Vikan - 23.06.1960, Qupperneq 3

Meiri másik fyvir tnugflbilnðAr stútungskerlivgor
„á maður svo að borga böðlinum fyrir hýðingunau
spyr „músikalskuru
ir löngu, og er hinn fróðlegasti, einkum varð-
andi kaup á notuðum bílum. Verð hans veit
ég ekki, en hann mun fást í skrifstofu nefndra
samtaka.
MUN HENNI ÞÁ EKKI VINA VANT.
Vikan, Reykjavik.
Um leið og ég sendi getraunaseðlana úr Kaup-
mannahafnarkeppninni, vil ég nota tækifærið
og þakka Vikunni margar ánægjustundir að
undanförnu. Ég hef keypt Vikuna í allmörg ár,
yfirleitt likað hún vel, en mjög hefur hún auk-
ist að fjölbreytni á síðastliðnu ári og mun nú
vera með læsilegri blöðum iandsins.
Ég sakna þáttana „í aldarspegli“, sem margir
voru prýðisgóðir, og vona ég að þeir verði aft-
ur uppteknir við fyrstu hentugleika.
Vona ég svo að Vikan haldi áfram á þessari
braut, og fari batnandi með ári hverju. Mun
henni þá ekki vina vant.
Með kveðju.
Árni M. Jónsson,
Skógargötu 17B, Sauðárkróki.
Vikan þakkar góðar kveðjur og óskir. Hvað
„Aldarspeglinum" við kemur, þá verður hann
að staðaldri í blaðinu en með nokkru lengra
millibili. Sönnunin er nefnilega sú, að enda
þótt úr sé að moða nægu mannvali til að
skrifa um, gegnir öðru máli um mannval til
að skrifa þá. Það er ekki á allra færi að
skrifa slíka pistla og tekur sinn tíma.
TAUGAR OG SUMARLEYFI.
Kæra Vika.
„Lokað vegna sumarleyfa ... lokað vegna
sumarleyfa næstu þrjár vikur ...“ Hvernig er
það — er ekki hægt að skipuleggja þetta þannig,
að enginn þurfi neins við, hvorki að drekka, eta,
klæðast né yfirleitt að vera með lífsmarki frá
því í byrjun júlimánaðar fram á verzlunar-
mannahátið. Þeir, sem keppast við að græða
á okkur aðra ellefu mánuði ársins virðast að
minnsta kosti gera ráð fyrir, að við getum legið
í dái yfir júlímánuðinn.
í alvöru talað, þá er þetta vandræðafyrirkomu-
lag, sem kemur sér ákaflega illa fyrir fjölda
fólks. Mér finnst að stofnanir og fyrirtæki ættu
að reyna að veita einhverja lágmarksþjónustu
þennan mánuð —• eða eru þeir, sem þjónust-
unnar eiga að njóta algerlega réttlausir? Hvern-
ig væri að neytendafélögin tækju málið í sínar
liendur, það virðist á þeirra vettvangi, og það
yrði áreiðanlega vel þegið — af neytendum.
Virðingarfyllst.
Óánægður.
Laukrétt, þetta mál er einmitt á vettvangi
neytendasamtakanna. Ég veit það af reynslu,
að þessi samstillta sumarleyfislokun ýmissa
stofnana gerir mörgum örðugt fyrir, til dæm-
is fólki utan af landi, sem hér er á ferð og
þarf að njóta ýmissar fyrirgreiðslu í sam-
bandi við atvinnurekstur sinn. Það virðist
satt að segja lítið vit, að láta starfsemi fyrir-
tækja og stofnana leggjast með öllu niður f
allt að því heilan mánuð á ári hverju.
TILLAGA UM ÚTVARPSÞÁTT.
Kæra Vika.
Á hverjum vetri eru allskonar hljómplötur
kynntar á vegum útvarpsins í ýmsum þáttum,
eftir því sem við á og ekkert nema gott við því
að segja. En hvers vegna eru ekki kynntar þar
erlendar bækur, svo neinu nemi. Mér finnst
það ekki síður áríðandi en hljómplötukynning-
in. Það mætti hafa tvo slíka þætti — annan
fyrir „þyngri“ bókmenntir og hinn fyrir „létt-
ari“ eða með svipaðri tilhögun og hljómplötu-
þættina — þar sem sagt væri frá nýjum bók-
um, höfundum og öðru, sem þvi efni viðkemur.
Enda þótt starfsemi útvarpsins virðist, beinlín-
is og óbeinlinis, miða mjög að þvi að
gera fólk ólæst og hugsunarlaust, sakaði ekki
þótt það dulbyggði þann tilgang dálitið á með-
an enn er eitthvað af læsu og hugsandi fólki i
landinu.
Virðingarfyllst.
H. Sigurðsson.
Tillögunni er hér með komið á framfæri. Ég
er ekki bréfritara fyllilega sammála um að
þetta sé tilgangur útvarpsins, enda þótt út-
varpsstarfsemi hljóti óbeinlínis að leiða til
þess, að margir hlustenda lesi minna, en fólk
gerði almennt áður en hún hófst. Og það
má menntast fyrir fleira en lestur ein-
göngu ...