Ljósberinn - 06.05.1933, Blaðsíða 4

108
LJÖSBERINN
í dag. Betri fylgd getið þið ekki fengið.
Fylgið honum á meðan þið eruð börn;
fylgið honum, er þið farið að þroskast:
já, fylgið honum alla æfi. Þá fáið þið
að lokum að fylgja honum inn um
perluhliðið, þar sem allir fylgjendur
hans safnast saman.
Hjálpaðu okkur til þess, Drottinn
Jesús! Amen.
Á. Jóh.
------------
Kvöldljóð.
Nú hvilir yfir hauðri ró,
nú hnígur sólin í æginn,
og smáfugl sofnar sæll í ró
í sveitinni kringum badnn.
Sem ungar fugla hreiðri hjá
er hópur ástvina fríður.
En sá, sem vininn engan á,
er einn, er að nóttu líður.
Senn hylur nóttin himininn
með húmblæju stirndri sinni.
Þá lítur munaðarleysinginn
til Ijósanna í upphæðinni.
Og gegnum himinblæju blá
f)á björt á hann augu Guðs stara —
hann horfir svo ástblítt himni frá
í heiðfögrum stjörnuskara.
Því barninu, sem á engan að,
sinn engil faðirinn sendir;
um hljóða nótt hann huggar það
'í hæðirnar til sín bendir.
Og engillinn svífur um það þá,
er annað sefur, sem lifir.
Sem vaki Guðs englar vöggu hjá,
svo vakir hann heimi yfir.
B. J.
€
Blessun frelsarans.
Texti: Mark. 10, 13.—16.
Minnisvers:
Af munni barna og brjóstmylkinga
hefir þú tilbúið þér lof (Matt. 21, 16.).
Jesús elskar þig, barnið mitt. Hann
blessaði þig þegar þú varst borin til
hans á skírnarstund þinni. Hefur þú
hugsað um, hve dýrmætt það er að eiga
kærleika Jesú og blessun hans? Það er
perlan, sem þér var gefin á morgni lífs
þíns, fjársjóðurinn, sem þú mátt ekki
glata. Þar er uppspretta þeirrar gæfu,
sem er eilíf.
Jesús tók forðum börnin sér í fang og
blessaði þau og ávítaði þá, sem í fá-
vizku sinni reyndu að hindra þau í því
að komast til hans. Og enn í dag er
kærleiksfaðmur hans opinn og hann
þráir að mega geyma þig þar alla
bernskudaga þína, já ávalt og æfinlega.
Þú kant þessi vers:
ó, Jesú bróðir bezti
og barnavinur mesti,
æ breið þú blessun þína
á barnæskuna mína.
Mér gott barn gef að vera
og góðan ávöxt bera
og forðast alt hið illa,
svo ei mér nái að spilla.
Þannig ættir þú að tala við Jesú á
hverjum degi og biðja hann. Mundu að
hann er vinur þinn og vill stöðugt sam-
félag við þig.
Láttu það vera ósk þína og daglega
bæn að blessunin, sem Jesús hefir gefið
þér og alt, sem hann lagði í sölurnar
fyrir þig, þegar hann kom hingað til
jarðarinnar, til þess að líða og deyja
á krossinum, beri mikinn ávvöxt hjá
þér. Y.