Fréttablaðið - 30.11.2009, Blaðsíða 8

8 30. nóvember 2009 MÁNUDAGUR
Rúðuþurrkur
NeoForm. Ný þurrkublöð frá Trico
NÝ ÚTGÁFA af rúðuþurrkum frá
D
Y
N
A
M
O
R
E
Y
K
JA
V
ÍK
Bræðraborgarstíg 9
Hetjudáðir
hinna snauðu
„Heillandi bók.“
Kolbeinn Óttarsson Proppé,
Fréttablaðinu
„Lætur vart nokkurn, sem
hana les, ósnortinn.“
Ólafur Arnarson,
Pressan.is
D
Y
1 Hver var kjörinn oddviti
Framsóknarflokksins í Reykja-
vík um helgina?
2 Hvað heitir nýútkomin
skáldsaga Steinunnar Sigurð-
ardóttur?
3 Söngkonan Kylie Minogue
mun klæðast íslenskum skóm
og fylgihlutum á næsta ári.
Hvað heitir hönnuðurinn?
SVÖRIN ERU Á SÍÐU 30
SVEITARFÉLÖG Heimili sem þáðu
fjárhagsaðstoð frá félagsþjón-
ustu sveitarfélaganna voru um
17,5 prósentum fleiri árið 2008 en
árið á undan. Þetta kemur fram á
vef Hagstofu Íslands.
Alls þáðu 5.029 heimili fjár-
hagsaðstoð í fyrra. Það er þó ekki
metfjöldi, því árið 2003 voru þau
6.312. Þeim fækkaði jafnt og þétt
til ársins 2007, samtals um 32
prósent, en hefur nú fjölgað að
nýju.
Fjölmennasti hópurinn sem
þiggur fjárhagsaðstoð er nú sem
fyrr einstæðir, barnlausir karl-
ar, en þeir nema 39 prósentum
þeirra heimila sem aðstoð þiggja.
Einstæðar konur með börn voru
á 32,8 prósentum þeirra heimila
sem þáðu aðstoð. - kóp
Félagsþjónusta sveitarfélaga:
Fleiri þiggja
fjárhagsaðstoð
ÖRYGGISMÁL Ef áætlanir stjórnvalda
ganga eftir verður nýr sjóvarnar-
garður við Vík í Mýrdal fjármagn-
aður úr Ofanflóðasjóði.
„Ég hef spurt sjálfan mig að því
af hverju flóðasjóður er ekki not-
aður til að verja byggð vegna sjó-
flóða – vegna þess að snjóflóð og
sjóflóð eru ótrúlega lík. Það er ein-
ungis brottfall á einu n-i – þá erum
við farin úr sjóflóði yfir í snjóflóð,“
sagði Kristján L. Möller samgöngu-
ráðherra á Alþingi á miðvikudag.
Heimamenn í Mýrdalshreppi
hafa undanfarin misseri krafist
betrumbóta á sjóvörnum við Vík
vegna mikils landbrots. Samgöngu-
ráðherra sagði landbrotið nú komið
inn fyrir tiltekna eftirlitslínu á um
750 metra kafla og komið að ögur-
stundu. Í undirbúningi væri því að
bjóða út gerð nýs 750 metra langs
og 7,7 metra hás varnargarðs eftir
áramót. Áætlað er að í hann fari
um 400 þúsund tonn af grjóti og
sprengdum kjarna og að kostnað-
urinn verði um 230 milljónir króna.
Fyrir þessu væri hins vegar ekki
gert ráð í fjárlögum næsta árs.
„Ef ekki verður ráðist í þessa
framkvæmd og stórbrim verður
líkt og kom á árinu 1990 má reikna
með miklu sjávarflóði sem hefði í
för með sér mörg hundruð milljón
króna tjón á mannvirkjum í eigu
sveitarfélagsins og húseignum
einstaklinga,“ sagði samgönguráð-
herra sem ítrekaði að fjármögnun-
in væri enn ekki tryggð þótt hann
hafi rætt við umhverfisráðherra
um þátttöku ofanflóðasjóðs í verk-
efninu. Fram kom við umræðuna
að um sex milljarðar króna eru í
Ofanflóðasjóði. Hann var settur á
fót eftir mannskæð snjóflóð á Vest-
fjörðum fyrir hálfum öðrum ára-
tug.
