Fálkinn


Fálkinn - 08.06.1956, Blaðsíða 3

Fálkinn - 08.06.1956, Blaðsíða 3
FÁLKINN ÞJOÐLEIKHUSIÐ: „Kdtfl eliljfliT eftirlLehár Can-can dansinn í þriðja þætti. Ævar Kvaran (sendiherrann) og Þuríður Pálsdóttir (Velencienne). •ÞjóðleikhúsioVhafði frumsýningu á óperettunni „Kátu ekkjunni" eftir Lehár siðastliðið föstudagskvöld. Hús- fyllir var og sýningunni ágætlega tek- ið. Lítill vafí er á því, að mikil aðsókn mun verða á sýningum ÞjóSleikhúss- ins á óperettunni, sem margir telja eina þá bestu, sem samin hefir verið, enda er tónlistin létt og heillandi, svo sem alkunna er. Hinn danski leikstjóri og ballett- meistari Sven Áge Larsen hefir sett óperettuna á svið, en honum til að- stoðar hefir verið Baldvin Halldórs- son. Það er vandasamt verk að stjórna sýningum sem þessum, ekki síst þegar naumur tími hefir verið til undirbún- ings, en sá búningur, sem Káta ekkjan hefir verið færð í í Þjóðleikhúsinu virðist í besta lagi. í tvö meginhlutverk óperettunnar voru fengnir gestir erlendis frá, þau S'tína Britta Melander og Einar Krist- jánsson, sem óþarfi er að kynna. Þau hafa bæði sungið i óperuhlutverk- um í Þjóðleikhúsinu áður. Stina Britta Melander fer með hlutverk Kátu ekkj- unnar á íslensku, og þvingar það nokkuð framsögn hennar, en annars Anna Brandsdóttir í hlutverki ástar- guðsins. er söngkonan glæsileg og hrífandi í hlutverki sínu og syngur sig inn í hjörtu áhorfenda. Einar Kristjánsson fer einnig vel með hiutverk Danilos greifa. Önnur helstu sönghlutverkin hafa þau á hendi Þuríður Pálsdóttir og Magnús Jónsson. Þuríður fer með hlutverk Valencienne sendiherrafrúar, en Magnús með hlutverk de Rossilons baróns elskhuga sendiherrafrúar- innar. Þeir Ævar Kvaran og Lárus Ing- ólfsson fara með helstu gamanhlutverk óperettunnar og tekst báðum mjög vel að ná hylli ahorfcnda. Ævar er mjög lifandi í hlutverki hins treggáfaða sendiherra, Mirko Zeta, og Lárus Ing- ólfsson slær á áður þekkta strengi í hlutverki kansilistans. Einar Kristjánsson sem Danilo greifi. Þorsteinn Hannesson fer með litið hlutverk af smekkvísi, og auk þess eru nokki;r smærri hlutverk, kór og dansflokkur. Sérstaka athygli vöktu hinir fallegu dansar i öðrum og þriðja þætti, en þá hefir leikstjórinn samið í samráði við Lisu Kæregaard og Erik Bidsted. Einkum var dans þeirra Bryndísar Schram og Jóns Valgeirs Stefánssonar heillandi. Gefur hann góðar vonir um það, að þessi svo til nýja listgrein hér á landi sé í mikilli framför. Það er mjög þýðingarmikið atriði, að dansarnir í sýningum sem þessari séu vel uppbyggðir, og hér hefir vel tekist til. Þeir gefa sýning- unni fyllingu og móta mjög heildar- svip hennar. Hljómsveitarstjóri er dr. V. Ur- bancic og leiktjöld og búninga hefir Lárus Ingólfsson teiknað. * Stina Britta Melander í hlutverki Hönnu Glawari — kátu ekkjunnar. Á TRÖPPUM HVÍTA HÚSSINS. — Forseti Indónesíu, Soekarno. er um þessar mundir í opinberri heimsókn í Bandaríkjunum. í för með honum er sonur hans 12 ára gamall, Guntur að nafni. Hér sést Eisenhower taka á móti feðgunum á tröppum Hvíta hússins.

x

Fálkinn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fálkinn
https://timarit.is/publication/351

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.