Fréttablaðið - 30.11.2009, Blaðsíða 40

24 30. nóvember 2009 MÁNUDAGUR
sport@frettabladid.is
www.kvikkfix.is
Ferð á Kársnesið borgar sig!
Vesturvör 30c
Veigar Páll Gunnarsson mun mjög líklega skrifa undir þriggja ára
samning við norska úrvalsdeildarfélagið Stabæk í dag. Hann var
staddur í Noregi þegar Fréttablaðið náði tali af honum í gær en þar
var hann staddur til að gangast undir læknisskoðun.
„Ef allt gengur eftir ætti ég að skrifa undir á morgun,“ sagði
Veigar Páll í gær. „Mér líður alveg óskaplega vel með þessa
ákvörðun enda er ég nánast kominn heim,“ bætti hann við
en Veigar Páll var á mála hjá Stabæk í fimm ár, frá 2004 þar til
í janúar á þessu ári er hann var seldur til Nancy.
Stabæk kaupir hann nú til baka fyrir lága upphæð, um 13
milljónir króna, sem er afar lítið miðað við það sem Nancy
greiddi fyrir hann í fyrra.
Hjá Nancy fékk Veigar Páll sáralítið að spila og hann hefur
til að mynda ekkert fengið að koma við sögu hjá liðinu það
sem af er tímabili í frönsku úrvalsdeildinni.
„Þetta er eitthvað sem ég varð að gera. Það var örugg-
lega ekki sárt fyrir þá að sleppa mér en það hefði vel geta
verið sárt ef ég hefði fengið tækifæri til að sýna hvað ég
get. Það tækifæri fékk ég aldrei.“
Veigar Páll segist engar skýringar hafa fengið á því af hverju
hann hafi ekki spilað. „Áður en ég fór í frí síðasta sumar talaði
ég við þjálfarann og hann sagðist vel vita hvað ég gæti í fót-
bolta og að ég fengi mun meira að spila á næsta tímabili.
Ég var svo á bekknum fyrstu tvo leikina en svo gerðist
eitthvað. Ég var frystur og ég veit ekki af hverju.“
Veigar Páll efast ekki um að hann hafi haft getuna til
að spila í frönsku úrvalsdeildinni. „Mér fannst ég standa
mig vel á æfingum og ég hefði vel getað gert ágætis-
hluti með þessu liði. Mér fannst þetta mjög furðulegt.“
Hann neitar því ekki að þetta sé búið að taka á. „Sjálfs-
traustið hjá mér var í núlli. Eftir að þjálfarinn frysti mig hafði
ég vitanlega engan áhuga á að vera þarna og ekki vera í fót-
bolta yfirhöfuð. Hefði ég haldið áfram þessi tvö og hálft ár sem
ég átti eftir hefði það gert út af við minn feril.“
Veigar Páll segir að það eina sem hafi haldið sér á floti hafi verið
íslenska landsliðið. „Það var það eina sem stóð í vegi fyrir
að maður varð ekki algjörlega geðveikur. Það var gríðar-
lega gott að hitta strákana og ekki síður að fá að spila.“
VEIGAR PÁLL GUNNARSSON: SKRIFAR LÍKLEGA UNDIR ÞRIGGJA ÁRA SAMNING VIÐ STABÆK Í DAG
Nancy var að drepa knattspyrnuferilinn minn
HANDBOLTI Freyr Brynjarsson sá
til þess að Haukar fengu stig gegn
Val í Vodafone-höllinni í gær. Hann
skoraði jöfnunarmark Hauka og
kom svo í veg fyrir að Valsmenn
næðu að komast aftur í sókn á loka-
sekúndum leiksins. Freyr uppskar
rauða spjaldið fyrir en niðurstaðan
var jafntefli, 20-20.
Eins og tölurnar gefa til kynna
voru liðin langt frá sínu besta í
sínum sóknarleik en varnarleikur
og markvarsla var góð hjá báðum
liðum.
Staðan í hálfleik var 9-8, Hauk-
um í vil, en gestirnir úr Hafnar-
firðinum voru betri aðilinn í fyrri
hálfleik og voru sjálfsagt svekkt-
ir með að vera ekki með meiri for-
ystu. Valsmenn byrjuðu seinni hálf-
leik hins vegar af miklum krafti og
skoruðu sex af fyrstu sjö mörkum
hálfleiksins.
