Náttúrufræðingurinn - 1969, Qupperneq 15

9
NÁTTÚRUFRÆtíINGU RI N N
hennar er Gambusia holbrooki; he£ ég skírt hana lirfubana. Fiskur
þessi eyðir sem sé lirfum mýraköldu-mýflugunnar, og hefur því
forðað mörgum eyjarskeggjanum frá hinum hvimleiða hitabeltis-
sjúkdómi. Áður fyrr tók fólkið sig upp af hættulegustu svæðunum
og flutti upp í hálendi eyjarinnar og dvaldi þar, unz mýflugna-
liættan var liðin hjá.
Hægt er að kornast með járnbrautarlest á milli austur- og vestur-
strandarinnar, en annars er hér óravegur á milli byggðarlaga. Þegar
horft er út um lestargluggana, er ekkert að sjá á margra kílómetra
kafla annað en makis-kjarr, að undanteknum nokkrum grösugum
hlíðarbrekkum, þar sem fjárhirðar standa yfir sauðfé og kúm á
beit. í nánd við lítinn strandbæ, sem lestin verður að fara fram
hjá, er þó meiri nútímabragur á öllu. Þar eru komnar reisulegar
byggingar og umhverfis þær akrar og aldintré og glæsileg limgerði
úr gúmtrjám.
Já, vissulega er margt að sjá og skoða á Korsíku. Enginn náttúru-
skoðandi, sem þangað kemur, mun nokkru sinni gleyma hinu ótrú-
lega fjölbreytta og sérstæða fuglalífi, sem eyjan hefur upp á að
bjóða. Og vafalaust verður lengi efst í huga hans, er heim kemur,
það nafn, sem Frakkar hafa gefið eyjunni, en það er: Ilc de Beauté
eða Eyjan fagra.
HEIMILDARIT
Aschehougs Iionversasjons Leksikon. Oslo 1954.
Fuglar íslands og Evrópu 2. útgáfa. Reykjavík 1964.
Naturens Verden. K0benhavn 1963.