Spegillinn - 01.05.1968, Blaðsíða 26

26
SPEGILLINN
VATNSHRÚTURINN:
Framtíðarhorfurnar eru glæsi-
legar. Hæsti vinningurinn í happ-
drættinu lendir á miðann sem þú
tímdir ekki að endurnýja. Ennfrem-
ur kemur í Ijós að hjákona þín er
með þunga sem þú ert ekki valdur
að.
RÁÐANAUTIÐ:
Lærðu nú af óförunum. Láttu í
minni pokann, ef þörf krefur. Það
getur ekki biessazt mikið lengur,
að mæta grátandi til vinnu. Hafðu
því öryggisútbúnaðinn heima I lagi.
Það er ekki alltaf sopið úr ausunni
þótt nokkuð kál sé í henni.
EINEGGJA TVÍBURARNIR:
Þar sem þú hefur allundarlegar
skoðanir á flestum málefnum, og
ert tilbúinn að skipta um þær oftar
en sokka, og vilt auk þess láta
bera sem allra mest á þér, þá skalt
þú skipa sjálfan þig 61. menning-
arvitann.
KOL-KRABBINN:
Það er virðingarvert að láta
hverjum degi nægja sína þjáningu,
en það er ástæðulaust að láta
aðra þjást fyrir það. Þér mun mis-
heppnast eitthvert óhappaverk á
næstunni.
CAMELLJÓNIÐ:
Þú hrýtur ógurlega um nætur,
og rekkjunautur þinn er að verða
heilsulaus af svefnleysi. Þú ættir
því að sofa með þvottaklemmu á
nefinu og matarinnganginn fullan
af heyi. Þú getur hvort sem er ekki
haft hann lokaðan I vöku né
svefni.
GLEÐIKONAN:
Þú hefur slæmt innræti, og fyrir
það þarft þú að bæta. Þú gætir
gert nokkur góðverk t.d. gætirðu
borgað fyrir dagblaðið sem þér
hefur verið sent undanfarin ár, og
ef til vill hætt að tala við ókunn-
ugt fólk á skemmtistöðum.
BÍLVOGIN:
Haltu þig við rembinginn enn
um stund, hann hefur leynt þínu
rétta innræti. Himintungl eru þér
hliðstæð. Þú mun komast að raun
um að maki þinn heldur fram hjá
þér enn, þótt undarlegt megi telj-
ast miðað við útlit hans.
FLUGDREKINN:
Láttu forvitnina verða þér hag-
kvæma vöggugjöf. Því meira sem
þú skilur í annarra fari, því hættu-
legra fyrir þá. Það er einhver rugl-
ingur á málum þínum, og dálítið
erfitt að segja alveg fyrir um það,
hvaða ógæfustefnu þau kunna að
taka. Opnaðu gíróreikning.
WILLIAM TELL:
Ef þú lætur uppi hvaðan þér
koma kjaftasögurnar, sem þú kall-
ar fréttir, og lepur í hvern og einn
sem nennir að hlusta, kann svo að
fara að þú kjaftir sjálfan þig í
vinkil. Munnurinn er nothæfur til
fleiri hluta en að Ijúga með.
KOSSAGEITIN:
Annríki verður mikið og ekki
mikill tími til að sinna drykkjuskap
og öðrum áhugamálum, enda tals-
vert hæpið að vakna hvern morg-
un með óráði vegna timburmanna.
Mundu ef tengdamóðir þín kemur
í heimsókn, að með illu skal illt út
drífa.
KROSSBERINN:
Ef hægt væri að breyta í mat
öllu því rusli sem fram úr munni
þér kemur næsta mánuð, þyrftu
sveltandi þjóðir engu að kvíða.
Þetta er tæplega framkvæmanlegt,
þess vegna ættir þú að þegja sem
mest, annars leggja allir á flótta
sem neyðast til að umgangast þig.
FLUGFISKARNIR:
En þú sem undan / ævistraumi /
flýtur sofandi / að feigðarósi /,
ættir að vakna áður en þú lendir
í sjónum.
Álfur Engifers.
P.s. Aukaspádómur sem gildir
fyrir öll merkin:
Það er útlit fyrir, að þeir sem
gleyma að greiða áskriftargjald
Spegilsins lendi í einhverjum
erfiðleikum.
Að lokum birti ég steinanöfn,
hin merkilegu, sem eiga við hvert
merki:
Hrúturinn — Rauðamöl. Nautið
— Steinninn (Skólav.stíg 9). Tví-
burarnir — Legsteinn. Krabbinn —•
Staupasteinn. Ljónið — Gallsteinn.
Meyjan — Rennusteinn. Vogin —
Múrsteinn. Sporðdrekinn — Ey-
steinn. Bogmaðurinn — Nýrna-
steinn. Steingeitin — Augasteinn.
Vatnsberinn — Blágrýti. Fiskarnir
— Hlandsteinn.
Álfur Engifers.