Björgvin Sigurðsson, þingmað-
ur Samfylkingar, líkti landbrotinu
við hamfarir. „Mýrdælingar hafa
sýnt einstakt langlundargeð meðan
fjörutíu hektarar af landi hafa
horfið beint fyrir framan þorpið,“
sagði Björgvin, sem var upphafs-
maður umræðunnar á Alþingi með
fyrirspurn til ráðherra.
„Við erum fullvalda þjóð og það
er alveg sama hversu illa árar hjá
okkur í efnahagsmálunum - þetta
mál verðum við að leysa,“ sagði
Unnur Brá Konráðsdóttir, þing-
kona úr Sjálfstæðisflokki.
Unnur kvaðst vonast til að Ofan-
flóðasjóður kæmi að málinu. Hún
var hins vegar ósammála saman-
burði samgönguráðherra á sjó-
flóðum og snjóflóðum. „Það er
grundvallarmunur á snjóflóðum
og sjóflóðum,“ sagði Unnur.
Eygló Harðardóttir úr Fram-
sóknarflokki sagði Alþingi mundu
leysa málið. „Hvort sem það munar
einu n-i til eða frá,“ undirstrikaði
þingkonan. gar@frettabladid.is
Fé úr ofanflóðasjóði
til sjóvarna við Vík
Samgönguráðherra býst við útboði á nýjum sjóvarnargarði við Vík eftir áramót.
Peninga vantar en það munar aðeins einu n-i á sjóflóðum og snjóflóðum, segir
ráðherra sem vinnur að því að Ofanflóðasjóður taki þátt í fjármögnun verksins.
EYGLÓ
HARÐARDÓTTIR
UNNUR BRÁ
KONRÁÐSDÓTTIR
BJÖRGVIN G.
SIGURÐSSON
KRISTJÁN L.
MÖLLER
VIÐ VÍK Óttast er að mannvirki fyrir hundruð milljóna skemmist ef ekki verður hið
fyrsta byggður nýr sjóvarnargarður við Vík. FRÉTTABLAÐIÐ/VILHELM
LÖGREGLUMÁL Tveir menn eru í
haldi lögreglunnar á höfuðborg-
arsvæðinu grunaðir um að hafa
framið vopnað rán í verslun 10-
11 við Engihjalla á laugardags-
kvöld.
Annar mannanna ógnaði
starfsfólki og viðskiptavin-
um verslunarinnar með hníf
og komst á brott með einhverja
fjármuni. Hinn beið í bíl fyrir
utan verslunina á meðan.
Mennirnir komust undan en
lögregla handsamaði þá skömmu
síðar. Þeir voru á stolnum bíl og
voru báðir undir áhrifum lyfja
þegar ránið var framið. Þeir eru
fæddir árið 1978 og 1985. - þeb
Tveir menn í haldi lögreglu:
Frömdu vopnað
rán í 10-11
Ofhlaðin ferja sökk
Þriggja hæða ferja sökk með fimmtán
hundruð manns innanborðs í Suður-
Bangladess. Leitarmenn hafa fundið
37 látna en 80 er enn saknað.
BANGLADESS
Lögreglumenn drepnir
Fjórir lögreglumenn voru skotnir til
bana í nágrenni Seattle í gærdag.
Lögreglumennirnir sátu á kaffihúsi
áður en vakt þeirra hófst í gær. Þeir
drukku kaffi og voru í tölvum sínum
þegar skotárásin hófst.
