Fréttablaðið - 07.07.2009, Blaðsíða 8

8 7. júlí 2009 ÞRIÐJUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
STJÓRNSÝSLA Tíu af tólf stofnunum
sem standa illa, samkvæmt nýlegri
skýrslu Ríkisendurskoðunar, heyra
undir menntamálaráðuneytið.
Laga þarf vandann strax sam-
kvæmt skýrslunni. Landbúnaðar-
háskóli Íslands (LBHÍ) er í verstri
stöðu og er gert ráð fyrir 265 millj-
óna króna uppsöfnuðum halla í árs-
lok, eða um 47,7 prósent af fjár-
heimild.
Ágúst Sigurðsson, rektor LBHÍ,
segir hallann fortíðarvanda. Lag-
færa hafi átt hallann í síðustu fjár-
lögum. Staðan sé hins vegar mun
betri í ár. „Í maí á þessu ári vorum
við innan rekstraráætlunar.“
Ólafur Halldórsson, framkvæmd-
a stjóri Háskólans á Akureyri, segir
ekkert benda til annars en að stað-
ið verði við rekstrar áætlanir. Gert
sé ráð fyrir að uppsafnaður halli
verði um 89 milljónir, um 6,5 pró-
sent af fjárheimild.
Uppsafnaður halli Árnastofnunar
verður sautján milljónir króna í
árslok, um 5,9 prósent af fjárheim-
ild, samkvæmt skýrslunni. Þórunn
Ragnarsdóttir, framkvæmdastjóri
Árnastofnunar, segir skýringuna
vera oftaldar tekjur.
Við sameiningu fimm stofnana í
Árnastofnun árið 2006 varð Fjár-
sýslu ríkisins á mistök, samkvæmt
Þórunni og oftaldi tekjur um sextán
milljónir. Þau mistök voru leiðrétt
í mars 2008. Aftur voru tekjur
oftaldar árið 2008 um rúmar fjórar
milljónir, að sögn Þórunnar.
Sigtryggur Magnason, aðstoðar-
maður menntamálaráðherra,
segir þessar stofnanir eiga það
sam merkt að þær eigi uppsafnaðar
skuldir sem verið sé að vinna upp.
- vsp
Tíu af tólf stofnunum sem standa illa heyra undir menntamálaráðuneytið:
Safnaðar skuldir sem vinna á upp
Nafn Áætlaður rekstrarhalli Prósent af fjárheimild
Landbúnaðarháskóli Íslands 265 m. kr. 47,7
Hólaskóli 77 m. kr. 29,4
Námsmatsstofnun 25 m. kr. 19,7
Árnastofnun 17 m. kr. 5,9
HA 89 m. kr. 6,5
Raunvísindast. HÍ 19 m. kr. 4,8
FB 77 m. kr. 8,6
Flensborg 30 m. kr. 6,3
Laugaskóli 7 m. kr. 4,5
Listasafn Íslands 15 m. kr. 9,1
Landspítali 1.622 m. kr. 4,9
Heilsugæslan 453 m. kr. 11,3
STOFNANIR SEM STANDA ILLA
Jón Helgi hafði samband með
sögu af varahlutum. „Ég vinn
við bifreiðaverkstæði hér í bæ og
vildi benda á hvað varahlutir í
bíla hafa hækkað úr öllu valdi,“
skrifar hann. „Ómerkilegir hlut-
ir sem kosta ekki mikið í fram-
leiðslu hafa hækkað ótrúlega.
Mér datt í hug að senda þetta
bréf þar sem mér blöskraði
mikið eftir ferð upp í Brimborg.
Ég var þar til að kaupa lítið plast á Mözdu-
bíl sem er lok fyrir rúðupissið á stuðara.
Þetta litla stykki kostar litlar 55.000 kr!
Allur stuðarinn kostar aðeins 170.000 kr. (án
lokana). Þetta er bara lítið dæmi um hvað
varahlutir hafa hækkað eftir hrunið.”
Jón Helgi sendi mynd af lokinu með bréfinu.
Hólmar Ástvaldsson hjá Brimborg
svarar: „Við erum í raun alveg
sammála að þetta er mjög dýrt og
eðlilegt að fólki ofbjóði þetta verð.
Við töldum í upphafi að um mistök
væri að ræða en eftir að hafa skoð-
að þetta í kjölinn er ljóst að þetta
er rétt verð. Helsta skýring á háu
verði er að ekki er bara um lok/hlíf
að ræða heldur er í þessu spíss
fyrir ljós og hluturinn er málaður
í sama lit og bíllinn og fæst ekki öðruvísi.
