Vikan - 28.02.1952, Blaðsíða 1

Ketill Jensson söngvari
UNDANFARNAR vikur hefur ungur
söngvari, Ketill Jensson, nýkominn
úr Italíu-reisu, vakið mikla athygli hér
í bæ fyrír söng sinn. Þegar þetta er rit-
að (15. feb.) hefur hann haldið fjórar
söngskemmtanir við húsfylli í Gamia
bíó og hlotið mikið lof söngvísra
manna.. Þorsteinn Valdimarsson segir í
Þjóðviljanum: „Skipt hefur um rödd
hans á þessum skamma tíma, svo að
hún er nú ein hin fegursta sinnar teg-
undar — hár tenór og töfrabjartur í
mýkt sinni og fyllingu . . .“
Ketill er fæddur í Reykjavík 1926.
Foreldrar1 hans eru Sigríður Ólafsdóttir
ættuð utan af Álftanesi, og Jens Hall-
grímsson sjómaður, runninn upp í
Keflavík. Hann dvaldist hér í borg á
vaxtarárum og fór síðan á sjóinn, var
háseti á ýmsum togurum um þriggja
ára skeið og því næst nokkurn tíma á
Fjallfossi í siglingnm milli landa. Sjó-
mennsku lagði hann niður 1947 og tók
þá að stunda landvinnu svo sem til
féllst, en sótti jafnframt söngnám hjá
Pétri Jónssyni söngvara. Þóttu þegar
sýnir með honum sönghæfileikar mikl-
ir og m. a. söng Ketill á þessum árum
með Karlakór Reykjavíkur.
I ársbyrjun 1949 hyggst hann svo
halda út til ítalíu. Það var túrinn, þeg-
ar Súðinni hlekktist á suður af Vest-
mannaeyjum og varð að snúa við. Má
vera þar með hafi sannast gamalla
manna mál, að fall sér fararheill. Út
lagði Súðin aftur, og Ketill komst heilu
og höldnu til Genúa. Þaðan hélt hann
þegar í stað til Mílanóar og hefur æ síð-
an stundað söngnám hjá Angelo Alberg-
oni, sem er mikilsmetinn söngkennari
og hljómsveitarstjóri þar í borg.
Aðspurður kvað Ketill ekki ýkja gam-
an í Mílanó, því að varla væri maður
fyrr kominn út, áður en maður færi að
hlakka til að komast heim aftur. Og
heima er bezt, sagði Ketill. Hann var fá-
orður um framtíðina, en taldi þó líklegt
hann brygði sér út aftur með vorinu til
frekara náms. Munu heillaóskir allra,
sem heyrt hafa hann syngja, fylgja hon-
um aftur út yfir pollinn.
Ketill bað flytja þakkir sínar til Fritz
Weisshappels, Egils Bjamasonar og
annarra, sem veitt hafa honum ómetan-
legan stuðning og miklar örvanir á
liðnum árum.