Fréttablaðið - 11.07.2009, Qupperneq 56

32 11. júlí 2009 LAUGARDAGUR
sport@frettabladid.is
Eftir erfiða tíma í sænska boltanum átti Margrét Lára Viðarsdótt-
ir stórleik á miðvikudaginn þegar hún lék sinn fyrsta leik í
byrjunar liði Kristianstad í 3-2 sigri á AIK. Margrét Lára kom
Kristianstad í 2-0 úr vítaspyrnu sem hún fiskaði sjálf.
„Maður renndi nokkuð blint í sjóinn. Þrátt fyrir að hafa
æft með liðinu í viku þá vissi maður ekki alveg um styrkleika
þess. En liðið kom mér skemmtilega á óvart, það er mikið
hjarta í þessu liði,“ segir Margrét, sem var fremst í
leikkerfinu 4-5-1.
„Oft er vörn besta sóknin fyrir lið sem eru í neðri
hlutanum. Þetta var nýtt fyrir manni en til að fá
tækifæri fram á við þarf lið að vera þétt til baka.
Við vorum bara miklu betri í þessum leik og
ég hefði ekki getað beðið um betri byrjun hjá
félaginu,“ segir Margrét en Kristianstad skoraði
sigurmarkið í lokin.
„Við sýndum mikinn karakter með því að rífa
okkur aftur upp eftir að þær jöfnuðu. Upp á framhaldið
að gera held ég að það hafi ekki verið hægt að biðja
um þetta betra. Liðið hafði ekki náð að vinna leik þegar það hafði
fengið mark á sig fram að þessu. Þetta sýnir bara að þó að við
fáum á okkur mark þá er leikurinn alls ekki búinn.“
Elísabet Gunnarsdóttir sagði eftir leikinn að hann hefði verið
eins og jólapakki sem inniheldur allt. Hún sagði Margréti hafa
verið besta mann vallarins að sínu mati. „Það er mjög mikilvægt
að vera í umhverfi þar sem leikmenn og þjálfarar hafa trú á
manni. Ég finn það bara að leikmennirnir treysta á mig og
það gefur mér aukið sjálfstraust. Ég hef verið gagnrýnd
fyrir form og ýmislegt fleira en andlega hliðin skiptir oft
meira máli, svo fylgir hitt með,“ segir Margrét.
Hún er nú komin til Íslands enda landsliðsverkefni
framundan, vináttulandsleikir gegn Englandi og Dan-
mörku sem leiknir verða á Englandi 16. og 19. júlí.
„Það er alltaf gaman að tala íslensku og æfa með
stelpunum. Það eru erfiðir leikir framundan en þessi vinna
sem leikmenn hafa verið að leggja á sig mun líklega skila sér.
Leikmenn eru í toppstandi og íslensku stelpurnar í Svíþjóð hafa
til dæmis verið að vekja mikla athygli,“ segir Margrét Lára.
MARKADROTTNINGIN MARGRÉT LÁRA VIÐARSDÓTTIR: SPILAÐI FANTAVEL Í SÍNUM FYRSTA BYRJUNARLIÐSLEIK
Gaman að tala íslensku og æfa með stelpunum
FÓTBOLTI Stórleikur dagsins í
Pepsi-deild karla er milli erki-
fjendanna í KR og Val. Það hefur
bæði ýtt undir eftirvæntinguna
fyrir leiknum að Atli Eðvaldsson
mun þarna stjórna Valsliðinu í
fyrsta sinn í Pepsi-deildinni sem
og að liðin munu mætast aftur í
bikarnum seinna í þessum mán-
uði. Leikurinn hefst klukkan 16
á KR-vellinum.
Atli Eðvaldsson er nú kom-
inn aftur í Val eftir tæplega tut-
tugu ára fjarveru en hann lék
sinn síðasta leik fyrir félag-
ið á móti Fram 17. ágúst 1989.
