Fálkinn - 19.10.1964, Side 14

á skemmtunum. Margir mundu ef til
vill halda, að erfitt væri að halda þessa
reglu, en reynslan hefur verið sú, að
þetta hefur gengið mjög vel. Það er
brottrekstrarsök úr klúbbnum, sé þessi
regla brotin.
Og hvernig ferðast nú svona klúbb-
ur? Venjulega er lagt af stað eftir há-
degi á laugardag. Farið er frá Fríkirkju-
vegi 11., en þar eru seldir farmiðar í
húsnæði, sem Æskulýðsráð hefur til
sinna afnota. Og svo er ekið úr bænum,
misjafnlega langt hverju sinni, sex til
sjö tíma akstur.
Þegar komið er í tjaldstað er slegið
upp tjöldum og matazt og komið sér
fyrir. Síðan er efnt til kvöldvöku. Ef
margir eru með, er slegið upp stóru
tjaldi, sem rúmar fimmtíu manns. Það
er sungið, farið 1 leiki og dansað. Og
eftir ánægjulega kvöldstund er gengið
til náða.
Á sunnudag er farið í gönguferðir um
nágrennið og leiki og um f jögurleytið er
lagt af stað heimleiðis.
Heim er svo venjulega komið klukkan
níu til ellefu á sunnudagskvöld.
Síðan er efnt til myndakvölda. í
flestum ferðum klúbbsins eru teknar
kvikmyndir, sem sýndar eru á þessum
myndakvöldum. Og þá eru það ljós-
myndirnar, því þeir eru margir sem
hafa með sér myndavélar. Og þegar
allt þetta myndaflóð hefur verið skoð-
að, þá rabba menn saman um ferðina,
rifja upp skemmtileg atvik sem komið
hafa fyrir, því margt spaugilegt skeður
í svona ferðum, og síðan er farið að
ræða um næsta ferðalag.
Margir munu ef til vill halda, að
svona ferðir eina helgi væru full mikill
þeytingur, og að menn mundu koma
þreyttir og uppgefnir í bæinn aftur.
Svo er þó ekki. Að vísu eru menn oft
þreyttir, en það er holl þreyta sem
Frá einu skemmtikvöldinu. Hér er tvistað af miklu
kappi. Því miður kunnum við ekki nöfn á þessu fólki. Fra einu skemmtikvöldanna.
Þessi mynd er tekin í turni Skálholtskirkju.