Fréttablaðið - 11.07.2009, Blaðsíða 29

LAUGARDAGUR 11. júlí 2009 3
„Starfsemin í setrinu er þríþætt.
Hér er veitingasala, verslun og
myndræn sýning um fornan nor-
rænan átrúnað,“ segir Guðbrand-
ur Gíslason, framkvæmdastjóri
Iðavalla sem voru opnaðir nýverið
í gamla húsnæði Eden í Hvera-
gerði.
„Hugmyndin að setrinu hafði
verið í vinnslu í nokkur ár en það
var ekki fyrr en í byrjun þessa árs
sem ákvörðunin var tekin um að
opna á þessum stað,“ segir hann.
Í veitingasal Iðavalla er boðið
upp á nýstárlegan matseðil þar
sem ferskt hráefni og íslenskar
sjávarafurðir eru í öndvegi í rétt-
um sem kenndir eru við persón-
ur og atburði úr norrænum goð-
sögum. Þar er jafnframt sérstök
Völuspárstofa þar sem hið mikla
fornkvæði Völuspá, þar sem segir
frá sköpun veraldarinnar, heims-
myndinni og loks ragnarökum, er
túlkað í glæsilegum refilmyndum
sem þekja veggi.
„Í minjagripaversluninni má
síðan kaupa fallega minjagripi,
íslenska hönnunarvöru, glerlist
og handprjónaða íslenska prjóna-
vöru,“ segir Guðbrandur.
Skrautfjöður Iðavalla er viða-
mikil sýning um norræna goða-
fræði og goðsögur sem ber yfir-
heitið Urðarbrunnur.
„Sýningin er hryggjarstykkið í
starfseminni. Gesturinn er leidd-
ur í gegnum þennan forna hug-
myndaheim og goð og goðheimar
birtast ljóslifandi á myndrænan
og nýstárlegan hátt, þar sem
myndlist, frásögn og tónlist flétt-
ast saman í eina heild,“ segir Guð-
brandur en nokkrir listamenn
komu að uppsetningu sýningar-
innar.
„Ingunn Ásdísardóttir er hug-
mynda höfundur sýningarinnar,
Kristín Ragna Gunnarsdóttir
hannaði og teiknaði hana og Hilm-
ar Örn Hilmarsson samdi seið-
magnaða tónlistina,“ segir Guð-
brandur og bætir við að ekki megi
gleyma hlut Páls Ragnarssonar,
ljósameistara Íslensku óperunn-
ar, sem sá um að lýsa sýninguna
og skapa dulúðlega stemningu.
„Um átján mínútur tekur að fara
í gegnum sýninguna og þegar fólk
hefur farið í gegnum hana er það
búið að fá nokkuð góða hugmynd
um hvað þetta var sem forfeður
okkar trúðu á í mörg hundruð ár,“
segir Guðbrandur stoltur.
Ætlunin er að nota sýninguna
sem kennslutæki á veturna. „Við
ætlum að bjóðum öllum grunnskól-
um landsins að koma til okkar og
sækja í framhaldi af því námskeið
um þennan menningararf,“ segir
Guðbrandur ákafur. Þá verða í
vetur einnig sérsniðin námskeið
fyrir eldri borgara, erlenda ferða-
menn og háskólaborgara.
En hvað með ísinn sem svo
margir hafa keypt í Eden í gegn-
um tíðina? „Ísinn er til staðar
og hefur aldrei verið betri enda
búinn til í næsta húsi.“
solveig@frettabladid.is
Heiðingjar yfirtaka paradís
Hið víðfræga Eden í Hveragerði hefur breyst í Iðavelli, setur norrænnar goðafræði. Þar má fræðast um
goðin en einnig kaupa minjagripi, fá sér gott í gogginn og svo er ísinn góði á sínum stað.
Urðarbrunnur kallast sýningin á Iðavöllum. Þar getur fólk fræðst um goð og goð-
heima. MYND/ÚR EINKASAFNI Sögugangan Hús úr húsi og
fræðsluganga um Hrísey verða
farnar á vegum Minjasafns Akur-
eyrar á morgun í tilefni safna-
dagsins.
Minjasafnið á Akureyri stendur
fyrir óvenjulegri sögugöngu á
morgun þar sem þátttakendur
ganga hús úr húsi um elsta bæjar-
hluta Akureyrar. Gengið verður frá
elsta húsi Akureyrar, Laxdalshúsi,
Hafnarstræti 11, klukkan 14.
Byggingarlist innbæjarins verð-
ur í hávegum höfð í göngunni.
Farið verður inn í Laxdalshús,
Friðbjarnar hús og Gamla spítal-
ann. Þar fær göngufólk innsýn í
þær endurbætur sem unnar hafa
verið á þessum friðuðu húsum.
Hanna Rósa Sveinsdóttir, sér-
fræðingur í húsverndarmálum á
Minjasafninu, leiðir gönguna.
Sama dag stendur Minjasafn-
ið einnig fyrir fræðslugöngu um
Hrísey. Þorsteinn Þorsteinsson,
Hríseyingur og fuglaáhugamaður,
leiðir gönguna og segir frá Hrísey
fyrr og nú og gróður- og fuglalífi
eyjunnar. Gangan hefst á bryggj-
unni í Hrísey klukkan 14, og tekur
um tvo tíma. Ferjan leggur af stað
frá Árskógssandi klukkan 13.30.
Byggingarlist í elsta
hluta Akureyrar
Mörg gömul og falleg hús er að finna í miðbæ Akureyrar.