Atli er búinn að loka hringnum
en hann hefur nú bæði spilað
með og þjálfað Val og KR. Það
sem er merkilegra er að KR og
Valur hafa alltaf komið við sögu
í frumraun Atla á hverjum stað
og svo verður einnig í Frosta-
skjólinu í dag.
Fyrsti leikur Atla í efstu deild
var með Val gegn KR hinn 10. júní
1974. Atli kom þá inn á sem
varamaður og tryggði Val 2-
2 jafntefli með sinni fyrstu
snertingu í leiknum.
Atli lék alls þrettán
deildar- og bikar-
leiki með Val á
móti KR og enginn þeirra tapaðist.
Atli skoraði 7 mörk í leikjum 13.
Þegar Atli sneri heim úr
atvinnumennsku vorið 1990
ákvað hann að ganga til liðs
við KR og fyrsti deildar-
leikur hans með Vestur-
bæjarliðinu var einmitt
á móti Val á Hlíðarenda.
Valur vann leikinn 2-1.
Atli mætti Val tíu sinnum
í deild og bikar og tapaði
þremur þeirra leikja, þar
af einum í vítakeppni.
Atli skorað aðeins einu
sinni á móti Val, fyrsta
markið í 9-1 sigri KR
á Hlíðarenda í loka-
umferðinni haustið
1992.
Atli lék fjög-
ur tímabil með KR
og gerðist síðan spilandi þjálf-
ari HK. Hann tók síðar við þjálf-
un ÍBV og þjálfaði seinna Fylki
áður en hann gerðist þjálfari
KR árið 1998. Fyrsti deildarleik-
ur Atli sem þjálfari KR var ein-
mitt á móti Val og endaði hann
með markalausu jafntefli. KR
tapaði ekki deildar- eða bikar-
leik á móti Val undir stjórn Atla,
vann fjóra og gerði eitt jafntefli.
KR vann einnig deildarbikarinn
undir hans stjórn eftir sigur á Val
í vítaspyrnukeppni í úrslitaleikn-
um sem fram fór í ágúst 1998.
Leikurinn í dag markar enn eitt
upphafið í sögu Atla og erkifjend-
anna í hjarta Reykjavíkurborgar.
Atli er eins og áður sagði tekinn
við þjálfun Vals og að sjálfsögðu
er fyrsti deildarleikur hans á móti
KR. - óój
Atli Eðvaldsson mætir með nýju lærisveinana sína í Val á KR-völlinn í stórleik Pepsi-deild karla í dag:
Einstök tengsl Atla og erkifjendanna
Í FYRSTA LEIKN-
UM Atli Eðvalds-
son fylgist með
leik Vals á
móti KA í
bikarnum.
FRÉTTABLAÐIÐ/
ARNÞÓR
> Helgi Már fylgir Sigurði til Solna
Helgi Már Magnússon varð í gær annar leikmaður
Íslandsmeistara KR í körfubolta til þess að skella sér í
sænsku úrvalsdeildina því hann er búinn að semja við
Solna Vikings. Á dögunum gekk Jakob Örn Sigurðarson
til liðs við sænsku meistarana í Sundsvall en þessi lið
hafa barist um sænska titilinn undanfarin ár. Helgi Már
mun spila fyrir landsliðsþjálfarann Sigurð Ingimundar-
son sem tekur við þjálfun Solna-liðsins í haust. Helgi
Már á að baki eitt ár sem atvinnumaður en
hann lék eitt tímabil með sviss-
neska liðinu BC Boncourt.
FÓTBOLTI Varnarmennirnir Freyr
Bjarnason og Hjörtur Logi Val-
garðsson hjá Íslandsmeisturum
FH spila ekki næstu tvær vikurn-
ar vegna meiðsla. Báðir fóru þeir
meiddir af velli í 3-2 sigurleik FH
gegn Fylki á fimmtudag.
Ásgeir Gunnar Ásgeirsson og
Tryggvi Guðmundsson fóru einn-
ig meiddir af velli í leiknum og
þurfti FH-liðið að leika einum
færra síðasta hálftíma leiksins.
