Stúdentablaðið - 01.12.1950, Blaðsíða 10
4
STÚDENTABLAÐ
næstu árum. Ég er þess fullviss, að þessir
verkfræðingar reynast engu síður hæfir
starfsmenn, en þeir, sem hafa stundað allt
verkfræðinám sitt erlendis. Verkfræðinámið
í Háskóla Islands var vaxið af íslenzkri rót,
og það er íslenzku þjóðfélagi notadrýgst.
Námsefnið til burtfararprófs úr verkfræði-
deildinni er miðað við þær kröfur, sem gerð-
ar eru við fyrra hluta próf í byggingarverk-
fræði, rafmagnsverkfræði og vélaverkfræði
við Danmarks tekniske Höjskole, en fyrra
hluta nám í þessum þrem aðalgreinum verk-
fræðinnar er þar að mestu leyti sameigin-
legt. I fjórðu aðalgi'eininni — efnaverkfræði
— er allt námsefnið að verulegu leyti frá-
brugðið hinum þremur og hefur ekki verið
talið fært, meðal annars vegna kostnaðar,
að halda hér uppi kennslu til fyrra hluta
prófs í efnaverkfræði.
Kennslan í verkfræðideildinni er miðuð við
þriggja ára nám undir fyrra hluta próf. Þeir
stúdentar, sem ætla sér að leggja stund á
rafmagnsverkfræði og vélaverkfræði, verða
ennfremur að stunda verklegt nám í 11 mán-
uði og hafa margir þeirra lokið þessu námi
með því að vinna í sumarleyfunum. Stúdent-
ar í byggingarverkfræði verða hinsvegar að
vinna eitt sumar í 4 mánuði við verkfræði-
legar æfingar og próf i landmælingu. I Dan-
marks tekniske Höjskole er landmæling og
húsagerð kennd í síðari hluta námsins, en
til þess að létta framhaldsnámið erlendis, eru
þessar námsgreinar kenndar undir fyrra
hluta próf hér.
Danmarks tekniske Höjskole viðurkennir
að fullu fyrra hluta próf í verkfræði frá Há-
skóla íslands og tekur gildar einkunnir héð-
an í landmælingu og húsagerð og færir þær
í prófvottorð sín um síðari hluta verkfræði-
námsins. Auk þess hefur þessi gamli og við-
urkenndi háskóli sýnt þá velvild, þrátt fyrir
þröngan húsakost, að taka á ári hverju til
náms allt að 10 íslenzka stúdenta, sem lok-
ið hafa fyrra hluta prófi í Háskóla Islands.
Við framhaldsnám í öðrum tekiskum háskól-
um erlendis notast fyrra hluta próf héðan
ekki að fullu, þar sem námstilhögun er í
ýmsum atriðum frábrugðin því, sem hér er.
Við teknisku háskólana í Stokkhómi og
Gautaborg munu próf frá öðrum háskólum
yfirleitt ekki vera tekin gild, en það mun
vera tiltölulega auðvelt fyrir stúdenta, sem
lokið hafa fyrra hluta prófi hér, að spara
sér 1—2 ár af námstímanum við teknisku
háskólana í Svíþjóð. Á síðastliðnum árum
hafa 4—5 íslenzkir stúdentar á ári sótt nám
í verkfræði til háskólanna í Svíþjóð og hafa
þeir allir verið nýstúdentar. Tekniski háskól-
inn í Noregi getur fyrst um sinn aðeins tek-
ið til náms einn íslenzkan stúdent á ári. —
Eftir þessu geta 15—16 íslenzkir stúdentar
á ári komizt að námi við teknisku háskól-
ana á Norðurlöndum, og þótt nokkrir þeirra
næðu ekki að ljúka námi, eru allar líkur til
þess, að þetta fullnægi þörfum islenzks þjóð-
félags næstu áratugi.
Ég bendi hér aðeins á verkfræðinám á
Norðurlöndum, af því að ég tel kennslu, sem
sprottin er af norrænum stofni, hæfa okk-
ur bezt. Sízt skal ég þó letja þess, að íslenzk-
ir stúdentar sæki einnig verkfræðinám til
annarra þjóða, sérstaklega í ýmsum sérfræði-
legum greinum verkfræðinnar.
Á þessum 10 árum, sem liðin eru síðan
kennsla var hafin í verkfræði við Háskóla
Islands, hafa 119 stúdentar verið reglulegir
nemendur verkfræðideildarinnar. Fleiri hafa
þó verið innritaðir, en ekki komið til náms,
og 19 stúdentar hafa verið óreglulegir nem-
endur. 50 stúdentar hafa lokið fyrra hluta
prófi við Háskóla íslands og, eins og áður
er sagt, var einn íslenzkur stúdent, sem lok-
ið hafði fyrra hluta prófi við tekniska háskól-
ann í Þrándheimi, tekinn í verkfræðideild-
ina til framhaldsnáms. 30 stúdentar af 10
fyrstu árgöngunum eru hér enn við nám, en
38 hafa horfið frá námi við deildina. Nokkr-
ir þeirra stunda þó verkfræðinám við erlenda
háskóla.
Af þeim 50 stúdentum, sem lokið hafa
fyrra hluta prófi hér, hafa 23 þegar lokið
verkfræðiprófi, 6 frá Háskóla íslands og 17
erlendis, en 27 eru þar enn við nám.
Verkfræðistúdentarnir frá Háskóla íslands