungum karldýrum, án þess að fjölgun stofnsins
sé nokkur hætta búin, og þetta er einmitt það, sem gert er. Einungis
karldýr yngri en þriggja ára eru drepin. Veiðitíminn er takmarkaður
(aðalveiðitíminn frá 18. júní til 27. júlí). Veiðin er undir hinu strang-
asta eftirliti. Hópur manns, sem sérstaklega er til þess þjálfaður, velur
úr seli þá, sem drepa má, og rotar þá. Aðrir sjá um fláningu, og fá-
um klukkustundum eftir að dýr hefur verið rotað, er skinnið komið
til næsta þorps og í hendur þeirra, sem sjá um verkunina. Hver sel-
ur, sem drepinn er, er mældur, og skráð er, hvar og hvenær hann
hafi verið drepinn. Fullverkuðu skinnin eru öll seld á markaði í
St. Louis í Missouri. Árlega eru nú drepnir um 70 þúsund selir á
Pribyloffeyjum, og virðist selastofninn vera kominn í jafnvægi, því
að samkvæmt talningu, sem af og til fer fram, hefur selatalan verið
nær hin sama, um 2 milljónir, síðasta áratuginn.
Saga selastofnsins á Pribyloffeyjum er gott dæmi um nytsemi skyn-
samlegrar veiðilöggjafar og veiðieftirlits, sem byggt er á vísindaleg-
um rannsóknum. Án eftirlits væri þessum selastofni nú að mestu út-
rýmt. Nú gefur þessi litli, hrjóstrugi eyjaklasi árlega af sér verðmæti,
er nema um 70 milljónum króna, án þess að gengið sé á kynstofninn,
vegna þess að veiðin byggist á þekkingu á lifnaðarháttum selsins. Ef
til vill gætum við eitthvað af þessu lært.