Fálkinn - 20.07.1964, Side 27

Þcssum bíl var valið frumlegt stæði.
Honum var lagt VIÐ UMFERÐAR-
LJÓSIN á gatnamótum Laugavegs og
Snorrabrautar, á merktri akrein og á
ská!
Það er ekkert einsdæmi að ökumenn
leggi bílum sínum beint fyrir framan
merki, sem á stendur, að bannað sé að
leggja bílum. Væri vanþörf á að ganga
úr skugga um hvort ökumaður þessarar
bifreiðar þekkir umferðarmerkin?
Þannig er allt of algengt að ökumenn
gangi frá bílum sínum. Þeir skjóta þeim
inn í bílastæðin, en afturendi bílanna
skagar út í götuna. Þarna eru merktar
akreinar og ökumaðurinn, sem kemur
eftir hægri akreininni, á ekki annarra
kosta völ en að sveigja inn í vinstri
akreinina. Ófáir árekstrar hafa orðið af
þessum sökum.
Ökumaður þessa jeppa lagði honum á
akrein á Miklubrautinni og stuðlaði
þar með að umferðarslysi.
Það virðist býsna erfitt að koma því
inn í kollinn á sumum ökumönnum,
hvernig þeir megi leggja bílum sínum
og þeir megi ekki leggja þeim í gagn-
stæðri akstursstefnu. Þessi Volvobíll
stóð Iengi svona á Þórsgötunni.