Vikan - 15.07.1954, Blaðsíða 10

HEIMILIÐ
RITSTJÖRI: ELÍN PÁLMADÓTTIR
Að feröast með barn
með að hreyfa sig og leíka sér í flug-
vélum, en þau sofa aftur á móti yfir-
leitt ákaflega vel.
I2g hef ekkert sérstakt á móti skip-
um. Það er dásamlegt að ferðast á
þeim með stálpuð börn, en ef þau eru
1—4 ára gömul, þá er eins gott að
hafa gát á þeim. Það getur verið að
þau fáist til að sofa á meðan maður
borðar og að þau klifri ekki upp í
bjö'rgunarbátinn, en það er öruggast
að hvíla sig vel, áður en lagt er af
stað í ferðalag á skipi.
Þ®R eru margar húsmæðurnar, sem aldrei geta farið í
sumarfrí „vegna barnanna“. En þær hefðu kannske gam-
an af því að lesa nokkur heilræði konu, sem hefur ferðast
mikið og aldrei án þess að hafa yngra barn en þriggja ára
með í förinni. Hún segir:
Ég hef lagt upp i ferðalag um
Krakkland þvert og endilangt með
hálfs mánaða gamalt barn og um
Spán með þriggja mánaða gamalt
barn. Við höfum ferðast með bílveik
börn í bílum, hrædd börn í flugvélum
og athafnasöm börn á skipum. Þrátt
fyrir góða viðleitni hef ég gert ótal
axarsköft.
En allir þessir smáerfiðleikar
hafa samt sannfært mig um,
að það er vel hægt að
ferðast með bórn, án mikillar
fyrirhafnar, það er að segja ef ekki
er litið á þau sem aukafarangur, en
allt ferðalagið miðað við þau og
skipulagt fyrst og fremst með tilliti
til þeirra. Þetta eru engar ýkjur, því
ef barninu iíður vel á ferðalaginu, þá
eru líka allir aðrir ánægðir. Ef það
er aftur á móti úrillt og rellið, þá er
ferðin eyðilögð fyrir hinum.
En hvernig á þá að hafa barnið á-
nægt? Til þess þarf tvennt, sem að
vísu er dálítið erfitt að tryggja á
ferðalagi, en það er hvíld og viðfangs-
efni. Þetta tvennt þarf barnið alltaf
að hafa á víxl.
Hvíldin gengur fyrir öllu. Ferðin
verður ánægjuleg ef barnið getur sof-
ið rólega og fyrir þvi ætti fyrst og
fremst að hugsa. Þið hugsið kannski
með sjálfum ykkur, að þreytt barn
sofi hvar sem er, en það er ekki alveg
rétt; það sefur t. d. ekki mjög vel
í fanginu á móður sinni, eða sitjandi
í kjöltu hennar. Hún þreytist líka á
því að geta ekki hreyft sig og þegar
Jromið er á áfangastað eru bæði orðin
úrvinda af þreytu og ergileg. Það er
því lang heppilegast að barnið ferðist
með rúmið sitt með sér.
Barnarúm í bílnum.
Ef ferðast er í bíl, er bezta lausn-
in að útbúa í aftursætinu reglu-
legt rúm með sængurfötum og helzt,
ef hægt er að koma þvi við, sængur-
fötunum, er barnið er vant að sofa við.
Þar getur barnið sofið eins og það er
vant, meira að segja í náttfötum og
með bangsann sinn, ef ferðin er löng.
Það fer sjaldan vel um tvö börn í
aftursætinu, þegarr þau eiga að fara
að sofa. Þau snerta hvort annað og
fara að lokum að slást. En það er
oftast hægt að búa um annað þeirra
milli sætanna, á lítilli vindsæng, efþað
er nauðsynlegt.
Ungbörn er auðvitað bezt að hafa
x kassa með hönkum á, svo hægt sé
að bera þau sofandi út úr bílnuim. •—
Hann getur staðið í aftursætinu, en
til frekara öryggis, er bezt að krækja
honum aftan á framsætið. Slíkar
vöggur fást nú úr plastefni, en þær
eru dýrar. Það er líka vel hægt að
búa þær til sjálfur. Ein vinkona mín,
sem þurfti að ferðast með 13 mánaða
gamlan son sinn, bjó til nokkurs kon-
ar kassa, sem náði yfir aftursætið í
bílnum hennar og bilið að framsætinu,
þegar hún lagði hliðarnar í honum
niður. Hún saumaði plastefni utan
um kassann og þegar búið er að festa
hliðarnar aftur upp með krókum,
þá er þetta fyrirtaks rúm. Á daginn
er töskunum komið fyrir milli sæt-
anna, hliðarnar í rúminu lagðar nið-
ur og þannig myndast rúmgóð „leik-
grind“ fyrir drenginn. Þannig getur
hann sofið, leikið sér og verið ánægð-
ur í aftursætinu.
Laghentur pabbi getur þannig sleg-
ið tvær flugur í einu höggi og séð
barni sinu fyrir náttstað og leik-
grind. Barn, sem ekki kann að lesa,
getur ekki og á ekki að vera kyrrt
lengi. Sé það þvingað til þess, þá end-
ar það fyrr eða síðar með óþægð.
Leikföng og hreyfing.
