Nýtt kirkjublað - 15.04.1908, Blaðsíða 4
76
NÝTT KTRKJTJBLAB
Hann getur það á sama hátt og höfuðprestar Gyðing-
anna forðum daga, sem vildu vera vinir guðs en voru and-
stæðingar hans. Hann getur orðið það ef hann gleymir því,
eða hefir ekki öðlast skilning á því, sem er aðalatriðið í trúar-
brögðunum, í kristindóminum, í allri sannri guðrækni.
Þetla aðalatriði er Jcœrleikurinn, — kærleikurinn til
guðs og manna.
Öll guðrækni og ytri guðsdýrkun, öll ytri hlýðni yið
boðorð og lagasetninga er einskisvirði, ef kærleikann vantar.
Þetta skyldi Páll postuli — og þetta þurfum vér öll að skilja.
Heyrum hvað postulinn segir: „Þótt eg talaði tungum manna
og engla, en hefði ekki kærleika, yrði eg hljómandi málm-
ur eða hvellandi bjalla. Og þótt eg hefði spádómsgáfu og
vissi alla leyndardóma og ætti alla þekkinguna, og þótt eg
hefði alla trúna, svo að færa mætti fjöll úr stað, en hefði
ekki kærleika, væri eg ekki neitt. Og þótt eg deildi út öllum
eigum mínum, og þótt eg framseldi líkama minn, til þess að
eg yrði brendur, en hefði ekki kærleika, væri það mér gagns-
Iaust“. (1. Kor. 13, 1—3).
Kœrleikurinn er alt í kristindóminum — þess vegna er
hann réttnefndur kærleikans átrúnaður. Hann er ekki, eins
og ég nýlega heyrði haldið fram, aðeins brot af sannleikanu'm,
sem því margir skeri sig á, — heldur er hann þar alt. Án
kærleikans verður kristindómur vor aldrei að eilífu sannur
kristindómur, og án hans fáum vér aldrei öðlast skilning á
Jesú, lífi hans og starfi.
Jesús Kristur og trúarbrögð hans eiga ekki og hafa
aldrei átt neina andstæðinga skæðari en kærleikslausa trú-
rækni, eða trúrækni án kærleika.
Kær.eikslausir trúmenn hafa á öllum tímum verið valdir
að þvi, að Jesús Kristur var framseldur svo að hann yrði
krossfestur. Svo var það á Gyðingalandi forðum. Svo er
það enn i dag.
Guð varðveiti oss frá að lenda í hóp slíkra mánua.
J. H.