Fréttablaðið - 12.08.2009, Blaðsíða 30

12. ÁGÚST 2009 MIÐVIKUDAGUR8 ● fréttablaðið ● skólar og námskeið
Nýbygging Háskólans í Reykja-
vík þýtur upp í sunnanverðri
Öskjuhlíðinni. Framkvæmdin er
í höndum verktakafyrirtækisins
Ístaks. Húsið er þrjátíu þúsund
fermetrar að stærð og líkur eru
á að hægt verði að taka tvo þriðju
þess í notkun um næstu áramót,
að sögn Þorkels Sigurlaugssonar
framkvæmdastjóra.
„Við stefnum að því að flytja inn
í 22.000 fermetra húspláss í nýju
byggingunni í byrjun næsta árs og
tæma þá húsnæðið í gamla Morg-
unblaðshúsinu í Kringlunni 1 og á
Höfðabakka 9. Hins vegar ætlum
við að halda húsinu í Ofanleiti til
haustsins 2010, þá á allt nýja húsið
að verða tilbúið.“
Þorkell segir Háskólann í
Reykjavík ekki eiganda húsnæðis,
hvorki þess nýja né gamla, held-
ur sé um langtímaleigu að ræða í
báðum tilvikum. - gun
Hið nýja hús Háskólans í Reykjavík tekur óðum á sig endanlega mynd í höndum
smiðanna hjá Ístaki. FRÉTTABLAÐIÐ/VALLI
Ný skólabygging verður
tilbúin um áramótin
● FERÐAÞJÓNUSTAN
FREISTAR Umsóknir um
nám við ferðamáladeild Há-
skólans á Hólum eru um 60
talsins fyrir næsta skólaár og
það er um 40 prósent fjölg-
un frá því í fyrra að því er Guð-
rún Helgadóttir prófessor og
stjórnandi þeirrar deildar upp-
lýsir. Fyrir í námi eru um fjöru-
tíu svo nú stefnir í hundrað
manna hóp í ferðamáladeild
sem skiptist í þrjár braut-
ir, viðburðastjórnun, diplóma
í ferðamálafræði og BA-nám í
sömu grein sem tekur þrjú ár.
Það býðst nú allt í fjarnámi í
fyrsta sinn. Þó er lögð áhersla
á að nemendur komi heim að
Hólum fjórum til sex sinnum
á vetri, að sögn Guðrúnar og
fyrsta kennsluvikan í hverjum
árgangi sé ávallt þar.
Spurð um ástæður hins
mikla ferðamálaáhuga landans
svarar Guðrún: „Við finnum fyrir
óvissuástandinu í þjóðfélaginu
eins og allir. Aðstæður fólks eru
breyttar og það er meiri hreyf-
ing á því en áður. Fyrirspurnir
um nám hafa verið stöðugar
frá því fyrrahaust, ekki bara hjá
fólki sem hefur misst vinn-
una heldur eru líka margir að
hugsa um að láta draumana
rætast og breyta um starfsvett-
vang og ferðaþjónusta og við-
burðastjórnun eru skemmtileg
viðfangsefni.“ - gun
„Við erum með nýja línu í grunn-
náminu sem heitir alþjóðafræði
og er að fara af stað í fyrsta skipti
núna,“ segir Ingibjörg Guðmunds-
dóttir, kennslustjóri Háskólans á
Bifröst. „Um áramótin munum við
svo byrja með nám í evrópskum
viðskipta- og félagarétti til LLM-
gráðu.“
Þegar Ingibjörg er innt eftir
því af hverju ákveðið hafi verið
að bjóða upp á þessar tvær nýju
námsleiðir segir hún: „Við höfum
fundið fyrir áhuga á þessum leið-
um,“ og heldur áfram: „Drögin að
þeim voru lögð í upphafi síðasta
árs. Alþjóðafræðin er unnin í sam-
starfi við Rauða krossinn og bein-
ist í átt að hjálparstörfum.“
Ingibjörg segir Bifröst þó einnig
hafa verið í samstarfi við Listahá-
skóla Íslands. „Þar höfum við verið
með leið sem heitir Prisma sem við
keyrðum tvisvar á síðasta skóla-
ári. Það tókst mjög vel. Það var
skemmtilegt að vinna með LHÍ því
sá skóli er ólíkur skólanum okkar
og þeir dansa vel saman.“ - mmf
Tvær nýjar
leiðir á Bifröst
Háskólinn á Bifröst verður í vetur meðal
annars í samstarfi við Rauða krossinn og
Listaháskóla Íslands. FRÉTTABLAÐIÐ/VILHELM