Reynið svo að sjá um að barnið
fái að hreyfa sig og leika sér.
I bíl er ekkert auðveldara. Ef stanzað
er í fimm mín. af hverjum Itlukku-
tíma, og barninu leyft að hlaupa um
og hafa hátt, þá er nokkurn veginn
hægt að hafa hemil á því i bílnum. Sé
hægt að koma barninu þannig fyrir
að það sjái út, þá er það mikils virði.
1 Ameriku fást nú barnasæti, sem
hægt er að krækja á bakið á bílsæt-
inu og sum eru meira að segja þann-
ig útbúin, að barnið getur látizt vera
að aka bilnum sjálft.
Þó ferðin sé löng, þá er eklu nauð-
synlegt að hafa uppáhalds bangsann
með. Eitt leikfang nægir hvort sem
er sjaldan til að skemmta barninu í
marga klukkutíma. Það er betra að
hafa nokkur fyrirferðalítil leikföng
(það má vera blýantur, spil, blað-
snepill, myndabók eða eitthvað þess-
háttar). Bezt er að þau séu ný. Síðan
fær maður barninu þau, eitt í einu,
til að halda áhuga þess vakandi.
Máltíðirnar eru auðveldar viðfangs.
Það er hægt að hafa hitabrúsa með
mjólk, ávexti og smurt brauð í tösku,
án þess að hafa mikið fyrir því. En
munið að á ferðalögum biðja börn
oftar um að drekka en að borða.
Handþurrka er ómissandi eða öllu
heldur pakki af andlitsservéttum úr
pappír. Þær koma í staðinn fyrir
munnþurrkur, vasaklúta, þvottapoka,
umbúðir og fjölmargt annað. Þær
þurfa að vera við hendina í handtösk-
unni, ásamt leikföngunum og matn-
um. Það er ákaflega þægilegt að búa
til poka eða vasa úr lérefti til að
geyma i og hengja hann aftan á
framsætið.
Undir venjulegum kringumstæðum
nægir það, sem hér hefur verið talið,
þó börn séu með í ferðinni. En það
er ekki sjaldgæft að börn þurfi ein-
hvers sérstaks við.
Bílveik. börn þurfa t. d. að fá eins
mikið hreint loft og hægt er, og það
þarf að stanza helmingi oftar þeirra
vegna (munið að það er betra að
fyrirbyggja en lækna bílveiki). Ef
barnið er bílveikt, má alls ekki reykja
í bilnum. Annars er hægt að fá meðul
gegn bílveiki.
Vanaföst böm. Það er ákaflega al-
gegnt að 1—3ja ára börn séu vana-
föst og þá verður að taka koppinn
þeirra með. Munið, að í flugvélum er
hávaðinn frá vélinni oftast meiri
frammi í snyrtiklefunum, og það
hræðir börnin oft frá að setjast á
klósettið.
En þrátt fyrir þennan smágalla, þá
er lang auðveldast að ferðast með
börn í flugvél. Það þarf svo lítið að
háfa gát á þeim. Börn eiga érfitt
Salatuppskriftir
AGÚRKUSALAT
1 agúrka, salt, % dl. edik, % dl.
vatn, 35 gr. sykur, 1 tsk. hvítur
pipar.
Agúrkan er flysjuð og skorin í
mjög þunnar sneiðar. Sneiðarnar eru
lagðar á flatan disk og salti stráð
yfir þær. Síðan er lögurinn pressað-
ur úr agúrkusneiðunum og látinn
standa í 1 klukkústund. Þá eru sneið-
arnar þurrkaðar með hreinum klút,
án þess að þær brotni, því næst er
edikinu og kryddinu hellt yfir þær
og þær síðan látnar standa i nokk-
urn tíma.
GULRÖTARSALAT
500 gr. gulrætur (eða gulrófur),
25 gr. hveiti, 25 gr. smjör, 2% 1.
jurta- eða kjötseyði, 2 eggjarauður,
2 msk. matarolía, % tsk. smátt skor-
m pétursselja, 1 tsk. sykur, salt.
Gulrófurnar eru þvegnar og skafn-
ar, síðan skornar í smáa, ferhyrnda
bita og látnar í sjóðandi saltvatn,
soðnar unz þær eru meyrar. Hveitið
jafnað með jurtaseiðinu og smjörið
látið saman við. Eggjarauðurnar eru
hrærðar og jafnað í sósuna. Þegar
sósan er orðin köld er kryddið látið
í hana og sítrónusafa, matarolíu,
pétursselju og gulrótum blandað
vandlega saman við.
Að veSja sundbolinn
Á myndinni eru þrír sundbolir, sem allir eru fallegir og
samkvæmt nýjustu tízku. En hver þeirra um sig er gerður til
að fela einhver vaxtalýti. Fyrsti bolurinn hefur fellingar úr
vatnsþéttri, stífri blúndu að ofan og er því hentugur fyrir
þær brjóstalitlu. Bogalínur yfir brjóstin láta þau sýnast
stærri. Pilsið á næsta sundbol dregur athyglina frá miklum
mjöðmum og er líka hentugt fyrir þær, sem finnst þær vera
of læramiklar. En þriðji sundbolurinn, sem er í ,,sarong“-
stíl, á að fela eða gera minna úr miklum barmi.
10