Þrátt fyrir það tókst þeim að
skora sigurmarkið og tryggja sér
öll stigin þrjú.
Meiðsli Ásgeirs og Tryggva
eru ekki eins slæm og verða þeir
til í slaginn í næsta leik FH, sem
er Evrópuleikur á miðvikudag.
- egm
Freyr og Hjörtur Logi:
Missa af næstu
leikjum FH
MEIDDUR Í NÁRA Hjörtur Logi er togn-
aður á nára. MYND/ARNÞÓR
FÓTBOLTI Fyrirliðastaðan hjá Cov-
entry er laus eftir að Scott Dann
fór til Birmingham. Íslenski
landsliðsmaðurinn Aron Einar
Gunnarsson segist í samtali við
enska fjölmiðla ekki tilbúinn í
fyrirliðahlutverkið. Aron er tví-
tugur og var valinn leikmaður
ársins hjá félaginu á síðasta tíma-
bili.
„Ég er ekki viss um að ég gæti
tekið við bandinu ef mér yrði rétt
það. Ég er enn ungur og minn
tími er ekki kominn,“ sagði Aron
en sóknarmaðurinn Clinton Mor-
rison er talinn líklegastur til að
verða næsti fyrirliði.
Í viðtalinu segist Aron Einar
vonast eftir að fá nýjan samning
frá Coventry eftir frammistöð-
una síðasta vetur. „Ég er ánægð-
ur hér og tilbúinn að framlengja
samning minn. Mér hefur þó ekki
verið boðið neitt enn.“ - egm
Aron Einar Gunnarsson:
Ekki tilbúinn
fyrir bandið
ÁNÆGÐUR Aron Einar vill nýjan samning
við Coventry. NORDICPHOTOS/GETTY
FÓTBOLTI „Ég ætla ekkert að
hrauna neitt yfir þjálfarann og
kenna honum um þetta, Mig lang-
ar að segja svo margt en verð að
vera skynsamur. Við þurfum bara
að halda áfram að reyna að gera
okkar besta,“ segir Eyjólfur Héð-
insson, leikmaður GAIS, en hann
hefur eins og hinir Íslendingarnir
hjá félaginu verið úti í kuldanum
og spilað aukahlutverk hjá sænska
liðinu á þessu tímabili.
Eyjólfur gekk til liðs við GAIS
frá Fylki árið 2007 en síðasta haust
keypti félagið þrjá aðra Íslendinga;
Hallgrím Jónasson frá Keflavík
og þá Guðjón Baldvinsson og Guð-
mund Reyni Gunnarsson frá KR.
Sá síðastnefndi hefur nú verið lán-
aður aftur til KR og verður lögleg-
ur með liðinu hinn 15. júlí.
Engum íslensku leikmannanna
hefur tekist að vinna sér inn sæti
í liðinu. „Eins og er þá eru 27 leik-
menn á æfingum, ég hef aldrei á
ævi minni æft í jafn fjölmennum
hópi. Þetta er í raun algjör vitl-
eysa. Það er bara pláss fyrir ell-
efu í byrjunarliðinu svo sextán
manns þurfa að sætta sig við að
vera utan þess,“ segir Eyjólfur,
sem hefur verið notaður sem vara-
maður á tímabilinu eftir að hafa
spilað reglulega með liðinu
tímabilið á undan.
„Ég er bara allt-
af á bekknum sem
stendur. Ef ég hef
síðan fengið að
byrja þá hefur
það verið vegna
þess að einhver
af miðjumönn-
unum hefur
verið meiddur
eða í leikbanni.
Ég hef ekki verið
að slá einhverja út
úr liðinu, bara verið að fylla upp í,“
segir Eyjólfur.
Meiðsli hafa verið að hrjá þá
Guðjón og Hallgrím. Guðjón hefur
verið að glíma við meiðsli síðustu
vikur en Hallgrímur er að snúa
aftur eftir að hafa verið á meiðsla-
listanum frá janúar og fram í júní.
