Veðrið - 01.09.1962, Blaðsíða 24

komið nokkuð langt sunnan að, og er þess vegna svona lilýtt í góðri hæð. En
neðsta lagið hefur kólnað vegna snertingar við tiltölulega kaldan sjóinn fyrir
vestan og suðvestan landið. Þann 9. og um 20. kemst hitinn í 500 m hæð upp
fyrir 10 stig. Þá er það sólarhitinn, sem mest munar um, eins og bezt sést
á því að í 1500 m hæð er ekki sérlega hlýtt á sama tíma. Um miðbik mánaðar-
ins var löngum hæð yfir landinu og norðan við það, en lægðir fóru austur
um langt suður í hafi. Veður var kyrrt, en lieldur svalt, því að yfir landið
barst loft að norðan og norðaustan.
í ágúst var veðurfarið svipað og í júlí. Engin stórviðri komu eins og stund-
um vill verða í þessum mánuði. Nú fóru þau öll sunnar og skullu á löndum
Vestur-Evrópu. Tíðin var stillt en heldur köld, sérstaklega norðan lands, því
að skýjaflákar, saggi og sólarleysi fylgir að jafnaði lofti utan af Noregshafi með
norðaustanáttinni.
I september fer augljóslega að kólna og hausta. Um miðjan mánuðinn kem-
ur frost í 500 m hæð, og þá gerði næturlrost um nær allt land. Seinni hluta
mánaðarins er kominn vetrarsvipur á hitafarið. Þá er líka skipt um tíð. Stórar
lægðir fara yfir landið eða rétt hjá því og draga að loft frá fjarlægum stöðum.
Mesta veðrið gerði um helgina 23. september. Lægðin sem því olli fór norður
hjá rétt undan vesturströndinni og sveiflaði norður á bóginn fyrir austan sig
lilýju lofti sunnan úr höfum um leið. Það kemur frant sem „hitabylgja á línu-
ritinu. Þegar lægðin var komin norður fyrir landið, beindi liún inn yfir það
köldu lolti að vestan. Það keniur fram sem „kuldadalur“ á hitalínunum.
KNÚTUR KNUDSEN:
Vor og sumar 1962
April. Fyrri hluta mánaðarins var norðaustanátt ríkjandi. Norðan lands var
illviðrasamt og víða fannfergi, en sunnan lands var fremur þurrt og nokkur frost.
Um miðjan mánuðinn brá til hlýinda, og var síðan stillt og góð tíð til mán-
aðarloka. Hitinn í mánuðinum var 1—2 stigum yfir meðallagi og úrkoma í
meira lagi á Suður- og Vesturlandi.
Maí. Fyrstu dagarnir í maí voru góðir, en mánuðurinn í lieild var ekki hag-
stæður gróðri. Hann var í kaldara lagi um allt land og víða of þurr. Klaki í
jörð var mikill og mun þar hafa ráðið nokkru, að febrúar og j)ó einkum marz
voru óvenju kaldir.
Júní. Fyrsta vikan var hlý víðast hvar á landinu, en eftir [)að var vindur
norðaustanstæður og kalt fram að Jónsmessu.
60 --- VHÐRIÐ