Fálkinn - 28.12.1960, Síða 18

Þegar nýtt ár gengur í garð, rifja
menn gjarnan upp það, sem gerðist á
gamla árinu, staldra við andartak og
láta hugann reika, fagna því sem áunn-
izt hefur á árinu og vel var gert og
lofa með sjálfum sér bót og betrun,
þegar mistökin rifjast upp.
Árið, sem nú er að líða, var vissu-
lega viðburðaríkt, bæði hérlendis og
erlendis. Hver stórviðburðurinn rak
annan, en þannig hafa öll ár verið. Það
er eilíflega eitthvað að gerast og oft-
ast mest, þegar okkur finnst tíðinda-
laust.
í tilefni af árcunótunum leitaði FÁLK-
INN til fréttastjóra allra Reykjavíkur-
dagblaðanna og lagði fyrir þá spurn-
inguna:
Hver var frétt ársins hér á landi á
árinu 1960?
Þannig vildi til, að nær allir frétta-
stjórarnir minntust á sömu fréttina, og
voru þeir þó spurðir hver í sínu lagi
og vissu ekki um svör hinna. Það fer
því varla milli mála, hver er frétt árs-
ins, en nú skal vikið að svörunum.
★
Matthías Jóhannessen, ritstjóri Morg-
Matthías Jóhannessen.
unblaðsins, svarar spurningu okkar á
þessa leið:
— Innlend frétt ársins gerðist að mín-
um dómi 14. janúar, þegar togarinn Úr-
anus fannst og skipshöfn hans heil á
húfi, en ekkert hafði heyrzt til hans í
þrjá sólarhringa. Ég man ekki eftir
neinni frétt, sem orkaði sterkar á til-
finningar fólks, og ég man heldur ekki
eftir frétt, sem var skemmtilegra að
skrifa en hana.
Matthías blaðar í gömlum Morgun-
blöðum, unz hann kemur að 14. janúar.
Á fremstu síðu er þriggja dálka mynd
af Úranusi. Myndin er óskýr, en engu
að síður skýlaust sönnunargagn um að
togarinn væri ofansjávar..
— Þetta er dálítið söguleg mynd, seg-
ir Matthías, Björgunarflugvél varnar-
liðsins tók hana, er hún fann Úranus,
en skilyrði til myndatöku voru mjög
slæm og þeir gátu ekki framkallað hana.
Þeir sögðu, að hún væri ónýt. Við gát-
um samt fengið filmuna lánaða og Ólafi
K. Magnússyni tókst að framkalla hana.
Þið spurðuð um frétt ársins, en ef þið
spyrðuð um fréttamynd ársins, þá myndi
ég hiklaust nefna þessa mynd. Hún sýn-
ir það svart á hvítu, að togarinn er ofan-
Ivar H. Jónsson.
Björgvin Guðmundsson.
sjávar, og það má ímynda sér gleði
aðstandenda skipshafnarinnar. í þrjá
sólarhringa höfðu þeir beðið milli von-
ar og ótta og margur orðinn vonlaus.
★
Björgvin Guðmundsson, fréttastjóri
Alþýðublaðsins, svarar spurningimni
þannig:
— Stærsta fréttin af einstökum at-
burði á árinu er að mínu áliti fréttin
um það, að togarinn Úranus væri ftmd-
inn eftir að sambandslaust hafði verið
við hann í þrjá sólarhringa og margir
höfðu talið hann af. Sú frétt birtist
í öllum dagblöðum bæjarins fimmtudag-
inn 14. janúar, en togarinn fannst dag-
inn áður. Þetta var ánægjulegasta frétt
ársins. En á árinu var einnig óvenju-
lega mikið um ýmiss konar hneykslis-
fréttir. Þar rísa tvö mál hæst: frí-
merkjamálið og olíumálið. Alþýðublaðið
varð fyrst dagblaðanna til þess að skýra
frá þeim báðum, en þessi mál voru oft
í blöðunum og má segja, að fréttirnar
af þeim hafi farið stækkandi eftir því,
sem meiri upplýsingar komu í ljós.