Fréttablaðið - 19.10.2009, Qupperneq 42

26 19. október 2009 MÁNUDAGUR
sport@frettabladid.is

LÉTTIR OG FRÁBÆRIR
KEPPNISHJÁLMAR
F
í
t
o
n
/
S
Í
A
25%
afsláttu
r af eld
ri
M2R h
jálmum
M2R Prodigy cross-hjálmar
HANDBOLTI Ísland vann í gær sigur
á Austurríki, 29-25, í undankeppni
EM 2010 sem haldið verður í Dan-
mörku og Noregi seint á næsta ári.
Sigurinn var nauðsynlegur upp á
möguleika Íslands að gera en lík-
legast er að þessi tvö lið munu
berjast um að fylgja Frakklandi,
sterkasta liði riðilsins, í úrslita-
keppnina.
Ísland spilaði glimrandi vel í
fyrri hálfleik og náði þá níu marka
forystu, 19-10. En liðið náði sér alls
ekki jafnvel á strik í síðari hálf-
leik og gestirnir náðu að minnka
muninn í þrjú mörk þegar tæpar
tíu mínútur voru eftir.
En þá sögðu þær íslensku stopp
og kláruðu leikinn með miklum
sóma.
„Fyrri hálfleikurinn er sá besti
sem liðið hefur spilað undir minni
stjórn,“ sagði landsliðsþjálfarinn
Júlíus Jónasson eftir leik. „Það
var frábær stemning í liðinu og þá
sérstaklega í vörninni. Það var svo
mikil keyrsla í hraðaupphlaupun-
um og við kláruðum okkar sókn-
arútfærslur mjög vel. Þar að auki
fengum við góða markvörslu.“
Hann segir að hann hafi reynt að
koma réttu skilaboðunum áleiðis í
hálfleik. „Við vissum að þetta væri
þar með ekki búið. Og þrátt fyrir
allt fóru mínir leikmenn ekkert að
gefa eftir í hausnum heldur lentu
þær í vandræðum þegar Austur-
ríki fór að verjast mun framar á
vellinum. Í kjölfarið datt okkar
varnarleikur niður og við misstum
þar með okkar hraðaupphlaup sem
var okkar sterkasta vopn.“
Hrafnhildur Skúladóttir átti
stórleik eins og svo margar aðrar
í íslenska landsliðinu. „Það var
bara svo mikið sjokk að fá þessa
framliggjandi vörn á móti okkur,“
sagði hún. „Við höfum alltaf spilað
á móti liðum sem beita 6-0 varnar-
leik og allur okkar undirbúningur
hefur miðast við það. En það kom
ekki til greina að missa leikinn
algerlega úr höndunum.“
Hrafnhildur, Anna Úrsúla Guð-
mundsdóttir og Harpa Sif Eyjólfs-
dóttir voru mjög öflugar í vörninni
sem og Ásta Birna Gunnarsdóttir.
Harpa lét einnig mikið til sín taka í
sókninni en Ísland varð fyrir áfalli
er hún fékk sína þriðju brottvísun
og þar með rautt snemma í síðari
hálfleik.
En íslenska liðið átti marga góða
spretti í sókninni þar sem þær
Hanna G. Stefánsdóttir, Karen
Knútsdóttir, Rut Jónsdóttir auk
þeirra Önnu og Hrafnhildar voru
mjög öflugar. Berglind Íris Hans-
dóttir byrjaði hægt í markinu en
sýndi á köflum glæsileg tilþrif og
varði mörg mikilvæg skot, sérstak-
lega í síðari hálfleik.
Júlíus segir að þrátt fyrir allt
hefði hann viljað nýta sér forskot-
ið sem vannst í fyrri hálfleik og
vinna stærri sigur.
„Það er það eina sem er að trufla
mig nú. Markatalan gæti skipt
miklu máli í lok riðlakeppninnar
og því hefði ég gjarnan vilja vinna
7-8 marka sigur hér,“ sagði Júlíus.
„En það má ekki taka það af stelp-
unum að þær hafa náð frábærum
árangri með sigrinum í dag.“
eirikur@frettabladid.is
Stórmótsvonin lifir enn
Ísland vann í gær góðan fjögurra marka sigur á Austurríki, 29-25, í undan-
keppni EM 2010 í handbolta. Mestu munaði um glæsilegan fyrri hálfleik hjá
íslenska liðinu sem á enn góðan möguleika á að komast á sitt fyrsta stórmót.