Haukar náðu þó aftur að jafna
metin og voru lokamínúturnar afar
spennandi sem fyrr segir.
„Við spiluðum frábæra vörn allan
leikinn og Bubbi (Hlynur Morthens)
er enn og aftur að sýna hversu
mikill happafengur hann er fyrir
okkur. Hann var frábær í ramm-
anum,“ sagði Óskar Bjarni Óskars-
son, þjálfari Vals, eftir leikinn. „En
að við skyldum aðeins hafa skorað
átta mörk í fyrri hálfleik er algjör
skandall. Það jákvæða var að við
náðum að halda sterku liði Hauka í
20 mörkum og sjálfum finnst mér
við spila besta varnarleik allra liða
í deildinni.“
Hann segir Valsliðið eiga þó
mikið inni. „Sérstaklega í hraða-
upphlaupunum og sóknarleiknum.
Það kemur þó fyrir rest.“
Einar Örn Jónsson, leikmaður
Hauka, var sáttur við að hafa náð í
stig á heimavelli Vals. „Það er afar
sjaldgæft að lið komi hingað og
nái í tvö stig og miðað við hvernig
leikurinn þróaðist erum við nokk-
uð sáttir við að hafa náð einu stigi
í dag.“
Hann sagði Haukaliðið hafa
spilað óskynsamlega framan af
í síðari hálfleik, þegar Valsmenn
náði undirtökunum í leiknum.
„Við vorum að taka óöguð skot
og gefa lélegar sendingar. Þá náðu
þeir að keyra áfram sín hraðaupp-
hlaup sem er þeirra langsterkasta
vopn. En það lagaðist þegar við
fórum að spila af meiri skynsemi í
sókninni og þá náðum við að koma
okkur aftur í leikinn.“
Haukar eru sem fyrr enn
taplausir í deildinni og segir
Einar það góða tilhugsun. „Við
stefnum auðvitað á að vera áfram
taplausir en það er erfitt. Þetta
var mikið basl í dag og í raun bara
guðslukka að við náðum þó stigi
hér í dag.“
eirikur@frettabladid.is
Freyr tryggði Haukum stig
Valsmenn eru enn á toppi N1-deildar karla og Haukar enn taplausir í deildinni
eftir að liðin skildu jöfn, 20-20, í toppslag deildarinnar í gær. Það var Hauka-
maðurinn og fyrrum Valsarinn, Freyr Brynjarsson, sem tryggði Haukum stigið.
VALUR - HAUKAR 20-20
Mörk Vals (skot): Ernir Hrafn Arnarson 5 (10),
Ingvar Árnason 4 (4), Arnór Þór Gunnarsson
4/1 (9/1), Fannar Þór Friðgeirsson 4 (11), Elvar
Friðriksson 3 (9), Orri Freyr Gíslason (1).
Varin skot: Hlynur Morthens 14 (34/3, 41%).
Hraðaupphlaup: 2 (Arnór Þór 2).
Fiskuð víti: 1 (Fannar Þór 1).
Utan vallar: 6 mínútur.
Mörk Hauka (skot): Björgvin Hólmgeirsson 5
(12), Freyr Brynjarsson 4 (4), Guðmundur Árni
Ólafsson 3/2 (4/2), Jónatan Jónsson 3 (3),
Einar Örn Jónsson 2 (2), Sigurbergur Sveinsson
1/1 (8/1), Heimir Óli Heimisson 1 (2), Þórður
Guðmundsson 1 (1), Tjörvi Þorgeirsson (1).
Varin skot: Birkir Ívar Guðmundsson 16 (36/1,
44%).
Hraðaupphlaup: 3 (Freyr 2, Þórður 1).
Fiskuð víti: 3 (Freyr 1, Sigurbergur 1, Þórður 1).
Utan vallar: 4 mínútur.
Dómarar: Anton Pálsson og Hlynur Leifsson,
voru góðir í erfiðum leik.
> Hanna skoraði átján mörk
Hanna Guðrún Stefánsdóttir fór hamförum er Haukar
unnu Fylki með átta marka mun í N1-deild kvenna um
helgina, 30-22. Hanna skoraði átján mörk fyrir Hauka í
leiknum en staðan í hálfleik var 15-12.