Þrátt fyrir þetta er innkaupsverðið að okkar
mati mjög hátt og við bætist síðan óhagstæð
gengisskráning og aðflutningsgjöld. Við
erum að leita frekari skýringa á þessu háa
innkaupsverði hjá okkar birgjum og látum
vita ef frekari skýringar fást.“
Neytendur: Svakalegt verð á varahlutum
Plaststykki á 55.000 kall
PLASTSTYKKI Myndir þú
borga 55.000 krónur fyrir
eitt svona?
SVEITARSTJÓRNIR Reykjavíkurborg
samdi við MP banka um að borga
fyrirtækinu 42,5 milljónir króna
fyrir umsjón með fimm milljarða
króna lántöku borgarinnar hjá líf-
eyrissjóðum þrátt fyrir að fyrir-
tækið Virðing hafi boðist til að
vinna verkið fyrir aðeins 17,5 millj-
ónir. Þetta fullyrða fulltrúar minni-
hlutans í borgarráði.
Í fyrirspurn frá borgarráðsfull-
trúum Vinstri grænna og Sam-
fylkingar segir að í desember síð-
astliðnum hafi verið samið við MP
banka um skuldabréfaútboð sem
síðan hafi ekki gengið upp. Í fram-
haldinu hafi verið reynt að semja
beint við lífeyrissjóðina í gegnum
verðbréfafyrirtækið Virðingu en
það hafi heldur ekki gengið eftir því
sjóðirnir hafi viljað veð til trygg-
ingar lánunum. Virðing var stofn-
að af Sameinaða lífeyrissjóðnum
og lífeyrissjóðnum Lífiðn. „Hins
vegar hafi sömu lífeyrissjóðir verið
tilbúnir að aflétta þeirri kröfu með
milligöngu MP banka. Það hefur
enn fremur verið upplýst að MP
banki fékk 42,5 milljónir í þóknun
fyrir verkið en Virðing hafi boð-
ist til að taka 17,5 fyrir sömu þjón-
ustu,“ segir í fyrirspurninni.
Þorleifur Gunnlaugsson, borgar-
ráðsfulltrúi VG, segir það hafa
verið mjög óeðlilegt af hálfu opin-
berra lífeyrissjóða að setja borg-
ina í þá stöðu að geta ekki samið
beint um lánið með aðstoð Virðing-
ar nema gegn veði en að í gegnum
einkabanka hafi síðan verið fallið
frá þeirri kröfu.
„MP banki kom aftur inn í málið
og á mjög skömmum tíma afléttu
lífeyrissjóðirnir
kröfu um veðið.
Eins og ég skil
þetta notaði MP
banki þá vinnu
sem Virðing var
búin að vinna.
Þetta er bara
einn samningur
í raun og veru
sem MP kláraði
og fær þessar
42,5 milljónir fyrir. Þetta er allt
mjög skrítið og lyktar ekki vel,“
segir Þorleifur, sem telur að bjóða
hefði átt verkið út og að þóknunin
hafi verið allt of há.
„Mér er sagt að þetta hafi verið
hálfs dags vinna hjá reyndum miðl-
ara en þótt það hafi verið hálf vika
eða jafnvel hálft ár þá eru þetta
átta ára laun kennara,“ segir borgar-
fulltrúinn.
Friðjón Rúnar Sigurjónsson,
framkvæmdastjóri Virðingar, er í
sumarfríi og ekki náðist í staðgeng-
il hans í gær.
Friðrik Einarsson, forstöðu-
maður fyrirtækjasviðs MP banka,
segir bankanum ekki heimilt að
veita upplýsingar um samning sinn
við Reykjavíkurborg fremur en
aðra viðskiptaaðila fyrirtækisins.
Það sé borgaryfirvalda að ákveða
slíka upplýsingagjöf.
Hjá fjármálaskrifstofu borgar-
innar fengust þau svör að fyrir-
spurninni yrði svarað á fundi
borgar ráðs 16. júlí næstkomandi.
gar@frettabladid.is
Segja þóknun til MP
25 milljónum of háa
Fulltrúar minnihlutans í borgarráði vilja fá því svarað hvers vegna borgin valdi
að borga MP banka 42,5 milljónir króna fyrir verk sem Virðing hafði boðist til að
vinna fyrir 17,5 milljónir. Greidd séu átta árslaun kennara fyrir hálfs dags verk.
ÞORLEIFUR
GUNNLAUGSSON
RÁÐHÚSIÐ Í REYKJAVÍK Gengið var frá fimm milljarða króna láni frá lífeyrissjóðum til
borgarinnar í sumarbyrjun. MP banki fékk 42,5 milljónir króna fyrir að ganga frá því
sem samningnum tengdist.