Fálkinn - 28.02.1962, Blaðsíða 7
Léleg þjónusta.
. . . Varla get ég sagt að ég
sé mikill íþróttamaður, en mér
þykir gaman svona endrum
og eins að bregða mér út und-
ir bert loft, einkum á veturna,
og fara á skíði. Nú stóð svo á,
að mig langaði óskaplega til
þess að bregða mér á skíði.
Ég fer með nokkrum félögum
mínum sem leið liggur upp í
Skiðaskálann í Hveradölum.
Dveljumst við þar og rennum
okkur. Er líða tók á kvöldið
fannst okkur óþarfi að fara
nokkuð í bæinn, svo að við
föluðumst eftir gistingu þarna.
Jú, hana fengum við. En her-
bergið, sem við fengum, var
uppi á hanabjálka. Ég efast
ekki um, að herbergi þetta sé
ágætt á sumrin og þjóni vel
tilgangi sínum fyrir ferða-
menn, því að þar er útsýni dá-
fagurt. En á veturna er her-
bergi þetta fyrir neðan allar
hellur, því að þar er enginn
ofn og var okkur félögunum
svo kalt um nóttina, að við
sváfum varla dúr. Fyrir koj-
una urðum við svo að borga
35 krónur, en í þeim var þunn
ábreiða og ómerkileg hálm-
dýna. Sem íþróttamönnum ein-
um sæmir vorum við á fótum
mjög árla og ætluðum þá að
fá okkur hressingu. En þessir
prýðisgóðu gestgjafar létu
ekki sjá sig fyrr en kl. hálf
ellefu. Var sú framkoma eftir
öllu öðru þarna í skálanum,
því að þar voru slökkt öll Ijós
kl. 1 um nóttina og öllu sam-
an lokað. Ég held, að Skíðafé-
lag Reykjavíkur hafi ekki
neinn ágóða af því, að hafa
skálann svo illa og skammar-
lega rekinn, og ætti stjórn þess
að athuga sinn gang áður en
þeir láta gestgjafa, ef gest-
gjafar geta kallazt, bjóða
mönnum upp á slíka þjónustu.
Virðingarfyllst,
Á. G.
Svar:
Okkur þykir þetta mjög
leitt, en vonandi er, að Skíða-
skálinn í Hveradölum veiti
betri þjónustu hér eftir.
Morgunmatur.
. . . Ég hef veitt því eftir-
tekt, að íslendingar margir
hverjir hafa það fyrir sið að
fá sér bara svart kaffi á
morgnana í stað þess að fá
sér góðan og nærandi morgun-
mat. Mér finnst, að fólk eigi,
áður en það fer í vinnu eða
skóla, að fá sér til dæmis
hafragraut. Hann mætti vera
með súru slátri. Það er bezti
matur, sem ég fæ og ég hygg
að svo sé um fleiri. Það er
hörmulegt að sjá fólk engjast
sundur og saman í hungri
þessa fjóra tíma, sem það á
eftir í mat. Jafnvel kaffi með
brauði gerir ekkert gagn, það
er hafragrauturinn, sem blíf-
ur. Matmaður.
Gamall árgangur.
Eins og yður rekur minni
til, skrifaði ég á dögunum eitt
„ágætt“ bréf, sem birt var í
blaðinu, að undanteknum fá-
einuni sannleikskornum, sem
þið létuð niður falla. — Tilefni
fyrirspurnarinnar um eldri
blöð er það, að ég fann frá
mínum ungdómsárum árgang
1947 og virðist börnunum mín-
um þetta hreinasta gullnáma,
svo að mér datt í hug að verða
mér út um meira. (Það forð-
ar manni kannski frá Evu,
Amor og Nýju úrvali um
stundarsakir). En ég gáði ekki
að því að kynna mér verðið.
Ég get tæplega farið að kosta
til þess fleiri hundruðum
króna. En ef blöðin verða ekki
seld yfir það, sem þau kostuðu
upphaflega, þá langar mig til
þess að fá senda árgangana frá
1941 og ’42 ....
Ég sendi svo beztu þakkir
íyrií blaðið eins og það er
núna ....
J. S., Akureyri.
Svar:
Við viljum benda bréfritur-
um á, að við áskiljum okkur
rétt til að fella hvað sem er
úr bréfum þeirra, jafnvel þótt
sannleikskorn séu, því stund-
um má satt kyrrt liggja. Hins
vegar geta bréfritarar óskað
þess, að bréf þeirra verði ekki
birt, og munum við þá verða
við þeim óskum.
Hvað verðinu á gömlu ár-
göngunum viðvíkur, munum
við selja hvern um sig á 100
kr. Ef þér hafið áhuga á kaup-
um, þá látið okkur vita.
Svar til M. J., Norðurfirði.
Ráðningar við getrauninni:
„Hvar hefurðu komið?“ birt-
ust i blaðinu, sem út kom 28.
júní 1961. Verðlaunin hlaut
Svala Kristjánsdóttir, Baldurs-
götu 9, Reykjavík, fékk hún
hringferð í kringum landið að
launum. Blöðin verða send
mjög bráðlega.
Aukið fegurð augnanna
með Kurlash augnsnyrti-
vörum
Kurlash er 30 ára framleiðslufirma
aðeins í augnsnyrtivörum.
Gefið augum yðar nýjan töfrandi blæ
með Kurlash augnsnyrtivörum.
♦
KURLASH
^ Fæst í snyrtivöruverzluE^um
♦ Heildsölub.: H. A. TULIftllUS
FÁLKINN 7