Úrslit helgarinnar voru annars öll eftir
bókinni. HK vann Víking í botnslag
deildarinnar, 24-18, og Fram vann
KA/Þór á laugardaginn, 35-21.
Norðanstúlkur mættu svo Val í
gær en máttu sætta sig aftur við
stórt tap, 35-15. Valur er því enn
taplaust og á toppi deildarinnar
með sextán stig, einu meira en
Stjarnan og Fram.
Í STRANGRI GÆSLU Valsmennirnir Ingvar Árnason og Elvar Friðriksson reyna hér að
stöðva Haukamanninn Einar Örn Jónsson. FRÉTTABLAÐIÐ/VALLI
KÖRFUBOLTI Grindavík vann í gær-
kvöldi sigur á Snæfelli, 95-94, í
æsispennandi framlengdum leik
í Grindavík. Það var Björn Steinar
Brynjólfsson sem var hetja Grind-
víkinga í leiknum en hann setti
niður þriggja stiga skot þegar
aðeins tæpar tvær sekúndur voru
til leiksloka.
Snæfell fékk boltann þegar
um átján sekúndur voru eftir og
Grindvíkingar misnotuðu skot.
Heimamönnum tókst ekki að
brjóta á Snæfellingum í kjölfar-
ið en fengu þó boltann aftur eftir
misheppnaða sendingu hjá Snæ-
felli.
Þá kom að þætti Birni Steinars
sem skoraði sigurkörfuna mikil-
vægu.
Snæfellingar fengu þó eitt tæki-
færi enn til að vinna leikinn en
skot Hlyns Bæringssonar á loka-
sekúndu leiksins geigaði.
„Það var gríðarlega ánægju-
legt að landa þessum sigri
enda tvö jöfn lið þarna á
ferð,“ sagði Friðrik Ragn-
arsson, þjálfari Grinda-
víkur, eftir leikinn. „Leik-
urinn var í járnum allan
tímann.“
Hann segir sína
menn spila betur
nú eftir erfiða
byrjun á tíma-
bilinu. „Stað-
reyndin er
bara sú að
við erum
á mjög
svipuðu
reiki og flest þessi lið
í toppbaráttu deildar-
innar. Þetta datt okkar megin í dag
og var hluti af því smá heppni. Við
tökum því fagnandi.“
Þrír leikir fóru fram í deild-
inni í gær. ÍR vann Fjölni á
heimavelli, 84-73, og Tinda-
stóll vann stórsigur á botnliði
FSu, 103-52.
Snæfell er í fimmta sæti
deildarinnar með tólf stig,
Grindavík í sjötta með
tíu og ÍR í sjöunda með
átta stig. Tindastóll
er nú með sex stig en
Fjölnir enn með fjög-
ur og FSu stigalaust
á botninum. - esá
Mikil spenna í Grindavík í Iceland Express-deild karla í gærkvöldi:
Grindavík vann í framlengingu
ARNAR FREYR JÓNSSON
Skoraði níu stig, tók átta
fráköst og gaf sjö stoðsend-
ingar í gær.
FRÉTTABLAÐIÐ/STEFÁN
KÖRFUBOLTI KR vann í gær-
kvöldi öruggan sigur á Hauk-
um á Ásvöllum, 81-62, í Iceland
Express-deild kvenna. KR er
þar með enn með fullt hús stiga
á toppi deildarinnar.
Margrét Kara Sturludóttir fór
á kostum í leiknum í gær og skor-
aði 34 stig auk þess sem hún tók
sjö fráköst.
Yfirburður KR voru miklir en
liðið náði fjórtán stiga forystu
strax í fyrsta leikhluta. Staðan í
hálfleik var 42-23, KR í vil.
Hjá Haukum var Heather Ezell
stigahæst með 23 stig en mikið
munaði um að Telma Björk Fja-
larsdóttir er frá vegna meiðsla.
KR er með átján stig á toppi
deildarinnar en Haukar í sjötta
sætinu með sex stig. - esá
KR enn taplaust í Iceland Express-deild kvenna:
Öruggur sigur KR
34 STIG Margrét Kara Sturludóttir, til
hægri, fór mikinn í leiknum.
FRÉTTABLAÐIÐ/VALLI