Stúdentablaðið - 01.12.1939, Blaðsíða 12

4
STÚDENTABLAÐ
Alexander Jóhannesson:
Framtíð háskólans
Nú eru allar horfur á, að háskólabyggingin
verði tekin til afnota næsta haust og verða
þá mörkuð tímamót í sögu háskólans. Fyrsta
þætti verður lokið, þætti fyrstu vaxtaráranna,
þætti ónógra húsakynna og lélegs aðbún-
aðar. Það er þó í raun og veru varla hægt að
tala um vaxtarár þessi fyrstu 29 ár, er liðin
verða frá stofnun háskólans. Örfáum kenn-
arastólum hefir verið bætt við, kennsla hefir
verið tekin upp í nýju málunum, ensku, þýzku
og frönsku og nýlega í sænsku, en að sumu
leyti hefir ýmislegt gengið aftur á bak. Laun
kennara eru nú ekki helmingur af því, sem
ákveðið var í byrjun, ef miðað er við verð-
gildi peninga, náms- og húsaleigustyrkur
stúdenta hefir minnkað að svipuðu skapi.
Ráðamenn þjóðarinnar, þingmenn og ráð-
herrar, gera miklar kröfur til háskólans, en
geta ekki skilið eða vilja ekki skilja, að sá
háskóli er á vegi glötunar, þar sem kennur-
um hans gefst ekki kostur á að vinna óskiptir
að sínum vísinda- og kennslustörfum. Há-
skóli vor er sennilega einasti háskóli í heimi,
þar sem svo er ástatt, en hvergi í víðri veröld
er meiri þörf á því en hér, að hver einasti há-
skólakennari leggi fram alla sína krafta í því
embætti, er hver og einn skipar. Háskólinn
á að vera merkisberi æðstu menningar þjóð-
arinnar, skjól hennar og athvarf, því að
menning hverrar þjóðar er miðuð við afrek
vísinda og lista. í skúmaskotum sumra stjórn-
málamanna er hvíslast á um þessa stofnun
og litið öfundaraugum, ef einhverjir háskóla-
kennarar við og við hafa notið nokkurs styrks
til fræðiiðkana úr sjóðum háskólans. Þessar
raddir eru ekki háværar, en þær læðast með
veggjum og er ætlað að smjúga inn í lítil-
sigldar sálir. Óregla og drykkjuskapur stúd-
enta er umræðuefni annarra, þó að yfirleitt
megi segja, að íslenzkir stúdentar séu reglu-
samir menn og ástundunarsamir við nám,
sem sjá má af því, að flestallir ljúka námi
sínu og gerast nýtir borgarar.
Á þessum tímamótum, er árleg tala nýrra
stúdenta er orðin 80—100, hefir háskólaráð
borið fram tillögur um nýjar deildir í há-
skólanum og hefir þeim verið mjög vel tekið
í blöðum landsins og meðal allra stúdenta.
Má því vænta, að þær fái þá afgreiðslu á þingi
þjóðarinnar, er til er ætlazt. En mörg önnur
verkefni bíða lausnar á næstu árum, og mun
verða fyrir þeim barizt, unz viðunanleg lausn
fæst. Háskólinn er vinsæl stofnun meðal
þjóðarinnar, og í fullkominni vissu um sigur
góðs málefnis mun verða tekin upp barátta
fyrir bættum kjörum og aðbúnaði kennara
háskólans og stúdenta, stofnun nýrra deilda,
vaxandi vísindastarfsemi og aukinni andlegri
og líkamlegri þjálfun hinna ungu stúdenta,
er eiga að gerast merkisberar íslenzkrar
menningar á ókomnum árum.
Tillögur háskólaráðs
um aukna kennnslu
1. Viðskiptaháskóli.
Nú er kennt í tveim deildum og er tíma-
fjöldinn samtals 35 stundir á viku, en þegar
þriðja deild bætist við, verða tímarnir á viku
samtals 63. Ef gert er ráð fyrir 30 vikum á ári,
verður tímafjöldinn samtals 1890 stundir. Ef