Fréttablaðið - 08.10.2009, Blaðsíða 18

18 8. október 2009 FIMMTUDAGUR
FRÉTTASKÝRING: Þingmál vetrarins
FRÉTTASKÝRING
BJÖRN ÞÓR SIGBJÖRNSSON
bjorn@frettabladid.is
Í vikunni kom út Þróunarskýrsla Sameinuðu þjóðanna, sem gefin er út
árlega. Þetta árið er athyglinni beint að orsökum og áhrifum fólksflutninga
milli landa. Höfundar skýrslunnar hvetja ríki heims til að draga úr hömlum á
innflutningi og auðvelda innflytjendum lífið.
■ Hversu margir flytja?
Talið er að nærri milljarður jarðarbúa hafi tekið sig upp og flutt til annarra
heimkynna. Flestir þeirra flytja reyndar innan heimalands síns, en um 200
milljónir hafa flutt sig til milli landa. Þar af hafa aðeins 70 milljónir, eða rétt
rúmlega þriðjungur, flutt frá landi í þróunarheiminum svonefnda til auðugra
ríkja. Flestir fluttust frá einu þróunarlandi til annars
eða á milli auðugra landa.
■ Hvers vegna flytur fólk?
Mikill meirihluti þeirra 200 milljóna sem
flutt hafa milli landa hefur gert það til
þess að fá tækifæri til betra lífs.
Meira en þrír fjórðu þeirra
flytja til lands þar sem
lífsskilyrði eru skárri en í
heimalandi þeirra. Íbúar
fátækustu landanna eiga
þó erfiðast með að flytja úr
landi. Til dæmis hefur innan við eitt
prósent Afríkumanna flutt til Evrópu.
■ Hver eru áhrifin?
Höfundar skýrslunnar segja að í lang-
flestum tilvikum sé flutningur fólks á milli
landa til góðs, bæði fyrir einstaklingana sem
flytja, landið sem þeir flytja frá og landið
sem þeir flytja til. Þeir segja áhyggjur af því
að innflytjendur taki störf frá heimamönnum
og valdi launalækkunum reistar á veikum
grunni. Sama megi segja um áhyggjur af því
að glæpum fjölgi, kostnaður við félagsþjón-
ustu aukist og upplausn verði í samfélaginu.
FBL-GREINING: FÓLKSFLUTNINGAR MILLI LANDA
Tvöhundruð milljónir
Ríkisstjórnin hyggst
leggja fram 184 mál í
vetur. Bróður parturinn er
lagafrumvörp en einnig er
von á þingsályktunartil-
lögum og skýrslum. Flest
málanna hvíla á herðum
utanþingsráðherranna í
dóms- og mannréttinda-
ráðuneytinu og efnahags-
og viðskiptaráðuneytinu.
Í frumvarpasúpu vetrarins eru,
eins og gengur, bæði stórir bitar
og smáir.
Tólf frumvörp eru boðuð vegna
efnahagshrunsins. Til dæmis á að
breyta lögum um upptöku eigna,
gjaldþrotaskipti og fjárnám, rýmka
heimildir til greiðslu aðlögunar,
greiðslujöfnunar lána og niður-
færslu skulda, breyta lögum um
Íbúðalánasjóð og endurskoða lög
um atvinnuleysistryggingar. Þá
verður ýmsum lögum og reglum
um fjármálafyrirtæki og hluta-
félög breytt með hliðsjón af reynsl-
unni af hruninu.
Nokkur mál er varða lýðræðis-
umbætur eru væntanleg. Má
þar nefna frumvarp um þjóðar-
atkvæðagreiðslur, stjórnlaga-
þing og persónukjör. Einnig á að
breyta lögum um fjármál stjórn-
málasamtaka, setja ráðherrum
og embættis mönnum siðareglur
og rýmka aðgengi almennings að
upplýsingum með breytingum á
upplýsingalögum.
Frumvarp um bótagreiðslur til
þeirra sem sættu illri meðferð eða
ofbeldi á vistheimilum fyrir börn
verður lagt fram í haust og þings-
ályktun um sóknaráætlun fyrir
Ísland fram til 2020.
Fjármálaráðherra boðar fjölda
frumvarpa til breytinga á skatta-
lögum. Ná þau til tekjuskatts,
virðisaukaskatts, vörugjalds og
stimpilgjalda auk ýmissa sér-
tækra skatta. Þá eru boðuð ný lög
um orku-, umhverfis- og auðlinda-
skatta eins og frægt er.
Eitt og annað
Ýmsar kerfisbreytingar verða
gerðar í vetur. Sameina á héraðs-
dómstóla í einn og breyta skipulagi
lögreglu og sýslumannsembætta
og sameina iðnaðarráðuneytið og
sjávarútvegs- og landbúnaðarráðu-
neytið í atvinnuvegaráðuneyti.
Banna á nektardans, leggja
fram framkvæmdaáætlun um
jafnréttismál, setja heildarlög um
heilbrigðisstéttir og endurskoða
lög um slysatryggingar.
Þá á að leggja fram ramma-
áætlun um nýtingu vatnsafls og
jarðvarma, byggðaáætlun, setja
lög um fjölmiðla og heildarlög um
skipulag og verndun menningar-
arfsins.
Og enn skal talið
Margt er á döfinni hjá samgöngu-
og sveitarstjórnarráðuneytinu.
