Fréttablaðið - 07.07.2009, Blaðsíða 13
Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ætli ég reyni ekki helst að forð-
ast unna matvöru, eins og hveiti,
sykur, rotvarnarefni og önnur
gerviefni, til að halda melting-
unni góðri,“ segir Mekkín Ragn-
arsdóttir, starfsmaður hjá Heilsu-
húsinu, beðin um að lýsa því með
hvaða hætti hún hlúi aðallega að
heilsunni. „Ég borða nú engu að
síður nánast það sama og aðrir. Bý
mér líka til hamborgara og pítsur
en gæti þess að hafa hollustuna í
fyrirrúmi og nota af þeim sökum
spelt, kínóapasta og þess háttar í
matargerðina.“
Þessa dagana drekkur Mekkín
líka grænt te í töluverðu magni
og neytir svokallaðra Metasys-
taflna. Bæði teið og töflurnar eiga
að hjálpa fólki í viðleitni þess til
að léttast. „Svo eru töflurnar að
auki orkugefandi; mér líður rosa-
lega vel af þeim,“ bendir hún á
og bætir við að goji-berjasafi sé
einnig á matseðlinum um þessar
mundir. „Hann er unninn úr goji-
berjum frá Himalajafjöllum, sem
eru vegna andoxunarefna talin
byggja upp styrk mannslíkamans
og hægja á öldrun.“
Áhugann á heilbrigðum lífsstíl
segir Mekkín ekki nýtilkominn,
heldur megi rekja hann til ungl-
ingsáranna þegar hún glímdi við
almennt heilsuleysi. „Ég var alltaf
þreytt í menntaskóla, illt í magan-
um og þar að auki komin með vott
af skammdegisþunglyndi,“ rifjar
hún upp og segir að með nýjum
lífsstíl heyri þessir kvillar nú sög-
unni til. „Ég finn mjög mikinn
mun á mér, þótt auðvitað geti ég
orðið pirruð rétt eins og aðrir. Ég
bý bara yfir miklu meiri orku en
áður og húðvandamálin eru á bak
og burt.“
Þótt Mekkín sé umhugað um
heilsuna segir hún mikilvægt
að fara ekki með neinu offorsi.
„Maður þarf bara að passa upp á
sitt lítið af hverju, mataræðið og
regluleg hreyfing leika þar stórt
hlutverk. Ég hreyfi mig til dæmis
á hverjum degi, en leyfi mér líka
að svindla. Það er svo mikilvægt
að feta hinn gullna meðalveg.“
roald@frettabladid.is
Hinn gullni meðalvegur
Mekkín Ragnarsdóttur er umhugað um heilsuna og hikar ekki við að reyna alls kyns aðferðir. Mikilvægt
þykir henni að neyta hollrar fæðu en á meðal þess sem er á matseðlinum er grænt te og goji-berjasafi.
Mekkín hefur reynt ýmislegt til að bæta heilsuna. Þar hefur grænt te og goji-berjasafi meðal annars komið að góðu gagni.
FRÉTTABLAÐIÐ/ANTON
HEIMSLEIKAR ÞROSKAHEFTRA eða Global Games standa
yfir í Tékklandi til 14. júlí. Íþróttasamband fatlaðra sendir tvo keppendur
á leikana en þeir eru sundmennirnir Jón Margeir Sverrisson, íþróttafélag-
inu Ösp, og Ragnar Ingi Magnússon, íþróttafélaginu Firði, Hafnarfirði.