Fálkinn - 22.06.1964, Page 37
| Litlar rabarbara-
ábætiskökur
Vorrabarbarinn er mjög ijúffengur og sé hann
soðinn varlega og kryddaður vel með sykri og van-
illu, er hann prýðileg fylling í litlar ábætiskökur.
— Hreinsið smáan rabarbara, skerið hann í jafna
bita, sem soðnir eru í sykurlegi með vanillu. En
gætið vel að suðunni, rabarbarinn á bara að verða
meyr, má alls ekki sjóða í mauk. Látið síga vel af
bitunum og þeir kældir. Botnarnir í kökurnar eru
, búnir til úr: 250 g hveiti, 160 g smjöri (smjörlíki),
80 g sykri 1 egg, hnoðað léttilega saman, þarf að
biða að minnsta kosti 1 klst, áður en deigið er flatt
þunnt út. — Skornar út kringlóttar kökur, búnir til
jafnstórir hringir, sem settir eru ofan á kökurnar
sem grind í kring. Fallegt er að gára grindverkið
með fingurgómunum. Kökurnar bakaðar, þar til
þær eru gulbrúnar, við 225° í um 5 mínútur. Síðan
er hægt að útbúa ábætiskökurnar á ýmsan hátt:
1. Fremsta kakan er þakin með rabarbara- og
ananasbitum.Rjóma sprautað í kring.
2. Kakan til vinstri er aðeins þakin með rabar-
barabitum, rjóma sprautað ofan á.
3. Kakan til hægri er þakin með rabarbarabitum
sem hjúpaðir hafa verið með hlaupi (rabar-
barasafi hleyptur með matarlími). Gróft, söx~
uðum möndlum stráð yfir.
' 4, Rabarbarabitunum er raðað ofan á í vajniiu-
bráð (t. d. úr pakkabúðing). Skreytt með
rjómatoppum.