Fréttablaðið - 17.09.2009, Page 38

17. SEPTEMBER 2009 FIMMTUDAGUR6 ● fréttablaðið ● sjónvarp
Einn frægasti sjónvarpskokk-
ur Breta, Keith Floyd, lést á
dögunum.
Floyd skaust upp á stjörnuhimin-
inn með sjónvarpsþáttunum Floyd
on Fish á BBC um miðjan níunda
áratuginn. Sérþekking á fiskmeti
og hrífandi framkoma Floyds, sem
sást sjaldan á skjánum öðruvísi en
örlítið hífaður, vakti fyrst athygli á
honum. Þá voru matreiðsluþættirn-
ir þeir fyrstu í bresku sjónvarpi sem
voru teknir utan sjónvarpssalar.
Floyd on Fish sló samstundis í
gegn og í kjölfarið fylgdu fleiri vin-
sælar þáttaraðir þar sem töfrandi
persónuleiki Floyds naut sín út í
ystu æsar: Floyd on Food, on France,
Spain, Italy, Australia, Floyd’s Am-
erican Pie og Far Flung Floyd svo
dæmi séu tekin, en í þeim ferðað-
ist kokkurinn lífsglaði um gjörvall-
an heiminn til að kynna sér matseld
annarra þjóða. Vinsældir Floyds
tóku hins vegar að dvína þegar ný
kynslóð sjónvarpskokka, Nigella
Lawson, Jamie Oliver og fleiri, leit
dagsins ljós og hann féll af vin-
sældalistanum. Yfirmenn BBC los-
uðu sig því við þetta fyrrverandi
óskabarn sitt.
Svo virtist þó sem gæfan ætlaði
að snúast Floyd í hag. Stuttu fyrir
andlát sitt átti hann í samningavið-
ræðum við bresku sjónvarpsrásina
Channel Five um gerð nýrra þátta.
Ekkert varð af þeim fyrirætlunum
vegna andláts Floyds en það er þó
huggun harmi gegn að þættir hans
eru reglulega endursýndir á BBC Li-
festyle og njóta enn vinsælda. - rve
Grallarinn góðkunni Keith Floyd í kvennafansi. NORDICPHOTOS/AFP
Floyd féll í skuggann af nýrri kynslóð
kokka eins og Nigellu og Jamie Oliver.
Keith Floyd fallinn frá
● HUNDAR HORFA Á SJÓNVARP
Gagnstætt því sem oft er haldið er fram sjá
hundar á sjónvarp, en þó ekki með sama hætti
og mannfólkið. Þar sem hundar eru aðeins með
tveir tegundir keilna á sjónhimnu augans en
menn þrjár, er líklegt að þeir sjái færri liti í sjón-
varpinu eða að minnsta kosti öðruvísi en menn.
Þá eru hundar frekar nærsýnir og eiga sjálf-
sagt í vandræðum með að greina smáatriði á
skjánum nema standa nálægt honum. Þar sem
hundar eru hins vegar ólíklegir til að verja mikl-
um tíma fyrir framan imbann ætti það ekki að
koma að sök. Sjá www.visindavefur.is.
Árið 1948, hinn 1. júlí, birti
tímaritið Lögberg ítarlega
grein um hugsanlega fram-
tíð sjónvarpsins og birtist þar
meðal annars þessi klausa
sem blaðamaður þýddi laus-
lega upp úr eintaki af Time:
„Nú tala allir um sjónvarp.
Þeir sem eru hrifnastir af
því, eru sannfærðir um, að
þess muni ekki langt að bíða
að sjónvarpið geri útvarpið
jafn úrelt og hesturinn er nú
sem farartæki. Ennfremur
muni það hafa í för með sér
að menn hætti að sækja kvik-
myndahús. Börn muni ganga
í skóla í dagstofunni heima
hjá sér, frambjóðendur til for-
setakosninga vinni sigra sína
gegnum sjónvarpið. Húsmæð-
urnar muni sjá þar kjólana og
matinn, sem þær vilja kaupa –
og síðan þurfi þær ekki annað
að gera en hringja eftir því.“
Útvarpinu
spáð dauða
TIME spáði því um miðja síðustu
öld að samfélagið myndi færast
meir heim í stofu með tilkomu
sjónvarps.
Af nógu vandræðalegu efni er að taka
þegar kemur að sjónvarpsþáttum, sér-
staklega þeim sem eru í beinni út-
sendingu. Af síðari tíma sjón-
varpsefni þykir þáttur Opruh
Winfrey þar sem gestur hennar
er leikarinn Tom Cruise eiga
vinninginn í vandræðaleg-
heitum en Tom Cruise bregst
aftur og aftur við spurning-
um Opruh með því að hoppa
upp og láta eins og api í
sófanum hjá henni. Fyrir
þá sem misstu af þætt-
inum má benda á mynd-
skeið á youtube.com - jma
Vandræðalegasti
þátturinn
Tom Cruise fer
sínar eigin leiðir
og gerði það líka
hjá Opruh Winfrey.
Hómer Simpson í faðmi fjölskyldunnar.
Hlýrabolur með kaffiblettum,
full lúka af kartöfluflögum í ann-
arri hendi og opin bjórdós í hinni,
bumban lafir yfir strenginn á
joggingbuxunum og í sjónvarpinu
hlaupa spengilegir fótboltakappar
á eftir leðurtuðru. Þannig þekkja
flestir erkitýpuna af letiblóðinu og
sjónvarpsjúklingnum sem svo oft
sést á sjónvarpsskjánum.
Enginn passar betur inn í þessa
lýsingu en Hómer nokkur Simpson,
heimilisfaðirinn heimskulegi sem
elskar bjór og ruslmat meira en
nokkuð annað. Sófi Simpsons-fjöl-
skyldunnar er einnig löngu orðið
þekkt vörumerki.
Annar vel þekktur letihaug-
ur er hann Onslow, eiginmað-
ur Rose, systur Hyacinth í þátt-
unum Keeping up Appearances
sem framleiddir voru fyrir BBC á
sínum tíma. Hlýrabolur Onslows
virðist eiga sjálfstætt líf, og í þau
fáu skipti sem karlinn hættir sér
upp úr sófanum og frá sjónvarps-
tækinu klæðist hann prjónavesti,
inniskóm og forláta derhúfu. Þrátt
fyrir þetta er þessi persóna í miklu
uppáhaldi hjá mörgum enda segir
hann hlutina eins og þeir eru.
Letiblóð í netahlýra-
bol með drykk í hendi
Onslow úr bresku sjónvarpsþáttunum
Keeping Up Apperances er holdgerving-
ur letiblóðsins.
Blaðberinn
bíður
þín
Þú færð Blaðberann þinn í Skaftahlíð 24
alla virka daga frá kl. 8-17.
...góðar fréttir fyrir umhverfiðBlaðberinn...