Vikan - 05.06.1952, Page 7
VIKAN, nr. 22, 1952
7
Heimsókn dönsku leikaranna
Snilldarleikur í hvívetna
Laugardaginn 24. maí frumsýndi danskur leikflokkur Lukku-
legt skipbrot eftir danska leikritaskáldið Ludvig Holberg í Þjóð-
leikhúsinu. Með í förinni hingað var H. A. Brönsted leikhússtjóri
og kona hans. Leikstjóri var Holger Gabrielsen.
Holberg er með vinsælustu leikritahöfundum Daná og mörg
leikrit hans hafa verið sýnd hér á landi, m. a. hefur Lukkulegt
skipbrot verið tvíþýtt á íslenzku þó ekki hafi það nema einu
sinni verið leikið hér: í Stykkishólmi 1879 og nefndist þá Skip-
brotið heppilega. Leikrit þetta er bráðskemmtilegt, meinfynd-
ið og háðskt þó oddurinn sé brotinn af sumri ádeilunni. Það er
valinn maður í hverju rúmi svo hvergi slaknar og sviðskiptingar
hraðar. Þarna leika líka margir af beztu leikurum Dana og marg-
ir þeirra kimnir úr kvikmyndum þó engir hafi sézt hér fyrr á
sviði nema snillingurinn Poul Reumert sem leikur Rosiflengius,
Manden som roser i Fleng. En engin nauðsyn er að nefna neinn
sérstakan því sérhver leikur öðrum betur og þó allir jafnvel.
Smáhlutverkin eru dregin í skýrum og minnisstæðum dráttum,
og t. d. má nefna Lucretiu, lauslætisdrós, sem leikin er af Ellen
Gottschalch. Af öðrum leikurum má nefna: Johannes Mejer,
Poul Reichardt, Lily Brobcrg, William Rosenberg, Elith Foss,
Maria Garland, Astrid Villaume, Jörgen Reenberg. Alls eru leik-
endur 21.
Ekki er efunarmál að bæði íslenzkir leikarar og áhorfendur
geta margt af þessum ágætu gestum lært.
Poul Reichardt leikur æringjann Hinrik, en Lily Broberg leikur Pernille.
Þau hafa bæði leikið í mörgum kvikmyndum.
Poul Reumert leikur Rosiflengius, krypplinginn sem lofar fólk (og
jafnvel hunda ef vel er borgað) í ljóði fyrir peninga. Leikur hans er
allur með miklum snilldarbrag, hreyfingar og allt látbragð í furðulegu
samræmi við hinn lemstraða líkama. Reumert steig fyrst á svið 1902
í ensku gamanleikriti sem nefndist ,,Da vi var en og tyve“. Þá var hann
nítján ára og síðan hefur hann leikið óslitið bæði á leiksviði og kvik-
myndum, bæði í heimalandi sínu og erlendis, í París, Osló, Stokkhólmi,
Helsingfors, Þórshöfn. Rosiflengius er með kunnustu hlutverkum hans,
én auk þess má nefna Tartuffe í leikritinu Tartuffe eftir Moliere, Vol-
pone í leikritinu Volpone eftir Ben Jonson. Kvikmyndir, sem hann hefur
leikið í eru einnig fjölmargar orðnar, t d. Det brændende Spörgsmaal,
Otte Akkorder, For Frihed og Ret, en allar þessar myndir hafa verið
sýndar hér. Til Islands kom hann fyrst 1929, og allir muna síðustu leik-
komu hans hingað, þegar hann lék í Refunum og Dauðadansinum, ásamt
konu sinni önnu Borg og danska leikaranum Mogens Wieth. Hann er
því kunnur hérlendis bæði fyrir leiksnilli sína og vinsemd i garð Is-
lendinga.
Tvær óðamála systur: Karen Berg og Inga Schultz.