Fálkinn - 28.03.1952, Síða 3

FÁLKINN
3
Þjóðleikhúsið:
„Þtss vtgnð shiljum ii5“
ÞjóSleikhúsið hefir nú tekið til
meðferðar fyrsta Kambansleikrit
sitt, „Þess vegna skiljum við“. Það
var frumsýnt i Danmörku 1939, en
hefir ekki verið sýnt hér á landi
áður.
Guðmundur Kamban innritaðist í
Hafnarháskóla 1910. Las hann heim-
speki og fagurfræði og var honum
efst í Juiga að verða rithöfundur.
Á skólaárunum frumsamdi hann leik
inn Höddu-Pöddu og bauð Leikfé-
lagi Réykjavíkur liann til sýningar.
Það treysti sér ekki til þess að taka
hann til meðferðar. Endursamdi
Kamban þá leikritið og var það
sýnt í Konunglega leikhúsinu í Kaup
mannahöfn i póvember 1914, en á
jólum 1915 i Reykjavík. Hlaut Kamb
an mjög góða dóma í Kaupmanna-
höfn, og sjálfur George Brandes fór
um liann viðurkenningarorðum. Var
höfundurinn þá einungis 26 ára
gamall og hafði þessi sigur úrslita-
þýðingu fyrir ævistarf hans. Skrif-
aði hann mörg leikrit og vann að
leikstjórnarstörfum í Danmörku og
gerði sér sérstakt far um að ná al-
þjóðlegu viðsýni í skrifum sinum.
í þvi skyni fór hann m. a. til Am-
eríku og ætlaði að kynna sér ensku
til þeirrar hlítar, að hann gæti tek-
ið hana upp sem ritmál. — Mörg
verk Kambans eru svo kunn, að það
er næsta óþarfi að geta þeirra, en
hér skuiu þó nefnd „Marmari“, „Vér
morðingjar", „Skálhoit“ „Sendiherr-
ann frá Júpíter“ og „Konungsgliman“.
„Þess vegna skiljum við“ er snúið
á íslensku af Iíarli ísfeld. Leikstjórn
annast Haraldur björnsson, og leik-
ur hann einnig allstórt lilutverk, hið
90. í röðnni af hlutverkum lians frá
upphafi. Efni leirkitsins má marka
af heiti þess, og bregður þar bæði
fyrir gamni og alvöru. Þættir eru
þrír.
Leikendur eru Arndís Björnsdótt-
ir, sem leikur Sylvíu Thorlacius,
meið gamallar, íslenskrar, sómakærr
ar ættar í Kaupmannahöfn. Eggert
Thorlacius, son hennar, leikur Ind-
riði Waage, og Dagmar konu hans
Regína Þórðardóttr. Börn þeirra,
Karl, Baldvin og Sigþrúði, leika Ró-
bert Arnfinnsson, Baldvin Halldórs-
son og Inga Þórðardóttir. Tengda-
börnin, Gerðu, Louise og dr. Viggo
Mohr, leika Ragnhildur Steingríms-
dóttir, Hildur Kalman og Gestur
Pálsson. Próf. Axel Thomsen leikur
Haraldur Björnsson, en Stefaníu
konu hans Þóra Borg, Gerður Hjör-
leifsdóttir og Ragnhildur Stein-
grimsdóttir leika hjúkrunarkonu og
stofustúlku. — Leikur er góður, og
er erfitt að scgja til um liver gerir
hlutverki sínu best skil. Baldvin Hall
dórsson sýnir enn, að hann er góð-
ur og skemmtilegur leikari, þó að
honum hætti til að vera um of
kaldranalegur i framsetningu. Samt
á hann verulegan þátt í að bera
leikritið uppi. Róbert Arnfinnsson
hefir gott gervi, en réð þó tæplega
við það alltaf. Inga Þórðardóttir
er einnig ágæt. Indriði, Arndis, Þóra
Borg, Gestur og Haraldur, sem einn-
ig hafa stór hlutverk, skila þeim
einnig prýðilega að vanda.
Vinnufatagerð íslands 20 ára
Vinnufatna.ðiirinii sniðinn.
Um síðustu helgi minntist Vinnu-
fatagerð íslands 20 ára afmælis síns.
Á þeim tveim áratugum, sem fyrir-
tækið hefir starfað, hefir það kom-
ist i röð stærstu og fullkomnustu iðn-
aðarfyrirtækja landsins. Framleiðsl-
an er aðallega alls konar vinnu- og
skjólfatnaður, skyrtur og vettlingar.
Frá stofnun fyrirtækisins hefir verk
smiðjan unnið úr dúk, sem ná mundi
frá íslandi vestur í miðja Ameríku.
og tvinninn, sem notaður hefir ver-
ið, mundi ná til tunglsins.
Vélakostur Vinnufatagerðarinnar
er mjög fullkominn og vinnukraftur
þaulæfður, en á því og góðu skipu-
lagi skapast möguleikarnir til fjölda-
framleiðslu. Vinnuföt Vinnufatagerð-
arinnar hafa líka náð viðurkenn-
ingu bæði hérlendis og erlendis,
enda er framleiðslan samkeppnis-
fær við það besta i Evrópu og Am-
eriku. T. d. hafa kuldaúlpurnar frá
Vinnufatagerðinni, sem íslenskir
námsmenn erlendis hafa gengið i vak
ið mikla atliygli, og talsverð eftir-
spurn hefir verið eftir þeim i Dan-
mörku upp á síðkastið.
Við Vinnufatagerðina vinna um
90 manns og eru vinnuskilyrði hin
bestu. Tal- og músikkerfi er um
allt húsið, matsalur, eldhús og vist-
legar setustofur í þakhæð.
Stóralág, Hornafirði. (Eigandi: Worcester Art Museum U.S.A.).
Mfllverkflsýning
Um þessar mundir er haldin
minningarsýning á málverkum Krist-
jáns H. Magnússonar listmálara, sem
lést árið 1937, aðeins 34 ára að aldri.
Flestar myndirnar eru einkaeign,
en nokkrar eru til sölu. Það er
Magnús Kristjánsson, 18 ára gamall
sonur Kristjáns heitins, sem gengst
fyrir sýningu þessari, en hann er
sjálfur efnilegur listmálari og held-
ur bráðlega til Boston til náms á
sama listaskólanum og faðir hans
var í áður fyrr. Margar af myndum
Iiristjáns heitins Magnússonar voru
seldar erlendis og hlaut hann mjög
góða dóma fyrir þær viða, t. d. í
Sviþjóð, Englandi, Bandarikjunum
og Ilollandi.
Sjálfsmgnd.