Stúdentablaðið - 01.02.1971, Page 4

AÐILD STÚDENTA AÐ
HÁSKÓLA
Þegar rætt er um áhrif stúdenta á stjórn
háskóla, er ekki úr vegi að líta á hvern-
ig stjórnarfyrirkomulag Háskóla ís-
lands er í dag. Stjórnarkerfí H.í. er
fámennisstjórn, þ.e.a.s. stjórn prófess-
ora. Prófessorar hafa meirihluta i deild-
arráðum, háskólaráði og við val rekt-
ors. Stjórn deildar er jafnan hjáverka-
starf þess prófessors sem kjörinn er
deildarforseti. Fulltrúar stúdenta í há-
skólaráði og deildarráðum eru stund-
um í svipaðri stöðu og áheyrnarfull-
trúar með málfrelsi og tillögurétt, þar
sem munur á atkvæðafjölda þeirra og
prófessora er svo mikill. Aðild stúdenta
að stjórn Háskólans hefur samt haft
jákvæð áhrif, hún hefur aukið kynn-
ingu kennara og stúdenta á áhugamál-
um hvors annars, og einu má ekki
gleyma, að við það skipulag sem nú
tíðkast er viðurkenndur réttur stúdenta
til að taka þátt í stjórn skólans. Þess
vegna er spurning dagsins í dag hvern-
ig þessum rétti skuli háttað, en ekki
hvort hann sé til staðar.
Víða um heim hafa stúdentar barizt
fyrir auknum áhrifum á stjórn skóla
sinna og hafa ýmsar tillögur komið
fram varðandi heppilega tilhögun.
Til dæmis er mikið rætt um kerfí sem
er kallað einn þriðji, einn þriðji, einn
þriðji. Þar hafa stúdentar 1/3 atkvæða
í ráðum og nefndum, háskólakennarar
1/3 og prófessorar 1/3. Annað kerfi,
sem mér finnst virka nokkuð svipað
er þegar stúdentar hafa 50% atkvæða
í málefnum skólans á móti 50% at-
kvæða prófessora og kennara. Bæði
þessi kerfi hafa þann ókost að þau
skipta nemendum og kennurum í hópa
sem gera má ráð fyrir átökum á milli.
Þá hefur einnig verið mikið rætt um
hið svokallaða: „Atkvæði á mann, (one
man one vote)“. Þar er gert ráð fyrir,
að allt starfslið háskólans hafi sama
atkvæðisrétt um málefni skólans, þarna
er gert ráð fyrir að kennarar og nem-
endur starfi saman á jafnréttisgrund-
velli að lausn vandamálanna.
íslenzkir stúdentar hafa lítið rætt
hver framtíðarstefnan eigi að vera í
stjórnunarmálum H.í. Baráttan hefur
miðast að því að fjölga mönnum í
háskólaráði og fá atkvæðisrétt við
rektorskjör, en í því sambandi hefur
ekki verið skilgreint hvort um endan-
legt takmark væri að ræða. Stjórn
Stúdentaráðs ákvað því í haust að
hefja umræður um þetta mál í ráðinu
og hefur menntamálanefnd Stúdenta-
ráðs haft málið til meðferðar. Nefndin
birti álit sitt fyrir nokkru og verður
það rætt á næsta Stúdentaráðsfundi.
Efni þess er að stefna beri að því „að
ákvörðunartaka í málefnum H.í. sé
lýðræðisleg þ.e.a.s. ákvarðanir teknar
af öllum þeim (kennurum og stúdent-
um) sem hlut eiga að máli, eða af full-
trúum sem þeir velja úr sínum hópi
með ótakmörkuðum atkvæðisrétti og
kjörgengi“.
4