Fálkinn - 05.09.1962, Blaðsíða 20

SIGURLAUG BJÖRNSDÓTTIR
— Hollara að vera undir handleiðslu kennara.
Það er erfitt að ná í Sigurlaugu Björnsdóttur kennara
í Hafnarfirði, en hún hefur kennt þar í St. Jósepsskóla
um árabil. Hún svaraði spurningunni þannig:
— Nei. Og skyldunámið finnst mér að megi ekki
stytta. Það er erfitt að fá vinnu fyrir unglinga að vetri
til við þeirra hæfi, enda held ég, að unglingum innan
15 ára aldurs sé hollara að vera undir handleiðslu kenn-
ara en á ýmsum vinnustöðum. Að vísu eru margir nem-
endur orðnir leiðir, einkum þeir sem eru ekki fyrir bók-
námið, en þar ætti verknámið að geta bætt úr og er
nauðsynlegt að hafa það sem fjölbreyttast. Einnig ber
að athuga, að miðskólastigið sé í sambandi við barna-
skólana, því að börn innan fermingar eiga tæplega
samleið með unglingum í gagnfræðadeild. — Ég álít, að
skólatímann í gagnfræðaskólum og æðri skólum beri alls
ekki að lengja, því að sumarvinnan gerir mörgum kleift
að stunda framhaldsnám á veturna, sem þau hefðu ekki
efni á annars. Hvort lengja beri skólatímann ár hvert
í barnaskólunum er því til að svara, að hafa þá kennslu
ekki í sama formi og á veturna. Mörg börn dvelja á
sveitaheimilum á sumrin og er það þeim bæði andleg og
líkamleg heilsulind. En væri ekki hægt að breyta sveita-
skólunum í vinnu- og sumarskóla fyrir kaupstaðarbörn,
sem ekki eiga kost á dvöl á sveitaheimili? — Ef börn
geta verið í umsjá móður sinnar eða annars uppalanda
að skólatíma loknum, er það óþarfi að námið fari fram
í skólanum að öllu leyti. En ef móðirin vinnur úti finnst
mér barnið verða að njóta aðhlynningar í skólanum.
Finnst mér brýn nauðsyn að hafa lesstofur í öllum
barnaskólum og matstofur, þar sem börn einstæðra
mæðra geta fengið máltíðir fyrir sanngjarnt verð. — Ég
held, að heppilegast sé að barnaskólinn byrji klukkan
hálf níu fyrir 10 ára börn og eldri, en kl. níu fyrir
yngri börn. Síðan fái börnin matarhlé. Ég tel óæskilegt
að vekja börnin mjög snemma á morgnana, því að víða
er farið seint að hátta. Einnig er mjög óæskilegt að
kenna í matartímanum milli tólf og eitt, því að þá er
maturinn orðinn æði ólystugur, þegar börnin koma loks
heim.
★
Helgi Tryggvason æfingakennari við kennaraskólann
svaraði spurningu okkar á þessa leið:
— Með því að þræða sauðagötu skræðufræðinnar
verður skólaganga alltaf löng og leið. Þjóðfélagið gerir
stöðugt meiri kröfur og til þess að vera hlutgengur, þarf
kunnáttu. Meira vinnur vit en strit og halda þarf námfýs-
inni við með réttum kennsluaðferðum. Hér á landi eru
vetur langir og dimmir, við erum vorþyrst og viljumnjóta
sumarsins. Þess vegna væri erfitt að auka innikennslu.
í þess stað kæmi sumarvinna, námskeið á dvalarheimil-
um, þar sem iðkun á ýmsu fer fram, sem eykur yndi
og verður nemandanum til gagns. Skólinn er ekki ein-
göngu bundinn við bækurnar. í skólamálum megum við
ekki vera þröngsýn. — Margir eru þeirrar skoðunar, að
börnin hafi of lítið að gera í barnaskólunum, en námið
aukist um of, þegar komið er upp í unglingaskólann.
Á nemandann séu lagðar allt of þungar byrðar á of
löngum vinnudegi. Hér er bráðrar athugunar þörf. Það
þarf að jafna kennslunni á aldursstigin. Umfram allt þarf
námsefnið og bækurnar að vera við hæfi nemenda og
þannig þarf að skilja við þá að kennslustund lokinni, að
þeir séu fúsir til að nota tómstundir sínar til frekari
náms. Tómstundum fer alltaf fjölgandi og svo mun
verða áfram. Skólaár okkar er styttra en í mörgum Iönd-
um en tvísetning styttir skólatíma á hverjum degi, því
held ég að ekki verði komizt hjá heimavinnu, enda er
hverjum nemanda hollt að vinna að einhverju leiti sjálf-
stætt og ef nemandi les vel heima, er kennarinn miklu
frjálsari í að verja tímanum í eitthvað annað, sem auðgar
Þess vegna vil ég hafa heimavinnu og börnin vilja það.
Hvað snertir tímann tel ég varasamt að byrja of snemma
vegna þess að nú á dögum fara börn yfirleitt seint að
HELGI TRYGGVASON
— Meira vinnur vit en strit.
FALKINN