Veðrið - 01.04.1961, Blaðsíða 11

Marz.
Mánuðurinn var mjög umhleypingasamur. Fram um þ. 20. kom hver lægðin
af annarri suðvestan úr hafi og fór norður Grænlandshaf. Á Arnarstapa er tíðar-
farinu lýst á þessa leið: „Það hefur verið umhleypingasamt allan mánuðinn, næst-
um komið á öllum áttum sama sólarhringinn. Mun kaldara eftir þ. 13. Allar
skepnur á fullri gjöf.“ Á Lambavatni er talið reglulegt vetrarveður, umhleypinga-
samt og stórgert, en oftast kuldalítið. I lok mánaðarins var þar töluverður snjór.
Veðurlag á Suðurlandi var mjög svipað því sem lýst hefur verið á Vesturlandi. Frá
Leirubakka á Landi barst þessi veðurlýsing: „Framan af mánuðinum eða til þ.
14. var suðlæg átt ríkjandi, éljagangur og hlákublotar. Þ. 5. var þó norðan and-
vari. — 14. til 16. Vindátt hvarflaði milli norðurs og austurs, síðan lygnt og hæg
suðlæg átt með þoku og lilýindum. — 23. til 31. skiptast á norðvestan og suðaustan
áttir með snöggum hitabreytingum. Norðanáttin varð að lokum ofan á, jtað létti
til og jafnframt herti frostið. Tíðarfar mánaðarins yfirleitt milt, úrkomusamt
og óstöðugt. Hagi lengst af afleitur."
Norðan lands og austan voru veður yfirleitt hæglátari framan af. Frá Sandi í
Aðaldal er skrifað: „Tíðarfar var óstöðugt og dálítið úrkomusamt. Milt með
snjókomu og hláku til skiptis til 22. Snjór stóð ekki við á láglendi til lengdar fram
að þeim tíma. Eftir þ. 22. var kalt í veðri og töluverð snjókoma öðru livoru.“
Á Austurlandi er fyrri hlutinn talinn mildur og á Skriðuklaustri var gróður
farinn að sjást meðfram húsveggjum þ. 20.
Síðustu viku mánaðarins snjóaði um allt land og jafnvel á Suðurlandi var færð
tekin að þyngjast á vegum.
April.
Framan af mánuðinum var kuldatíð og mjög vetrarlegt um land allt, en upp
úr sumarmálum breytti mjög um til hins betra. Fyrstu viku mánaðarins voru víða
mestu frost vetrarins og alls staðar var snjór á jörðu. Suður á Bergþórshvoli var
sérstaklega vetrarlegt í byrjun mánaðarins og þar setti niður óvenju mikinn
snjó. Á Skriðuklaustri eru hörku éljaveður í byrjun mánaðar mikið frost og
strekkingur.
Heldur hlýnaði í annarri viku mánaðarins og snjó leysti sunnan lands, en
norðan lands hélt álram að snjóa, og þ. 14. var mikil snjókoma um allt land.
Norðanlands batnaði tíðin ekki teljandi fyrr en um ]t. 20., og jafnvel suður í
Kalmanstungu er „linnulaus ótíð fram að 20. og haglaust með öllu.“ Á Hólum
í Hjaltadal voru „viðvarandi skörp frost frá upphafi mánaðar til 21., öðru hvoru
dálítil snjókoma og Iremur leiðinlegt tíðarfar," og frá Húsavík er skrifað: „Fram
til 20. var meiri og minni snjókoma og nokkurt frost. Setti niður mikla fönn.
Hciðarvegir ófærir og um tíma illfært í byggð.“ Veðriti hafa verið harðari eftir
því sem austar dró á Norðurlandi, og á Þorvaldsstöðum er „versta tíð, mjög
stormasamt og snjókoma oft dag eftir dag."
Fyrsta sumardag bar að þessu sinni upp á 20. apríl og lrá þeim degi ríkja vor-
hlýindi um allt land. Snjóa leysir og gróðurnál kemur í tún á flestum veður-
10 --- VEÐRIÐ