Sameina á þrjár slysarannsókna-
nefndir, endurskoða umferðarlög,
loftferðalög og siglingalög auk
þess að breyta lögum um Siglinga-
stofnun og vita.
Nokkur stór mál á vettvangi
umhverfismála koma fram í
haust. Til dæmis endurskoðun á
tilteknum þáttum skipulagslaga,
laga um mannvirki og laga um
brunavarnir. Þá á að setja lög um
umhverfisábyrgð.
Að auki verða lögð fram fjöl-
mörg frumvörp og þingsályktanir
vegna alþjóðasamstarfs. Er þar til
dæmis um að ræða staðfestingar,
breytingar eða upptöku á sáttmál-
um eða samningum.
bjorn@frettabladid.is
Stórt og smátt úr ranni
ríkisstjórnarinnar í vetur
BROSAÐ Ráðherrarnir ætla að gera eitt og annað í vetur. FRÉTTABLAÐIÐ/VALLI
Í þingmálaskrá ríkisstjórnarinnar
eru ýmis mál sem sýna glögglega
að þrátt fyrir hrunið og afleiðingar
þess gengur lífið sinn vanagang.
Þjóðfáninn og skjaldarmerkið
Breyta á ákvæðum um heimildir
til að nota íslenska fánann í vöru-
merki eða á söluvarning, umbúðir
um eða auglýsingu á vöru eða
þjónustu.
Kirkjugarðar, greftrun og lík-
brennsla
Breyta á ýmsum ákvæðum lag-
anna, meðal annars um útfarir.
Lögbirtingablaðið
Hætta á að gefa blaðið út í prent-
uðu formi.
Þjóðkirkjan
Setja á ný lög þar sem þjóðkirkj-
unni verði sjálfri falið að setja sér
reglur sem nú eru í lögum.
Trúfélög
Breyta á ákvæðum laganna
um sjálfvirka skráningu barna í
trúfélög.
Happdrætti
Koma á í veg fyrir starfsemi happ-
drætta sem ekki hafa fengið leyfi
fyrir starfsemi sinni hérlendis.
Vopn
Endurskoða á vopnalög.
Dánarvottorð og krufningar
Flytja á dánarmeinaskrá frá Hag-
stofu til landlæknis.
Hitaveitur
Setja á heildstæða löggjöf um
starfsemi hitaveitna þar sem meðal
annars verður kveðið á um afhend-
ingargæði.
Hvalir
Setja á lög um að ef hvalveiðar
verða stundaðar við landið verði
það gert á ábyrgan og sjálfbæran
hátt.
Kjöt og mjólk
Setja á lög um markaðssetningu
mjólkur utan greiðslumarks og
heimila kjötframleiðendum að
standa saman að útflutningi þegar
markaðsaðstæður knýja á um slíka
ráðstöfun.
Svín
Heimila á innflutning á frosnu
svínasæði til að auðvelda kynbóta-
starf.
Silungur og lax
Breyta á lagaákvæðum um
atkvæðisrétt í veiðifélögum.
Jarðir
Vernda á núverandi og framtíðar-
landnæði sem til matvælafram-
leiðslu er fallið.
.is
Setja á lög um landslénið .is, þar á
meðal um lénaúthlutanir.
Leigubílar
Heildarendurskoðun á lögum um
leigubifreiðar.
LÍFIÐ GENGUR SINN VANAGANG
Athygli vekur að iðnaðarráð-
herra ætlar að leggja fram
frumvarp til laga um ívilnanir
vegna erlendra fjárfestinga á
Íslandi. Með slíkum almennum
lögum á að hverfa frá sértækum
fjárfestingarsamningum. Liggja
á fyrir hvaða ívilnanir bjóðast en
með því er talið að möguleikar á
erlendri fjárfestingu, fjölbreyttri
og jákvæðri, eins og það er
orðað, aukist. Áður en frumvarp
þessa efnis verður lagt fram ætlar
iðnaðar ráðherra að leggja fram
annað frumvarp. Í því verður ráð-
herranum veitt heimild til að gera
fjárfestingar samning fyrir hönd
ríkisstjórnarinnar við Verne Hold-
ing ehf. um byggingu og rekstur
gagnavers í Reykjanesbæ.
SÉRTÆKIR SAMNINGAR AFLAGÐIR – EFTIR VERNE
Tölvur eru á miklum meirihluta
íslenskra heimila, samkvæmt rann-
sókn Hagstofu Íslands. Alls er til
tölva á 92 prósent heimila, og níu af
hverjum tíu eru tengd netinu.
Bæði tölvu- og netnotkun er mjög
almenn hér á landi, og höfðu 93 pró-
sent landsmanna á aldrinum 16 til
74 ára notað tölvu og netið síðustu
þrjá mánuði áður en rannsóknin
var gerð.
Í fyrsta skipti síðan mæling-
ar hófust árið 2002 fækkar þeim
sem versla á netinu, enda er minna
keypt af farmiðum, gistingu og
annarri ferðatengdri þjónustu en
fyrri ár. - bj
Tölvur eru á miklum
meirihluta heimila
FÆRRI VERSLA Í fyrsta skipti frá árinu
2002 fækkar þeim sem versla á netinu
milli ára. FRÉTTABLAÐIÐ/VALLI