SLOPPIN Í GEGN Karen Knútsdóttir í leiknum í gær Hún skoraði alls þrjú mörk í
leiknum. FRÉTTABLAÐIÐ/ANTON
ÍSLAND - AUSTURRÍKI 29-25
Mörk Íslands (skot): Harpa Sif Eyjólfsdóttir 6
(9), Hrafnhildur Skúladóttir 5/1 (8/1), Hanna
G. Stefánsdóttir 5/1 (9/1), Anna Úrsúla Guð-
mundsdóttir 4 (6), Rut Jónsdóttir 3 (3), Karen
Knútsdóttir 3 (7), Ásta Birna Gunnarsdóttir 1
(1), Stella Sigurðardóttir 1 (3), Ágústa Edda
Björnsdóttir 1 (5).
Varin skot: Berglind Hansdóttir 13/1 (37/4,
35%), Íris Björk Símonardóttir 0 (1/1).
Hraðaupphlaup: 10 (Hanna G. 3, Hrafnhildur
2, Anna Úrsúla 2, Karen 1, Harpa Sif 1, Ásta
Birna 1).
Fiskuð víti: 2 (Anna Úrsúla 2).
Utan vallar: 8 mínútur.
Haukar komust um helgina áfram í 3. umferð EHF-bikarkeppni
karla með ótrúlegum og glæsilegum átta marka sigri á pólska
liðinu Wisla Plock, 29-21. Fyrri leik liðanna lauk með tveggja
marka sigri Pólverjanna ytra og Haukar unnu því samanlagðan
sex marka sigur.
En úrslit leiksins gefa engan veginn rétta mynd af
honum. Haukar héldu Pólverjunum í aðeins tíu mörk-
um í fyrstu 45 mínútum leiksins og náðu mest þrettán
marka forystu, 24-11. Það var ekki fyrr en á síðasta
stundarfjórðungnum að gestirnir náðu að laga stöðuna
enda Haukarnir löngu „hættir“.
„Við spiluðum af þeim krafti sem ég býst við af liðinu,“
sagði Aron Kristjánsson, þjálfari Hauka, eftir leik. „Þetta
sýnir að við getum spilað svona vel en því miður virðist
það landlægt á Íslandi að liðum gengur ekki vel í deildinni
á meðan þau eru að taka þátt í Evrópukeppninni,“ bætti
hann við í léttum dúr en Haukarnir hafa verið allt annað
en sannfærandi í fyrstu tveimur leikjum liðsins í N1-deild
karla.
„Ég var ánægður með hversu sterka framliggjandi vörn við
vorum að spila. Birkir varði líka vel í markinu. Svo var það líka
þessi kraftur og áræðni í liðinu í sókninni. Hraðaupphlaupin
voru sterk, þeir Sigurbergur og Björgvin voru frábærir og Freyr
barðist eins og ljón allan leikinn. Gunnar Berg bætti þvílíkri
orku í varnarleikinn og Elías Már og fleiri komu mjög
sterkir inn.“
Það skal þó tekið fram að marga sterka leikmenn
vantaði í lið Wisla, svo sem hinn danska Lars Möller
Madsen. „Vissulega verða þeir fyrir skakkaföllum en
það verður þó ekki tekið af okkur að við spiluðum
vel. Nú erum við komnir áfram í næstu umferð en
við ætlum okkur að taka þessu öllu með ró og spekt.
Við erum fyrst og fremst í Evrópukeppninni til að bæta
okkr sem lið, gefa ungu mönnum reynslu og fá krydd í
tilveruna.“
Mikið hefur verið lagt í lið Wisla Plock og voru þó nokkrir
leikmenn frá Norðurlöndunum keyptir til liðsins og var
danskur þjálfari ráðinn til að ná því besta úr þeim.
HANDKNATTLEIKSLIÐ HAUKA: VANN STÓRGLÆSILEGAN SIGUR Á WISLA PLOCK Í EHF-BIKARKEPPNINNI:
Haukar skutu peningalið frá Póllandi í bólakaf
> Dómarahneyksli í Slóveníu
Framarar voru allt annað en ánægðir með frammstöðu
dómaranna í leik sínum gegn Tatran Presov í Slóveníu
um helgina. Liðin áttust við í 2. umferð EHF-bikarkeppn-
innar og unnu Slóvenar öruggan samanlagðan sigur eftir
risasigur í gær, 38-17. Í umfjöllun um leikinn sem birtist
á heimasíðu Fram í gær var frammistaða
dómaranna sögð afar slæm. Leikmenn
Fram fengu þrjú rauð spjöld í leiknum
og tíu brottvísanir en að sama skapi hafi
leikmönnum slóvenska liðsins lítið verið
refsað fyrir grófa framkomu. „Enginn
maður dæmir svona nema hafa
fengið miklar fúlgur fjár fyrir,“ segir
á heimasíðu Fram.
