Andvari - 01.01.1983, Qupperneq 99

BJÖRN HALLDÓRSSON:
Tvö bréf
í Landsbókasafni, Lbs. 2595 4to, er varðveitt 71 bréf frá sr. Birni Hall-
dórssyni í Laufási til Þorláks Jónssonar á Stóru-Tjörnum í Ljósavatnsskarði, er
fluttist vestur um haf 1873 og dvaldist þar á ýmsum stöðum, lengst að Moun-
tain í Norður-Dakota. Einn sona hans, sr. Steingrímur Thorláksson í Selkirk,
Manitoba, gaf umrædd bréf hingað heim haustið 1937 ásamt 8 bréfum sr.
Björns til sr. Páls Thorlákssonar. Sjö bréf sr. Björns til Þorláks Jónssonar hafa
orðið eftir vestra og eru nú í eigu Þorbjarnar læknis Thorlákssonar í Winnipeg,
sonar sr. Steingríms.
Haraldur Bessason prófessor í Winnipeg sendi Ijósrit þessara bréfa hingað
heim 1975, og er eitt þeirra nú birt hér, bréf sr. Björns til Þorláks 15. marz
1863. Eins og fram kemur í bréfinu, kenndi sr. Björn Páli, syni Þorláks, undir
skóla. Páll varð stúdent í Reykjavík 1871, en fluttist vestur um haf ári síðar
ásamt Haraldi bróður sínum. Hann lauk guðfræðiprófi í prestaskóla í St. Louis,
þjónaði síðan söfnuðum í Wisconsin í Bandaríkjunum, að Gimli í Nýja Islandi
og loks í Norður-Dakota, þar sem hann lézt fyrir aldur fram 12. marz 1882,
32 ára að aldri (f. 12. nóv. 1849).
Laufási, 15. Martius 1863.
Kæri vinur!
Fyrir gott allt jeg þakka þjer og þína
kornu síðast hjer með öðru et cetera.
Jeg kann ekki við að láta Pál okkar
fara öldungis prestsseðilslausan úr hús-
um prestsins og hripa þjer því með hon-
um fáeinar línur undir háttatímann, þó
loppinn eptir allan þokukuldann og
frammiveruna í gestaganginum, sem
hefur verið með langvinnara móti eptir
messuna í dag.
Nú er gott að fara og veðrið stillt,
enda varð mjer að því í dag; því jeg
hefi aldrei haft fleiri tilheyrendur við-
hafnarlausan, eða sljettan og rjettan vetr-
arsunnudag. En þó gott sje að ríða og
renna of loptið enn þá glatt og góðlegt
og mjer þyki skemmtilegt að heimsækja
kunningja mína, nenni jeg þó ekki að
sinni að takast neina slíka ferð á hend-
ur, enda kemst jeg ekki til þess, fæ líka
nóg að ferðast, ef veður leyfir um helg-
ar, á aukakirkjur mínar. Nú hef jeg í
hug að messa í Flatey næsta sunnudag,
eða hinna hvorn af öðrum. Á sunnu-
daginn var og mánudaginn flutti jeg tvær
messur á Svalbarði. Jeg vil nú fara að