BANDARÍKIN
Bitni ekki á jafnrétti
Félagsmálanefnd Borgarbyggðar hefur
beint því til sveitarstjórnarinnar að
gæta þess að sparnaðaraðgerðir auki
ekki mismunun kynjanna.
BORGARBYGGÐ
LÖGREGLUMÁL Gæsluvarðhald hefur
verið framlengt yfir tveimur af
þremur sakborningum í umfangs-
miklu þjófnaðarmáli. Átta eru
ákærðir í málinu, allt ungt fólk af
pólskum uppruna.
Aðalmeðferð lauk á föstudag, en
mennirnir sem sitja áfram í haldi
kunna að verða dæmdir í 12 til 15
mánaða fangelsi. Gæsluvarðhald
yfir þeim var framlengt þar til
dómur fellur, þó ekki lengur en til
18. desember.
Þriðji maðurinn var látinn laus.
Allir hafa mennirnir setið í haldi
frá því 13. ágúst. Refsirammi í máli
þess sem látinn var laus heimilar
ekki þyngri dóm en sex mánuði.
Tekinn var fyrir í Héraðsdómi
Reykjaness í morgun sá ákærulið-
ur sem snýr að þátttöku þess sem
látinn var laus í innbroti í leigubíl
við Garðastræti í sumar. Vitni sá
til hans og annars manns flýja af
vettvangi.
Annar þeirra sem áfram situr í
haldi játaði innbrotið í bílinn, en sá
sem var sleppt neitar sök. Honum
lenti saman við hinn í gæsluvarð-
haldinu. Í málflutningi fulltrúa lög-
reglunnar á höfuðborgarsvæðinu
kom fram að sá sem áfram situr í
haldi hafi breytt framburði sínum
eftir að hafa lent saman við hinn.
Hann neitaði að tjá sig um málsat-
vik fyrir dómi í gærmorgun. - óká
Í HÉRAÐDÓMI Ákært er fyrir fjölda þjófn-
aða í margvíslegum innbrotum og aðild-
ar að brotum í umfangsmiklu máli sem
er fyrir Héraðsdómi Reykjaness. Dóms
er vænst á næstu vikum. FRÉTTABLAÐIÐ/GVA
Gæsluvarðhald framlengt að hluta yfir meintum þjófum frá Póllandi:
Tveir af þremur áfram í haldi
LÖGREGLUMÁL Fíkniefnadeild lögreglunnar á höfuð-
borgarsvæðinu tók 105 grömm af kókaíni í húsnæði
í Grafarholti um helgina.
Efnin fundust í einbýlishúsi í Grafarholtinu. Þar
búa þrír karlmenn um þrítugt. Margar kvartan-
ir hafa borist til lögreglu vegna hávaða frá húsinu
og partíhalds þar að undanförnu. Þá höfðu tíðar
mannaferðir til og frá því vakið athygli.
Um helgina lét lögreglan svo til skarar skríða að
fengnum dómsúrskurði og gerði húsleit á staðnum.
Í herbergi eins mannanna þriggja fannst kókaínið
og eitthvað af maríjúana. Fyrrnefnda efnið var ekki
komið í söluumbúðir þegar lögreglan haldlagði það,
heldur geymt í dós.
Samkvæmt verðkönnun SÁÁ á fíkniefnum kost-
ar grammið af kókaíni um fimmtán þúsund krónur.
Maðurinn hafði því undir höndum efni fyrir rúm-
lega 1,5 milljónir króna í götusölu.
Maðurinn sem um ræðir verður boðaður til
skýrslutöku hjá lögreglu í dag. Þremenningarnir
hafa komið við sögu hjá lögreglu og eru allir þekktir
að því að hafa verið viðloðandi fíkniefni. - jss
Fíkniefnadeild lögreglunnar á höfuðborgarsvæðinu:
Tók kókaín fyrir 1,5 milljónir
KÓKAÍN Grammið af kókaíni kostar um fimmtán þúsund krón-
ur í götusölu. Myndin er sviðsett.
VEISTU SVARIÐ?