„Haddi er bara nýfarinn af stað og
hann er ekkert mjög langt frá því
að komast í liðið,“ segir Eyjólfur
en hann segir að stöðugleika skorti
hjá félaginu.
Ekki góð fyrirheit
„Ég hef verið með þrjá þjálfara
hérna á tveimur árum. Með nýjum
þjálfara koma nýjar áherslur og
nýir leikmenn. Ég er búinn að vera
hérna í rúm tvö ár og af þessum
27 sem eru að æfa með liðinu núna
eru bara fimm sem hafa verið leng-
ur hér en ég. Það gefur ekki
góð fyrirheit ef það er
verið að skipta svona
mikið um leikmenn.
Þetta er mikil bar-
átta,“ segir Eyjólfur.
Þ egar þret tá n
umferðir eru búnar
af sænsku úrvals-
deildinni er GAIS í
fimm tánda og næst-
neðsta sæti með ell-
efu stig, þrem-
ur stigum á
eftir Djur -
gården
s e m e r
sæti ofar.
Alexand-
er Axén
er þjálf-
ari liðs-
ins en
hann
tók v ið
stjórnar-
taumunum
í desember í
fyrra, eftir að
allir Íslendingarnir höfðu verið
fengnir til liðsins. Þrátt fyrir dap-
urt gengi á tímabilinu virðist Axén
hræddur við að gera breytingar á
liðinu og er lítið að gefa leikmönn-
um tækifæri.
Verður að sýna þolinmæði
„Það er alveg rétt að mér finnst
það mjög sérstakt hve lítið hann
breytir liðinu. Það er komin þvílík
pressa á hann vegna þess hve illa
gengur og ljóst að það verður eitt-
hvað að fara að gerast. Fjölmiðlar
hérna tala um að sæti hans sé orðið
mjög heitt. Við erum í fimmtánda
sæti en erum með of gott lið til að
vera þar,“ segir Eyjólfur. „Það var
eytt talsverðum fjárhæðum í liðið
fyrir tímabilið svo þessi staða er
langt undir væntingum.“
Umræða var uppi um að sameina
GAIS öðrum félögum í Gautaborg
en sú hugmynd hefur nú algjörlega
verið slegin út af borðinu.
Eyjólfur segist ekki vera farinn
að hugsa sér til hreyfings en viður-
kennir að það geti breyst ef ástand-
ið haldist óbreytt.
„Ég var ekki of hress með gang
mála í vor. Maður verður að sýna
þolinmæði líka og líta í eigin
barm, það þýðir ekkert annað
en reyna að standa sig betur og
sýna á æfingum og vellinum að
maður eigi heima í liðinu. Ég er
ekkert hættur, ég mun gefa þessu
meiri tíma. Ef það fer ekkert að
gerast næstu vikur eða mánuði
fer maður samt kannski að líta í
kringum sig,“ segir Eyjólfur Héð-
insson. elvargeir@365.is
Íslendingarnir hjá GAIS í kuldanum
Íslendingaliðið GAIS hefur varla staðið undir nafni sem Íslendingalið á þessari leiktíð. Tækifæri þeirra
fjögurra Íslendinga sem eru á mála hjá félaginu hafa verið af skornum skammti þrátt fyrir dapurt gengi.
ÍSLENDINGARNIR HJÁ GAIS
Fjöldi leikja eftir 13 umferðir
Eyjólfur Héðinsson:
11 leikir - 3 í byrjunarliðinu
Guðjón Baldvinsson:
5 leikir - 0 í byrjunarliðinu
Guðmundur Reynir Gunnarsson:
4 leikir - 2 í byrjunarliðinu
Guðjón Baldvinsson:
2 leikir - 0 í byrjunarliðinu
VIÐ UNDIRSKRIFTINA Guðjón, Hallgrímur og Guðmundur kynntir til leiks við komuna
til félagsins. MYND/HEIMASÍÐA GAIS
EYJÓLFUR HÉÐINSSON er
fastur á bekknum.