Fréttablaðið - 07.10.2009, Blaðsíða 42

22 7. október 2009 MIÐVIKUDAGUR
sport@frettabladid.is
Helgi Sigurðsson og knattspyrnudeild Vals komust að sam-
komulagi um starfslok Helga í fyrrakvöld. Helgi er því á leið
í annað lið en hann hefur bæði átt í viðræðum við Víking,
KR sem og önnur lið í efstu deild karla.
„Ég settist niður með Valsmönnum og við ræddum um
tímabilið í sumar sem og framtíðina. Það var sameiginleg
niðurstaða að leyfa mér að róa á önnur mið,“ sagði Helgi
í samtali við Fréttablaðið í gær. „Þetta gerðist ekki vegna
þess að það er verið að yngja upp í Val eins og menn
gætu haldið. Það er fjarri lagi.“
Helgi segir að hann þurfi á nýrri áskorun að halda.
„Það er oft sem eldri leikmenn eins og ég þurfa á nýrri
áskorun að halda til að halda sér á tánum,“ sagði hann í
léttum dúr. „En ég er mjög ánægður með árin mín þrjú hjá
Val. Mér finnst að ég hafi gefið mikið af mér til félagsins
og það hafi að sama skapi gert mikið fyrir mig. Okkar sam-
skipti hafa alla tíð verið góð og ég met það mikils að okkar
samstarfi lauk farsællega og án þess að einhver læti yrðu.“
Helgi varð Íslandsmeistari með Val árið 2007 og svo
kjörinn besti leikmaður tímabilsins af leik-
mönnum deildarinnar. „Þetta byrjaði mjög
vel þegar við urðum meistarar. Svo áttum
við miðlungsár í fyrra og svo hörmungarár í
sumar. Ég hef því prófað alla þessa flóru með
Val. Mér finnst þó að ég hafi staðið mig nokk-
uð vel og skorað mín mörk sem ég var fenginn
til að gera. Ég hef líka kynnst mörgu góðu fólki
og það var erfitt að kveðja Val.“
Helgi hefur helst verið orðaður við sitt uppeld-
isfélag, Víking. „Ég hef rætt við Víking og líst vel á
það sem þeir hafa að bjóða. Ég myndi ekki vilja
fara til annarra félaga í 1. deildinni en ég hef
rætt við lið í efstu deild líka,“ sagði Helgi og
staðfesti að eitt þeirra sé KR.
„Þetta verður allt að fá að hafa sinn gang.
Ég ætla mér ekki að draga lappirnar í þessu máli og
vil fá niðurstöðu fyrir helgi. Ég hef mikinn metnað fyrir
næsta tímbili hvar sem ég mun spila.“
HELGI SIGURÐSSON: HÆTTUR HJÁ VAL OG Á Í VIÐRÆÐUM VIÐ ÖNNUR LIÐ
Var ekki orðinn of gamall fyrir Val
HANDBOLTI Keppni í N1-deild
karla hefst í kvöld þegar Stjarn-
an tekur á móti Haukum í Mýr-
inni í Garðabæ. Leikurinn hefst
klukkan 19.30.
Haukar eru núverandi Íslands-
meistarar og er því spáð að þeir
munu verja titilinn sinn. Stjörnu-
mönnum var hins vegar spáð
falli. „Það á eftir að koma í ljós
hvar við stöndum nákvæmlega
en við höfum bæði átt góða og
slæma leiki á undirbúningstíma-
bilinu,“ sagði Patrekur Jóhann-
esson, þjálfari Stjörnunnar. „En
það er mjög góður andi í liðinu
enda er leikmannahópurinn að 95
prósenta hluta skipaður Stjörnu-
strákum sem eru með hjartað á
réttum stað. Við mætum alveg
brjálaðir til leiks.“
Aron Kristjánsson, þjálfari
Hauka, líst vel á að mæta Stjörn-
unni. „Við höfum átt í vandræðum
með meiðsli í okkar leikmanna-
hópi á undirbúningstímabilinu og
margir hjá okkur eru nú í nýju
hlutverki, bæði í vörn og sókn.