FORMÚLA 1 Bretinn Jenson Button
varð í gær heimsmeistari í For-
múlu 1-kappakstri er hann varð
í fimmta sæti í brasilíska kapp-
akstrinum. Það dugði honum til
sigurs í stigakeppni ökuþóra þó
svo að einu móti sé ólokið.
Mark Webber sigraði í gær,
Robert Kubica varð annar og
Lewis Hamilton þriðji. Tveir áttu
enn möguleika á að skáka Butt-
on – Sebastian Vettell varð fjórði
en félagi Button hjá Brawn GP,
Rubens Barrichello, áttundi eftir
að hafa lent í vandræðum í blálok
keppninnar.
Button var fjórtándi á ráslínu
og sýndi hvað í honum bjó með
því að vinna sig upp í fimmta
sætið. „Mér fannst það vera svo
sannarlega þess virði að verða
heimsmeistari eftir þessa keppni.
Svona á að gera þetta,“ sagði sig-
urreifur Button.
„Jenson átti þetta skilið en
hann vann þennan titil á fyrri
hluta mótsins. Ég átti seinni
hluta tímabilsins og gaf allt mitt
í þetta. En ég samgleðst Jenson
enda góður vinur og verðugur
meistari,“ sagði Barrichello.
Brawn GP varð meistari bíla-
smíða og því um draumaár að
ræða hjá liðinu á sínu fysta
keppnisári í Formúlunni. - esá
Formúlu 1-mótaröðin:
Button meistari
TITLINUM FAGNAÐ Button í miðjum
fagnaðarlátunum í gær. NORDIC PHOTOS/AFP
KÖRFUBOLTI KR hefur titilvörnina
vel í Iceland Express deild karla í
körfubolta en í gærkvöld vann liðið
nokkuð öruggan 82-73 sigur á ÍR í
DHL höllinni.
KR byrjaði betur og hafði yfir
19-12 eftir fyrsta leikhluta og 35-
31 í hálfleik. ÍR byrjaði betur í
þriðja leikhlutanum og náði að
komast yfir á kafla en KR-ingar
tóku góða rispu í lok leikhlutans
sem liðið lét aldrei af hendi í þeim
fjórða. Lokatölur 82-73.
Sóknarleikur beggja liða var
lengstum frekar stirður en mun-
urinn lá fyrst og fremst í fráköst-
unum þar sem KR hirti sextán
sóknarfráköst gegn aðeins fjórum
hjá ÍR. „Vörnin kláraði þetta hjá
okkur. Við höfum engar áhyggj-
ur af sókninni – hún kemur,“ sagði
Fannar Ólafsson, fyrirliði KR.
Fannar Ólafsson, Brynjar
Björnsson, Semaj Inge og Finnur
Magnússon áttu ágætan leik hjá
KR en Tommy Johnson var langt
frá sínu besta. Nemanja Sovic
var atkvæðamestur hjá ÍR sem
hefur tapað tveimur fyrstu leikj-
um sínum í deildinni. Sveinbjörn
Claessen meiddist á hné í lok leiks-
ins og var borinn af velli. - bb
KR taplaust eftir fyrstu tvær umferðirnar í körfunni:
Fráköstin skópu sigurinn
EHF-bikarkeppnin
Haukar - Wisla Plock 29-21
Mörk Hauka (skot): Sigurbergur Sveinsson 8/3
(11/3), Björgvin Hólmgeirsson 7 (14), Elías Már
Halldórsson 5 (8), Freyr Brynjarsson 3 (5), Tjörvi
Þorgeirsson 2 (2), Guðmundur Árni Ólafsson
2 (6), Gunnar Berg Viktorsson 1 (1), Stefán
Sigurmannsson 1 (2), Heimir Óli Heimisson (1),
Pétur Pálsson (2).
Varin skot: Birkir Ívar Guðmundsson 11 (22,
50%), Aron Rafn Edvardsson 1 (11/2, 9%).
Hraðaupphlaup: 6 (Elías Már 2, Freyr 1, Sigur-
bergur 1, Gunnar Berg 1, Guðmundur Árni 1).
Fiskuð víti: 3 (Pétur 1, Freyr 1, Elías Már 1).
Utan vallar: 10 mínútur.