Fyrstu leikir tímabilsins eru allt-
af erfiðir og ég býst við því að við
þurfum að hafa mikið fyrir sigri
í þessum leik,“ sagði Aron. - esá
N1-deild karla hefst í Garðabænum í kvöld:
Mætum brjálaðir til leiks
> Rafn Andri til Vejle á reynslu
Rafn Andri Haraldsson, leikmaður Þróttar, fer um helgina
til Danmerkur þar sem hann verður til reynslu hjá B-deild-
arliðinu Vejle í eina viku. Samningur Rafns Andra við Þrótt
rennur út um næstu áramót og því verður honum frjálst
að ræða við önnur lið frá og með 15. október næstkom-
andi. „Ég heyrði eitthvað af áhuga Vejle í sumar en það
varð ekkert meira úr því þá. Þeir höfðu svo samband aftur
um daginn,” sagði Rafn Andri í
samtali við Vísi. Rafn Andri hefur
verið orðaður við önnur lið hér
á Íslandi og þá helst Fylki. „Ég
hef ekkert rætt við önnur íslensk
lið og er bara að hugsa um að
standa mig vel hjá Vejle þessa
stundina.”
498.-
Bónus ferskur heill
kjúklingur
BÓNUS HEI LL FERSKUR KJÚKLINGUR 498 KR.KG
FÓTBOLTI Nýkrýndir Íslands- og bik-
armeistarar Vals mæta ítölsku bik-
armeisturunum í Torres í seinni
leik liðanna í Meistaradeild UEFA
kvenna á Vodafonevellinum í dag
en leikurinn hefst kl. 15.30. Vals-
stúlkur töpuðu fyrri leiknum 4-1
í Sassari á Sardiníu og þurfa því
að skora í það minnsta þrjú mörk
til þess að komast áfram í næstu
umferð.
Íslenskar aðstæður
Vodafonevöllurinn var reyndar
þakinn snjó í gær en starfsmenn
Vals og í raun allir sem vettlingi
gátu valdið sáu um að ryðja völl-
inn í gær og gera hann kláran
fyrir leikinn í dag.
Þjálfarinn Freyr Alexandersson
hjá Val er hvergi banginn fyrir
leikinn og kvartar ekki undan
vallaraðstæðum. Þvert á móti er
hann bara nokkuð kátur með snjó-
inn.
„Leikmenn Torres voru að æfa
á vellinum í dag og mér finnst
bara fínt að það hafi snjóað. Ég
er alveg í skýjunum með þetta í
rauninni því þetta eru aðstæður
sem þær ítölsku þola pottþétt verr
en við. Ég vona líka að það verði
kuldi þegar leikurinn fer fram en
ég nenni ekki að lenda í einhverju
roki. Það gagnast nú engum,“
segir Freyr.
Valur þarf að vinna upp forskot-
ið sem Torres hefur eftir 4-1 sigur
í fyrri leiknum og Freyr er sann-
færður um að Valsstúlkur mæti
tilbúnar til leiks. Hann trúir held-
ur ekki öðru en að lið sitt nái að
verjast föstum leikatriðum betur
en í fyrri leiknum en öll mörk Tor-
res komu þá eftir föst leikatriði.
„Stelpurnar eru klárar í leik-
inn og við ætlum okkur klárlega
áfram. Það gefur okkur móralskt
mjög góða strauma að hafa unnið
VISA-bikarinn um helgina og
gefur okkur kraft. Við vitum að
við þurfum að gera mun betur í
föstum leikatriðum gegn Torres
og þær eru með þrjá leikmenn
sem við þurfum að passa sérstak-
lega í aukaspyrnum og hornspyrn-
um. En ég hef engar áhyggjur af
því að við gerum það ekki því við
erum með blóð á tönnunum eftir
fyrri leikinn. Við tókum annars
létta æfingu í gær og stelpurnar
fóru svo í nudd og það er vissu-
lega smá þreyta í mannskapnum
en þær eru allar klárar í slaginn
í þennan leik og þreyta mun ekki
hindra okkur. Við þurfum að gefa
okkur hundrað prósent í þetta
verkefni og þær vita alveg að þær
geta bara verið þreyttar í nokkra
daga eftir leikinn,“ segir Freyr að
lokum. omar@frettabladid.is
Ætlum okkur klárlega áfram
Freyr Alexandersson, þjálfari Vals, er vongóður fyrir seinni leik Vals gegn ít-
alska liðinu Torres í Meistaradeild UEFA kvenna. Valur tapaði fyrri leiknum 4-1.
TEKIÐ TIL HENDINNI Starfsmenn Vals byrjuðu að ryðja Vodafonevöllinn klukkan tíu í
gærmorgun og voru að ljúka verkinu þegar ljósmyndara Fréttablaðsins bar að garði.
Það ætti því allt að vera klárt fyrir leik Vals og Torres í dag. FRÉTTABLAÐIÐ/VALLI