Haukar unnu samanlagt, 57-51
Tatran Presov - Fram 38-17
Mörk Fram: Haraldur Þorvarðarson 5, Andri
Berg Haraldsson 3, Stefán Baldvin Stefánsson 2,
Halldór Jóhann Sigfússon 2, Björn Guðmundsson
2, Magnús Stefánsson 2, Einar Rafn Eiðsson 1.
Fram - Tatran Presov 23-27
Mörk Fram: Einar Rafn Eiðsson 8, Andri Berg
Haraldssson 5, Halldór Jóhann Sigfússon 3,
Stefán Baldvin Stefánsson 2, Magnús Stefánsson
2, Arnar Birkir Hálfdánarson 1.
Tatran Presov vann samanlagt, 65-40
Iceland Express deild karla
Hamar - FSu 111-74
Stig Hamars: Marvin Valdimarsson 51, Svavar
Pálsson 18, Andre Dabney 9, Oddur Ólafsson 8,
Hjalti Þorsteinsson 7, Bjarni Lárusson 6, Ragnar
Nathanaelsson 4, Viðar Örn Hafsteinsson 3, Páll
Helgason 3, Stefán Halldórsson 2.
Stig FSu: Christopher Caird 24, Ari Gylfason 15,
Dominic Baker 11, Alexander Stewart 9, Jake
Wyatt 7, Hilmar Guðjónsson 3, Sæmundur Valdi-
marsson 3, Orri Jónsson 2.
Njarðvík - Tindastóll 108-81
Stig Njarðvíkur: Jóhann Árni Ólafsson 36, Páll
Kristinsson 15, Kristján Sigurðsson 11, Hjörtur
Hrafn Einarsson 11, Rúnar Ingi Erlingsson 9,
Magnús Þór Gunnarsson 9, Friðrik Stefánsson 6,
Elías Kristjánsson 5, Grétar Garðarsson 3, Friðrik
Óskarsson 3.
Stig Tindastóls: Svavar Atli Birgisson 19, Michael
Giovacchini 16, Friðrik Hreinsson 13, Axel
Kárason 11, Helgi Rafn Viggósson 7, Einar Bjarni
Einarsson 5, Halldór Halldórsson 3, Helgi Freyr
Margeirsson 3, Pálmi Geir Jónsson 2, Sveinbjörn
Skúlason 2.
KR - ÍR 82-73
Stig KR: Semaj Inge 19, Fannar Ólafsson 17,
Brynjar Björnsson 16, Finnur Magnússon 14,
Tommy Johnson 8, Skarphéðinn Ingason 5, Darri
Hilmarsson 3
Stig ÍR: Nemanja Sovic 21, Steinar Arason 14,
Sveinbjörn Claessen 13, Vilhjálmur Steinarsson 9,
Hreggviður Magnússon 8, Gunnlaugur Elsuson 4,
Kristinn Jónasson 4.
Iceland Express d. kvenna
KR - Haukar 67-55
Keflavík - Grindavík 54-67
Enska úrvalsdeildin
Blackburn - Burnley 3-2
0-1 Robbie Blake (4.), 1-1 David Dunn (8.), 2-1
Franco Di Santo (20.), 3-1 Pascal Chimbonda
(42.), 3-2 Chris Eagles (91.).
Wigan - Manchester City 1-1
1-0 Charles N‘Zogbia (45.), 1-0 Charles N‘Zogbia
(45.), 1-1 Martin Petrov (46.)
Arsenal - Birmingham 3-1
1-0 Robin van Persie (15.), 2-0 Abou Diaby (17.),
2-1 Lee Bowyer (37.), 3-1 Andrei Arshavin (84.).
Aston Villa - Chelsea 2-1
0-1 Didier Drogba (14.), 0-1 Didier Drogba (14.),
1-1 Richard Dunne (31.), 2-1 James Collins (51.).
Everton - Wolves 1-1
0-1 Kevin Doyle (75.), 1-1 Diniyar Bilyaletdinov
(87.).
Manchester United - Bolton 2-1
2-0 Antonio Valencia (32.), 2-1 Matthew Taylor
(74.).
Portsmouth - Tottenham 1-2
0-1 Ledley King (28.), 0-2 Jermain Defoe (44.),
1-2 Kevin Boateng (58.).
Stoke - West Ham 2-1
1-0 James Beattie (10.), 2-1 James Beattie (69.).
Sunderland - Liverpool 1-0
1-0 Darren Bent (4.)
ÚRSLIT
SEMAJ INGE Skoraði nítján stig fyrir KR í
gær. FRÉTTABLAÐIÐ/ANTON